1 Samweli 10:20 - BIBLIYA NTAGATIFU OMU MASHI

²⁰ Samweli akashegeza amashanja goshi ga bene Israheli, n’ishanja lya Benyamini lyagwârhwa n’ecigole.

1 Samweli 10:20 ပူးပေါင်းရင်းမြစ်များ

2 Samweli 3:19

Abneri anacikanya agend’ibwîra bene Benyamini okwôla nabo. Erhi ayûs’ijira ntyôla, Abneri akanya agend’ibwîra Daudi oku bene Israheli na bene Benyamini babwîne oku kuli kwinjà okujira ntyo.

Yônà 1:7

Okubundi babwîrana, mpu: «Rhuyeshe ecigole, lyo rhumanya ndi odwîrhe obu buhanya». Bàyesha ecigole, n’ecigole cagwârha Yônà.

Lushika 33:12

Kuli Benyamini, aderha, erhi: Benyamini ali murhonyi wa Nyamubâho, Ye anayegemîre burhahuligana. Ow’enyanya ye mulanga ensiku zoshi, ho anabêra aha karhî k’amalango gâge.

1 Samweli 10:19

Ci mwêhe mw’oyo mugayire Nyamubâho, Nyamuzinda winyu ene n’obwo ye wamuyôkolaga omu malumwa n’omu mbaka zoshi, mwagali mubwîra mpu: orhuyîmikire nîrhu omwâmi wakarhurhegeka. muyishage bunôla muciyêrekane embere za Nyamubâho. Lêro muyishage mucihebe embere za Nyakasane nk’oku amashanja ginyu ganali.»

1 Samweli 10:21

Anaciyegeza ishanja lya Benyamini, mulala oku mulala, n’omulala gwa Matri gwagwârhwa; kandi Saulu mwene Kisi agwârhwa muli gwo. Bamulonza bamubula.

1 Samweli 14:38

Saulu anaciderha, erhi: «Mushegere hano, mweshi mizinzi y’olubaga; mumanye munabone cici olubaga lwajiziremw’ecâha ene.

1 Samweli 14:41

Saulu anacibwîra Nyamubâho, erhi: «Nyamuzinda w’Israheli wênene oyêrekanage okushingânîne!» Yônatani na Saulu banacigwârhwa, n’olubaga lwasigala embuga.