1 Samweli 11:6 - BIBLIYA NTAGATIFU OMU MASHI

⁶ Oku anayumva ebyôla binwa, omûka gwa Nyakasane gwayandagalirakwo Saulu, gwamugwârha.

1 Samweli 11:6 ပူးပေါင်းရင်းမြစ်များ

Lubungo 32:19

Lêro erhi àhika hôfi n’ecirâlo, àlangîra akanina n’ebigâmba by’amasâmo. Mûsa agwârhwa n’oburhè, arhôla zirya nnambi z’amabuye g’Endagâno, azidedeka oku idaho, azijonjagira mulya ntambi-rhambi ly’entondo.

Mibalè 12:3

Ci Mûsa acibêraga muntu mutûdu bwenêne, kulusha abandi bantu boshi ba hanôla igulu.

Marko 3:5

Anacibagezamwo amasù, akunîre anali burhè erhi mirhima yâbo mibî erhuma; abwîra olya muntu, erhi: «Lambûla okuboko». Akulambûla, n’okuboko kwâge kwafuma.

Befezi 4:26

Mukunire, ci murhajiraga câha: izûba lirhazikaga n’obukunizi bucimmugwêrhe.

Bacîranuzi 11:29

Mûka gwa Nyakasane anacijà muli Yefutè; Yefutè anaciyikira Galadi, agera omu cihugo ca bene Menashè, agera muli Mispe w’e Galadi; kurheng’e Mispe w’e Galadi agera olundi lunda lwa bene Amoni.

Bacîranuzi 13:25

Omûka gwa Nyakasane gwanarhangira okumusunika e Mahanè-Dani, ekarhî ka Sorea na Eshtaoli.

Bacîranuzi 14:6

Mûka wa Nyakasane anacijà muli Samusoni, na ciru akabà arhali afumbasire akantu omu nfune, Samusoni asharhangula erya ntale nka kula bankasharagula omwânahene. Arhanabwiraga îshe na nina okwo ajiraga.

Bacîranuzi 15:14

Erhi ahika aha Lehi, Abafilistini babanda orhuhababo rhw’omwîshingo. Okubundi Mûka wa Nyakasane amujamwo, erya migozi yali emushwêsire yanacidarhuka nka mugozi gwa citâni bayôcire n’omuliro; emunda bâli bayifundikire yarhoga omu maboko gâge.

Bacîranuzi 3:10

Mûka gwa Nyakasane anacijà muli ye; abà mucîranuzi w’Israheli, akomekera mpu akola agendijà oku matabâro. Nyakasane amufumbasa Kushani-Rishetayimi, mwâmi w’e Mezopotamiya, okuboko kwâge kwarhimbalaza bwenêne Kushani-Rishetayimi.

Bacîranuzi 6:34

Mûka gwa Nyakasane anacijà muli Gedeoni; Gedeoni anacibûha omushekera. Abiyezeri naye ayisha, aciîunga kuli ye.

1 Samweli 10:10

Erhi bahika aha Gibeya, omurhwe gw’abalêbi gwafunûnukira kuli ye, omûka gwa Lungwè gwamurhûla kwo, naye arhondêra okulêba haguma nabo.

1 Samweli 10:6

“Omûka gwa Nyakasane gwanakuja okw’irhwe, nâwe wanarhondêra okulêba, na ntyo ohinduke muntu muhyâhya”.

1 Samweli 16:13

Samweli arhôla lirya ihembe liyunjwîre mavurha, amushîgago ekarhî ka bakulu bâge na kurhenga agôla mango omûka gwa Nyakasane gwarhondêra okukarhula kwo Daudi n’omu mango gakulikiraga. Samweli ayimuka acîshubirira e Rama.

1 Samweli 16:14

Omûka gwa Nyakasane gwarhenga muli Saulu, Nyamubâho agalimurhogeza obuliba bw’omûka mubî.