1 Samweli 10:1 - BIBLIYA NTAGATIFU OMU MASHI

¹ Samweli ayanka ecihakabiro c’amavurha, agadubulira Saulu okw’irhwe, amuhôbera amubwîra, erhi: «Ka Nyamubâho arhamakushîga mpu obè Mwâmi w’olubaga lwâge, Israheli? We wakaz’itwîra olubaga lwa Nyamubâho emmanja n’okulurhenza omu maboko g’abashombanyi bâlwo. Lolaga ecimanyîso Nyamubâho ayêrekinemwo oku akushizire mpu obè mwâmi w’olubaga lwâge.

1 Samweli 10:1 ပူးပေါင်းရင်းမြစ်များ

2 Samweli 1:14

Kandi Daudi anacimubwîra, erhi: «Kurhi orhayumvîrhe obwôba bwalambûla okuboko n’okuyîrha omwâmi mushîgwa wa Nnâmahanga?»

2 Samweli 19:39

Mwâmi anaciderha, erhi: «Kimhana abâge ye rhugenda rhweshi naye, naj’imujirira nk’okwôla onabwîne kuli kwinjà, na ngasi kundi onasîmire mpu nkujirire nanakujira».

2 Samweli 20:19

“Woyo walonza okusherêza omurhundu guli nka muzîre w’omu Israheli. Carhuma walonza okushâba olugo lwa Nyamubâho?”» Yowabu ashuza erhi: «Nanga, nanga, enkengêro za mwene ezôla zije kuli kwâni».

2 Samweli 5:2

Kurhenga mîra, amango Saulu anali mwâmi wîrhu erhi onahêka engabo ya bene Israheli oku matabâro. Nyamubâho akubwîzire erhi: «We wayabula olubaga lwâni lwa bene Israheli, we wanabà mukulu walo».

1 Bâm 1:34

“eyôla munda, omudâhwa Sadoki n’omulêbi Natani bamushîge amavurha g’okubà mwâmi w’Israheli; mubûhe emishekera munaderhe mpu: Alame mwâmi Salomoni!”»

1 Bâm 19:18

Ci kwônene, omu Israheli nasiga bantu nka bihumbi makumi gali nda, balya bantu boshi barhafukamaga embere za Baali n’abandi boshi barhamunûnugurhaga.»

2 Bâm 20:5

“Ntyâla kwo Nyamubâho, Nyamuzinda wa sho Daudi, adesire: Nayumvîrhe omusengero gwâwe, nabwîne n’emirenge yâwe; alaga oku nkolaga nakufumya na hano kugera nsiku ibiri wajà omu ka­-Nyamuzinda”.

2 Bâm 9:1

Omulêbi Elishaʿ ahamagala muntu muguma omu bene abalêbi, anacimubwîra, erhi: Hwinja bwinjà, orhôle eyi njebe y’amavurha ojè e Ramoti omu Galadi.

2 Bâm 9:12

Banacimubwîra mpu: «Kubesha! rhuganîrire nîrhu»! Anacibabwîra erhi: «Oku anambwîzire kw’oku: Nyamubâho adesire ntyâla! Nkushîzire amavurha g’okubà mwâmi w’Israheli…»

Ennanga 135:4

Na bulyâla Nyakasane àcîshozire Yakôbo, Israheli gwo gwâge mwanya acîshozire.

Ennanga 2:12

mucîkwêbe aha magulu gâge n’obwôba; buly’erhi ankakunira mwanahungumuka: oburhè bwâge kwo buyâka caligumiza nka ngulumira. Iragi lyâbo abamuyegemera!

Ennanga 78:71

Amuhamagala erhi ayisha atunda ba-lubuzè, amuhamagala mpu ayâbule Yakôbo, lwo lubaga lwago, na Israheli, gwo mwîmo gwâge.

Lubungo 30:23

«Orhôle omu migavu minjinjà kulusha eyindi yoshi, obukù bwayaga bwa sikêli magana arhanu; ecigabi ca kabirhi, kwo kuderha sikêli magana abirhi na makumi arhanu y’omugavu gw’esinamomi, sikêli magana abirhi na makumi arhanu y’omugavu gw’olusheke lw’akîsûnunu;

Yeremiya 10:16

«Mwanya gwa Yakôbo» yêhe arhali ntyo: bulya ye kabumba kabumbaga byoshi Israheli lyo ishanja mwîmo gwâge. Izîno lyâge ye Nyakasane w’Emirhwe.

Ezekiyeli 16:13

Wàyambaliza amasholo n’amarhale, wacîhundikira ecitâni, emyambalo yadirhimana enali ya bushengerêre. Enshâno y’omûla, obûci n’amavurha byo byàli biryo byâwe.

Hozeya 13:2

Na buno kandi byâha balimwo, badwîrhe bàbumba ensalamu omu nsaranga zâbo, bo bazimu b’obukengêre bwâbo; mukolo gwa babumbi ebyo byoshi. Erhi bànaderha, mpu: «Mubarherekêre.» Abantu badwîrhe bàjikânunugurha orhunina.

Ebijiro 13:21

“Obwo, banacihûna omwâmi”; “Nyamuzinda àbaha Saulu, mwene Cisi, w’omu mulala gwa Benyamini: àjira myâka makumi anni”.

Lushika 32:9

Nyamubâho yêhe, ogwâge mwanya, lunali olubaga lwâge, na Yakôbo co câge cigabi.

1 Batesalonika 5:26

Mulamuse bene wîrhu boshi n’ehinûnugurho hitagatîfu.

Bahabraniya 2:10

Erhi Nnâmahanga alonza mpu ahise bagala banji omu irenge, kwàli kushingânîne Nyamuzinda, Nn’ebintu byoshi na Lulema wa byoshi, arhang’iyumanyanya n’amalibuko ecirongôzi cabahêka omu bucire.

Mafulûlo 5:8

Erhi abà amâyanka ecitabu, zirya Nsimba ini na balya Bagula makumi abiri na bâni bacîkwêba oku idaho embere z’Omwâna-buzi, erhi bafumbasire ngasi muguma olulanga n’orhubêhè rhw’amasholo rhuyunjwîre mavurha ga mugavu; ezo zo nsengero z’abatagatîfu.

1 Samweli 12:3

Mumbwîne niono ndi hanôla, mumbwîre embere za Nnâmahanga n’embere z’oyu mwambali wâge, nkâfu erhi ndogomi ya ndi nkola nyanzire. Indi nababazize nîsi erhi kumurhindibuza? Indi nkola mpûnyire empongano, mpu lyo muh’olubanja. Mweshi mwananyêrera.»

1 Samweli 13:14

“Ci kwônene obwâmi bwâwe ntà misî bwacijira. Nyamubâho analongize owundi olya oli n’omurhima gwâge, olya wankahasha okukacîkubagira ye, oyo ye anajizire mwâmi w’olubaga lwâge, bulya orhashimbire oku Nyamubâho anali akurhegesire”».

1 Samweli 15:1

Samweli anacibwîra Saulu erhi: «Nie olya Nyamubâho arhumaga mpu nkushîge amavurha gw’okukuyîmanika nka mwâmi w’olubaga lwâge Israheli. Yumvagya oku Nyamubâho adesire.

1 Samweli 15:17

Samweli anaciderha, erhi: «Ka ciru wêne orhakagibona n’amasù gâwe oku onali munyi; k’orhacibaga mwâmi wa bene Israheli, ka Nyamubâho arhaciyimanikaga mwâmi w’Israheli?

1 Samweli 16:1

Ago mango Samweli ali agwêrhe n’omungo munene erhi Saulu orhuma na kandi kulya kubà Nyamubâho anagayire bulya ajizire Saulu mwâmi omu Israheli, Nyamubâho anacibwîra Samweli, erhi: Mangaci omungo gwâwe Saulu orhumire gwahwa n’obwo mîra namuyîmwire nti arhacibà mwâmi omu Israheli. Yunjuzagya ihembe lyâwe mavurha onagende; Nkurhumire emwa Yese w’e Betelehemu, bulya mbwîne oku omu bâna bâge nakûla omwâmi.

1 Samweli 16:13

Samweli arhôla lirya ihembe liyunjwîre mavurha, amushîgago ekarhî ka bakulu bâge na kurhenga agôla mango omûka gwa Nyakasane gwarhondêra okukarhula kwo Daudi n’omu mango gakulikiraga. Samweli ayimuka acîshubirira e Rama.

1 Samweli 2:10

Abashombanyi ba Nyamuzinda bagendesibwa emihanda erhashingânana, Ow’enyanya abakankamira emalunga. Nyamubâho ye twîra amashanja goshi emmanja. Ye wanahà Omwâmi ayimânikaga obuhashe; n’okuhà omurhambo wâge olukengwa.»

1 Samweli 24:6

Oku anayûsijira ntyo omurhima gwa Daudi gwadûrha bwenêne bulya amâtwa oku cikwi c’ecishûli ca nnawâbo Saulu.

1 Samweli 26:11

“Ci Nyamubâho annange oku kuhuma oku mwâmi wâge w’ishungwè. Orhôlage bunôla eryo itumu liri oku mushego gwâge, kuguma n’eyo ntendere y’amîshi rhunacîgendere”».

1 Samweli 26:9

Ci Daudi ashuza Abishayi erhi: «Nanga omanye wankamuyîrha, bulya ndi wankahumakwo omushîgwa wa Nyamubâho anabule kujira ecâha?»

1 Samweli 8:19

Olubaga lwalahira okuyumva akanwa ka Samweli, lwanacimushuza mpu: «Nanga, kukwânîne nîrhu rhubè n’owîrhu Mwâmi.

1 Samweli 8:9

Buno oyumve oku bàdesire, ci kwônene obayumvîse bwenêne okwôla na kandi obamanyîse obuhashe bw’omwâmi wâbarhegeka.»

1 Samweli 9:16

«Irhondo nka ganôla mango, nakurhumira omuntu w’omu bûko bwa Benyamini, omushîge amavurha, omuyîmike ye wâbà mwâmi w’olubaga lwâni lw’Israheli, ye wayôkola olubaga lwâni omu bujà bw’Abafilistini, bulya nabwîne olubaga lwâni na bulyâla omulenge gwâlo gwahisire emunda ndi.»

1 Samweli 9:27

Erhi babunguluka bahika oku kafendefende kw’olugo, Samweli abwîra Saulu, erhi: «Bwîra oyu mwambali wâwe abè ashokola, aj’embere oku rhwayisha». Naye anacishokola. Samweli erhi: «Ci kwônene w’oyo orhangibêra aha kasanzi kasungunu, nkubwîre akanwa ka Nyamubâho».