1 Samweli 12:18 - BIBLIYA NTAGATIFU OMU MASHI

¹⁸ Samweli ashenga Nyamubâho, na Nyamubâho alîka olwôla lusiku emilazô n’enkuba, ntyo olubaga lwayôboha bwenêne Nyamubâho na Samweli.

1 Samweli 12:18 ပူးပေါင်းရင်းမြစ်များ

1 Bâm 18:42

Oku Ahabu aciri omu njira arheremera emwâge mpu alyè ananywe, Eliya asôkera oku ntondo ya Karmeli, ayûnamira oku idaho, ahira amalanga omu madwî.

Ezra 10:9

Abantu b’e Yûda boshi na bene Benyamini banacidêka aha Yeruzalemu enyuma ly’ezo nsiku isharhu; zàli omu nsiku makumi abirhi z’omwêzi gwa mwenda. Olubaga loshi lwanacisikanana omu muhanda gw’aka-Nyamuzinda erhi lunali lwageramwo omusisi gw’okwo kugalugalu, n’ogw’enkuba nyinji yakazâg’inia.

Ayubu 37:13

Hali amango eyisha eri hana abantu, nîsi erhi elerhe aminjà g’enkuba.

Ennanga 99:6

Mûsa na Aroni bali omu badâhwa bâge, Samweli naye àli muli balya bàkazâgiyâkûza izîno lyâge. balya bàkazâgiyâkûza izîno lyâge naye anabayumvirhize.

Lubungo 14:31

Israheli abona kuboko kudârhi kunganaci Nyakasane ajiragamwo Mîsiri ntyo. Olubaga lwarhînya Nyakasane, lwayêmêra Nyakasane bo n’omwambali Mûsa.

Yozwe 10:12

Olwo lusiku Nyakasane akweba Abanya-Mori omu maboko ga bene Israheli. Yozwè anaciderha embere za bene Israheli, abwîra Nyakasane, erhi: «Mâshi w’izûba shirama kuli Gabaoni, nâwe wâni mwêzi shirama omu kabanda k’Ayaloni!»

Yozwe 4:14

Olwo lusiku Nyakasane ayêrekana Yozwè oku ali w’irenge embere za bene Israheli boshi, banakazimurhînya nka kulya banakazagirhînya Mûsa, omu nsiku z’akalamo kâge zoshi.