1 Samweli 14:15 - BIBLIYA NTAGATIFU OMU MASHI

¹⁵ Obôba bwazûka omu lugerêro, Omu lugo, kuguma n’omu karhî k’olubaga lwoshi; abâli okw’icumbi nabo bajuguma, ciru n’ezàli ntwâli zageramwo ogwa nyegenye, idaho lyageramwo omusisi: Barhungwa n’obwôba bwa Nyamuzinda.

1 Samweli 14:15 ပူးပေါင်းရင်းမြစ်များ

Murhondêro 35:5

Banacigandûla, n’ecôbà ca Nyamuzinda càgwa oku bishagala by’e marhambi byoshi: barhaderhaga mpu bayishakwo bene Yakôbo.

2 Samweli 5:24

Hano onayumva olubî enyanya ly’eyôla mirhi, onacirhunike ho na halya kuli bo, bulya Nyamubâho ayisha akushokolîre, oshandabanye eyôla ngabo y’Abafilistini.»

Ayubu 18:11

Ngasi lunda ankayêrekera obwôba bwâmugwârha, bunamushimbulwîre oku ajà agenda.

Ennanga 14:5

Co cânarhume bajuguma n’obwôba buzira igwârhiro ly’ecôbà kulya kubà Nyamuzinda ayôrha abâ n’iburha ly’omushinganyanya.

Lubungo 19:18

Entondo ya Sînayi yakaz’itumbûka mugî, bulya Nyakasane ali ayandagalirekwo omu ngulumira y’omuliro; omugî gw’ogwo muliro gwakâtumbûka nka mugî gw’itanuru, n’entondo yoshi yadirhimana bwenêne bwenêne.

Daniyeli 5:6

Ahôla mwâmi arhemuka, enkengêro zâge zàgeramwo omusisi, yêshi àrhà ebirumbu n’amadwî gâge gakomanya,

Mateyo 24:6

“Mwâyumve baderha ebîrha n’emihigo y’ebîrhà; mumanye murhayôbohaga bulya kukwânîne ebyo birhang’iyisha, ci erhi burhaciba buzi­nda”.

Yozwe 2:9

«Manyire oku Nyakasane amuhîre eci cihugo, n’obôba bwinyu bwarhujirekwo, abantu boshi badwîrhe bageramw’omusisi erhi mwe murhuma.

Bacîranuzi 7:21

Banacibêra ngasi muguma halya anayimanzire eburhambi bw’olugerêro: olugerêro lw’abo bashombanyi lwarhondêra okulibirha, babanda orhuhababo, banacilibirha bakola bayâka.

1 Samweli 13:17

Omurhwe gw’Abafilistini balya banali b’entwâli barhenga omu birâlo bayisha bigamba bisharhu: cigamba ciguma cayisha omu njira y’e Ofra ebwa cihugo ca Shuwala.

1 Samweli 13:18

Ecindi cigamba cayisha omu njira y’e Betoroni, n’ecindi cigamba carhôla enjira cayisha burhambirhambi oku kabanda ka Sebayini, olunda lw’irungu.

1 Samweli 13:23

Murhwe muguma gw’Abafilistini gwakanya gwagendikubikira omu njira y’e Mikimasi.

1 Samweli 14:14

Kunigûza abantu kwâbo kurhanzi, Yônatani boshi n’olya mwambali omurhwaza omurhana gw’emirasano bayîrha bantu hôfi makumi abirhi omu hantu ha bugali busungunu hali nka cihimbi ca aha omuntu akahinga mulegerege muguma.

1 Samweli 14:16

Bene Saulu bali ebulâbi aha Gibeya n’emwa bene Benyamini, balangîra olubaga lw’ababisha lwazukamwo obunyagasi n’akavulindi olunda n’olundi.

1 Samweli 7:10

Agôla mango Samweli akagihêra Nyamubâho, Abafilistini banaciyisha barhêzire bene Israheli, ci olwo lusiku Nyamubâho arhontomera bwenêne Abafilistini; ashakanya banacijamwo entemu, banacihimwa na Israheli.