1 Petro 5:7 - BIBLIYA NTAGATIFU OMU MASHI

⁷ Amalagîrire ginyu goshi mugahire omu maboko gâge, bulya kushîbirira ayôrha ammushîbirira.

1 Petro 5:7 ပူးပေါင်းရင်းမြစ်များ

Ennanga 34:15

Oyâke amabî ojire aminjà, olonze omurhûla onagukulikire.

Ennanga 37:5

Olangîse Nyakasane enjira zâwe, onacîkubagireye, wâbona ebi akola.

Ennanga 40:17

Bôhe balya bakulonza, bacîshinge banasîme muli we; na balya bakulingakwo oburhabâle, bakaz’iyôrha baderha mpu Nyakasane aganze!

Ennanga 55:22

Obusù bwâge bunabè bulushire amakafè kuyengûla, erhi n’omurhima gwâge bya ntambala gulimwo. Ebimwa byâge binabè bilushire amavurha bulembu, erhi zinali ngôrho bugôrho.

Migani 16:3

Oyâbuze Nyakasane emikolo yâwe, emihigo yâwe yâyunjula obwo.

Mateyo 6:27

Ndi muli mwe, ciru ankahangaza, wankahash’iyûshûla ikoro liguma oku buli bwâge?

Mateyo 6:28

Cirhuma murhanya oku myambalo? Lolagi obwâso bw’omu mashwa oku bumera: burhabinga burhanaluka.

Mateyo 6:31

Murharhanyagya n’okuderha, mpu: «Bici rhwakalya, erhi bici rhwanywa, erhi bici rhwakayambala?»

Marko 4:38

Yêhe erhi al’îrò omu ndalâlà, agwîshîre oku mushego.

Luka 12:22

Okubundi anacibwîra abaganda bâge, erhi: «Co cirhumire mmubwîra: “Murharhanyagya oku buzîne bwinyu mpu bici mwalya n’oku mubiri gwinyu mpu bici mwayambala”.

Luka 12:26

“Akabà ciru ebinyi biyâbîre obuhashe bwinyu, cirhumirâge mukacîrhamya oku bindi?”

Yowane 10:13

Ajira ntyo bulya ali mulimya na ntà buzigire ajira oku bibuzi.

Bafilipi 4:6

Murharhanyagya cici; ci omu ngasi bulagîrire musengere Nnâmahanga, mumushenge, munamuvuge omunkwa.

1 Samweli 30:6

Daudi amagala gamulya bwenêne, bulya olubaga lwàli lwamahiga mpu lukola lwamuyîrha, bulya lwoshi lwàli erhi lwafîre omurhima omu kubona abâna bâbo b’abarhabana n’abanyere bahesirwe. Ci Daudi ashubiyumva omurhima gw’oburhwâli muli Nyamubâho, Nyamuzinda wâge.