1 Samweli 2:8 - BIBLIYA NTAGATIFU OMU MASHI

⁸ Ye kûla omugalugalu omu katulo, n’omukenyi amukûle omu camvu, amudahaze omu ndêko y’abaluzi n’okumuhà entebe y’irenge; bulya ebikondo by’igulu binali bya Nyakasane, enyanya yabyo yo ayûbasire igulu.

1 Samweli 2:8 ပူးပေါင်းရင်းမြစ်များ

Murhondêro 41:14

Faraoni mwâmi w’e Mîsiri arhumiza mpu balêrhe Yozefu. Banacimurhenza duba duba omu mpamikwa. Amômwa, arhôla yindi yindi myambalo, ajà emwa Faraoni mwâmi w’e Mîsiri.

Murhondêro 41:40

Wekola warhegeka akarhwabwâmi n’olubaga lwâni lwoshi lwayumva irhegeko lyâwe, entebe y’obwâmi yône nkulushire».

2 Samweli 7:8

“Bunôla ojag’ibwîra mwambali wâni Daudi ntyâla: Erhi mpu oku akanwa Nyamuzinda kadesire kw’oku: Niene nakurhenzagya ebulambo erhi oyâbula ebibuzi, nakwîshoga nti obè mwâmi w’olubaga lwâni Israheli”;

1 Bâm 16:2

«Nakurhenzagya omu katulo nanakujira mwimangizi w’olubaga lwâni lw’Israheli, cikwône washimba olugendo lwa Yerobwâmi, na ntyo wajirîsa olubaga lwâni lw’Israheli ebyâha binkunizize.

2 Bâm 9:6

Yehu anaciyimuka anacijà omu nyumpa; olya mwâna anacimubulagira amavurha ah’irhwe anacimubwîra erhi: «Kwo Nyamubâho, Nyamuzinda w’Israheli adesire ntyâla: Nkushîzire amavurha g’okubà mwâmi w’olubaga lwa Nyamubâho omw’Israheli.

Ayubu 1:21

«Narhengaga mushugunu omu nda ya nyâmà na bushugunu nâshubiremwo. Nyamuzinda wampâga, Nyamuzinda onyazire, izîno lyâge likuzibwe!»

Ayubu 2:8

Ayubu ayanka ehijò akazicîburûsha-mwo anaforhamire omu luvù.

Ennanga 102:25

Yâgirwa Nnâmahanga omanye wampêka nnanciri omu karhî k’ensiku zâni. Emyâka yâwe wêhe ho eyôrha ebà omu maburhwa n’amâburhwa.

Ennanga 104:5

Wayanka igulu walidêkereza oku bikondo byâlyo: lirhankafà lyâhuliganyire.

Ennanga 107:41

akula omukenyi mwo bulya buhanya, analuza emilala yashuba minji nka masô.

Ennanga 24:2

Ye walijeberezagya oku ndêko y’enyanja, àliyûbaka analizibuhya oku maliba g’enyîshi.

Ennanga 75:3

Amango nâtwa olusiku go na mango nâtwa olubanja niene; nk’oku binahashikîne.

Ennanga 75:4

Ciru igulu lyankadundagana, n’abaliyûbakakwo boshi badûndagana, amakondo gâlyo buzibu nagagwisire.

Ennanga 75:7

Arhali yo âyîsh’ebushoshôkero bw’izûba, nîsi erhi ebuzikiro bwalyo; arhali yo âyîsh’ebwa ntondo,

Muhanûzi 4:14

Omurhumba anarhenga omu mugozi ajiyanka oburhegesi, nîsi erhi aburhwe mukenyi omu bwâmi.

Izaya 22:23

“Namugwîka nka lubambo omu budaka buzihu, abè ntebe y’irenge omu nyumpa y’îshe”.

Daniyeli 2:48

Oku bundi, mwâmi anacijira Daniyeli muguma w’omu barhambo bâge bakulu anamuhà empêmbo nnene na nyinji, amujira murhambo w’ecihugo ca Babiloni coshi na mukulu w’abarhimanya boshi b’omu Babiloni.

Daniyeli 4:17

“Ogwôla murhi wabonaga gwakula guna­ba murhi muzibu n’irhwêrhwè lyâgwo lihikira omu nkuba karhî, kandi gwaka­zibonekana omu igulu lyoshi”;

Daniyeli 6:3

N’enyanya ly’abôla barhambo ashubihirayo bandi basharhu bo bakulira abandi. Daniyeli ali muguma wa muli bo. Abandi barhambo bali bagwâsirwe okukazibamanyîsa oku badwîrhe bakola ly’omwâmi alekiba burhè.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?

Mafulûlo 1:6

arhuyîmika anarhujira badâhwa b’Îshe Nyamuzinda! Kuli ye irenge n’oburhegesi emyâka n’emyâka! Amen.

Mafulûlo 22:5

Obudufu ntâbwo bwacihabè, na ntà bulagîrire bacîbone bw’obulangashane bw’akamole nîsi erhi bw’izûba, bulya Nyakasane Nyamuzinda ye wayish’ikabamolekera, banayish’iyîma omu myâka n’emyâka.

Mafulûlo 3:21

Owânahime, namuhà atamale oku ntebe yâni haguma nâni, nka kulya nâni nahimaga, naj’itamala rhwe na Larha oku ntebe yâge».

Mafulûlo 5:10

wanarhujira bwâmi bwa Nyamuzinda wîrhu na badâhwa bâge, n’igulu rhwe rhwaliyîmemwo».

1 Samweli 15:17

Samweli anaciderha, erhi: «Ka ciru wêne orhakagibona n’amasù gâwe oku onali munyi; k’orhacibaga mwâmi wa bene Israheli, ka Nyamubâho arhaciyimanikaga mwâmi w’Israheli?