1 Samweli 2:1 - BIBLIYA NTAGATIFU OMU MASHI

¹ Go mango Ana aderhaga ogu musengero: «Omurhima gwâni gukuzize Nyakasane namanakubûla obuhashe bwâni erhi Nyakasane orhuma. Lêro nâni namabumbûla akanwa embere z’abashombanyi bâni, bulya nsîmire okubà wamanyôkola

1 Samweli 2:1 ပူးပေါင်းရင်းမြစ်များ

2 Nganîro 20:27

Abantu b’e Yûda boshi n’abantu b’e Yeruzalemu, banashokolîrwe na Yozafati, bashubihuma enjira yâbo n’omwîshingo munene bakola bashubira e Yeruzalemu, ebwa kubà Nyamubâho anabasîmîsize ene abayôkola oku bashombanyi bâbo.

Nehemiya 11:17

Matanya mugala wa Mika, mugala wa Zabudi mwene Asafu ye wali murhambo wakazâg’irhangiza olwimbo lw’okuvuga omunkwa amango bakola baharâmya; Bakubukiya ye wali wa kabiri muli bene wâbo, na Obadiya mugala wa Shamuwa mwene Galali mugala wa Yedutuni.

Ayubu 16:15

Oku mubiri gwâni, nahângirekwo sûnzu, n’obusù bwâni nabufûnda omu katulo.

Ennanga 118:14

Nyakasane ye busêre na buzibu bwâni, ye wambêrîre Mugaruka.

Ennanga 13:5

Omushombanyi alek’iderha, erhi: «Namuhimire!» Abanzi bâni balek’icîshinga babona njajâba.

Ennanga 148:14

Ajîsize olubaga lwâge irenge, ngwârhiro ya bukuze oku barhonyi bâge, bo bâna b’Israheli, ishanja limuyêgêra.

Ennanga 18:2

Anaciderha, erhi: Nkusîma Nyamuzinda, we misî yâni;

Ennanga 20:5

Akushobòze eci omurhima gwâwe gucìfinja, anakurhabâle obone ehi olonza hyoshi.

Ennanga 21:2

Yâgirwa Nyakasane, mwâmi adwîrhe acîshingira emisî yâwe, oburhabâle bwâwe bumuyunjuzize mwishingo.

Ennanga 35:9

Omurhima gwâni gwohe gwakaz’icishinga muli Nyakasane, gwakaz’icîtakîrira oburhabâle bwâge.

Ennanga 51:15

Nyêreke abagoma enjira zâwe, n’abanya-byâha bagaluk'emund’oli.

Ennanga 71:8

Akanwa kâni karhadwîrhi kahusa kuyimba irenge lyâwe, budwîrhe bwaca bunayîre erhi irenge lyâwe kayimba.

Ennanga 75:10

Niehe nâyôrha nsîmire ensiku n’amango, nanzihire Nyamuzinda wa Yakôbo olulanga.

Ennanga 89:17

Barhahwa barhacîtakira izîno lyâwe, n’okukuza obukulu bwâwe.

Ennanga 89:18

Bulyâla okulangaza kw’obuhashe bwâbo, wêne obalwîre, n’okunegena kw’ihembe lîrhu, erhi rhurhonyire emund’oli.

Ennanga 89:24

Abashombanyi bâge nabatuntuma anabona n’abanzi bâge boshi kushemba nabashemba.

Ennanga 9:14

Yâgirwa Nyamuzinda, ombabalire, olole oku abashombanyi badwîrhe bantindibuza, onshugule omu mihango y’olufù;

Ennanga 92:10

Bulya nêci abakushomba Yâgirwa, abakushomba kuhera bâhere; ba nyankola-maligo boshi kushandâla bâshandâle.

Lubungo 15:1

Okuhandi, Mûsa bona Bene-Israheli, banaciyimbira Nyakasane olu lwimbo, mpu: Nacîtakîra Nyakasane, bulya àyêrekîne irenge lyâge: àloha ebiterusi n’abashona oku biterusi omu nyanja.

Lubungo 15:21

Miriyamu àkàyimbiza, erhi: «Mucîtakirire Nyakasane, bulya àyêrekîne irenge lyâge: aloha omu nyanja ebiterusi n’abashona oku biterusi».

Habakuki 3:1

Ogu gwo musengero omulêbi Habakuki ayêrekezagya Nnâmahanga guli nka kulaka mulenge.

Habakuki 3:18

Ci kwône niehe nahama n’omwîshingo muli Nyakasane, nâcîshingira muli Nyamuzinda Muyôkozi wâni.

Luka 1:69

Arhumereza ihembe ly’obucire omu nyumpa y’omwambali Daudi.

Barom 5:11

Arhanali kwône okwo; ci rhudwîrhe rhwacîsima muli Nnâmahanga erhi Nnawîrhu Yezu orhuma, ye warhushobôzagya okuyinjibana na Nyamuzinda.

Lushika 33:17

Acûke nka nfizi ya lubere. Amahembe gâge nka mahemhe ga mbogo, go gatumirha amashanja gagakwâme gagahise aha kafende k’igulu. Gwo mwandu gw’engabo ya Efrayimu, byo bihumbi by’engabo ya Menashè.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.

Bafilipi 4:4

Mucîshinge muli Nyakasane ngasi mango. Nshubir’immubwîrakwo: mucîshinge.

Bafilipi 4:6

Murharhanyagya cici; ci omu ngasi bulagîrire musengere Nnâmahanga, mumushenge, munamuvuge omunkwa.

1 Petro 1:8

Mumuzigira murhanasâg’imulolakwo; mumuyêmêra n’obwo murhasâg’imubona, n’omwîshingo gwinyu gurhankaderhwa gunayunjwîre irenge,

Mafulûlo 18:20

Simagi n’okwôla abîre, mwe malunga; ninyu mwe bimâna, mwe ntumwa n’abalêbi, kwo na kwo; kulya kubà ene Nyamuzinda amuyâza ammuyêzize.

1 Samweli 1:6

Naye owâbo akamuhà ebinioko lyo amuyîrha burhè bulya Nyamuzinda amugumbize.

1 Samweli 1:7

Kwo byanakazig’ibà ntyo ngasi mwâka, erhi barheremeraga omu ka-Nyamuzinda emwa Nyakasane: owâbo akamuhà ebinioko, naye Ana akalaka n’okulakûla, akaleka okulya?