1 Samweli 16:21 - BIBLIYA NTAGATIFU OMU MASHI

²¹ Erhi abà amâjà aha mwa Saulu, Daudi akamubêra aha burhambi; Saulu amurhonya bwenêne ciru alinda abà ye okola wakamurhwâza emirasano yâge.

1 Samweli 16:21 ပူးပေါင်းရင်းမြစ်များ

Murhondêro 41:46

Yozefu ali agwêrhe myâka makumi asharhu ago mango ajâga embere za Faraoni mwâmi w’e Mîsiri, mwâmi w’e Mîsiri. Anacirhenga omu masù ga Faraoni mwâmi w’e Mîsiri ajà agera omu cihugo c’e Mîsiri coshi.

1 Bâm 10:8

“Iragi lya bambali bâwe n’abarhumisi bâwe bakub’eburhambi; barhanahwa barhayumva n’okubona obushinganyanya bwâwe”.

Ennanga 118:9

Aha wakacîkubagira abagale, wakayâkira hali Nyakasane.

Ennanga 146:3

Mumanye mwakakâlangâlira abaluzi, nîsi erhi okucîkubagira iburha ly’omuntu elirhaciza,

Ennanga 62:9

Mwe balume, kaz’imucikubagire Nnâmahanga ngasi mango, kaz’imumuhirekwo omurhima: Nyamuzinda lwo lwâkiro lwîrhu.

Migani 22:29

K’obwîne omuntu mubidu omu kukola? Ye wankakolera mwâmi oyo, arhakayôrha akolera abantu kwône.

Lushika 1:38

Erhi mwambali wâwe, Yozwè mwene Nuni, yeki wahika mulico. Omuhè omurhima bulya ye wahisa Bene Israheli kuli eco cihugo.

Lushika 10:8

Ago mango, Nyamubâho ayegûla ab’obûko bwa Levi, mpu bakazibarhula omucîmba gw’amalaganyo ga Nyamubâho, mpu bakaziyimanga embere za Nyamubâho, bakazimukolera banakazihâna omugisho oku izîno lyâge nk’oku binali ene.

Bacîranuzi 9:54

Ho na halya anacihamagala omwâna wali ohêrhe emirasano yâge, anacimubwîra, erhi: «Oyômole engôrho yâwe empolereze, lyo balekikaziderha kuli nie mpu: Mukazi wamuyîsire». Olya mwâna wâge omufund’engôrho, afà.

1 Samweli 16:22

Saulu arhuma emwa Yese, erhi: «Nkuhûnyire olekage Daudi abêre hanôla mwâni bulya namurhonyize bwenêne».

1 Samweli 17:15

Daudi akazâgiyisha emunda Saulu ali anabuligaluka agendiyâbula ebibuzi by’îshe e Betelehemu.

1 Samweli 17:55

Saulu erhi abona Daudi apamuka akola ajilwîsa omufilistini, adesa Abneri ye murhambo w’engabo yâge, erhi: «Gula mushebenge ali mwene ndi wâni Abneri?» Abneri ashuza, erhi: «Yâgirwa mbo kuyîrha erhi nakamanya.»

1 Samweli 19:7

Yônatani ahamagala Daudi, anacimurhondêreza ebyôla binwa byoshi; buzinda Yônatani ayisha adwîrhe Daudi emunda Saulu ali, Daudi ashubira Omu mukolo gwâge nk’oku byanali.