1 Petro 4:13 - BIBLIYA NTAGATIFU OMU MASHI

¹³ Ci erhi mwankashangîra amababale ga Kristu, mucîshinge, lyo muyish’iyumva amasîma n’omwîshingo olusiku acîyêrekana omu irenge lyâge.

1 Petro 4:13 ပူးပေါင်းရင်းမြစ်များ

Barom 8:17

Obwo rhuli bâna bâge, rhwe rhwâyîme; rhuli mîmo ya Nnâmahanga, rhwâyîme rhweshi na Kristu, bulya rhuli omu malibuko rhweshi naye lyo rhuyish’ikuzibwa haguma naye.

Barom 5:3

Ci arhali hoshi aho; rhunacîshinge n’omu malibuko gîrhu, kulya kubà rhumanyire oku amalibuko galêrha obushibirizi.

Bafilipi 3:10

ntyo mmumanye yêne, manye n’obuhashe bw’obufûke bwâge, nshangîre n’amababale gâge, nnamushushe omu lufù lwâge,

2 Bakorinti 1:7

N’obulangâlire bwîrhu muli mwe bwenêne bukomîre: rhumanyire oku obûla mushangîre malibuko maguma nîrhu, mukolaga mwayish’ishangîra n’okurhûlirizibwa haguma nîrhu.

1 Petro 5:10

Na hano mubà mwamâlibuzibwa kasanzi katyunguli, Nyamuzinda w’enshôkano zoshi wammuhamagalaga okushangîra irenge lyâge ly’ensiku n’amango muli Kristu Yezu, yêne âmmuyumanyanya âmmukomeze, âmmuzibuhya anammujire ntadundagana.

2 Bakorinti 4:10

Amababale g’olufù lwa Yezu, rhugadwîrhe omu mubiri gwîrhu ngasi hoshi na ngasi mango, ly’obuzîne bwa Yezu nabo bubonekera omu mubiri gwîrhu.

2 Timoteyo 2:12

Rhukacîkanyakanya, rhwayish’iyîma rhwe naye; erhi rhwankamuhakana, naye anayish’irhuhakana.

2 Bakorinti 4:17

Bulya okwôla kulibuka hityungunu kwa hisanzi hitya kurhurheganyiza kulusha ngasi lugero omwandu gw’irenge ly’ensiku n’amango.

Ebijiro 5:41

Bôhe barhenga aha kagombe bajà bacîshinga, bulya bâli bagwêrhe iragi ly’okukozwa enshonyi izîno lya Yezu lirhumire.

Mafulûlo 1:9

Nie ono Yowane, mwene winyu, oshangîra ninyu amalibuko n’obwâmi, n’obuzibu muli Yezu, nabîre ndi oku cirhwa mpu co Patimosi erhi luderho lwa Nyamuzinda n’obuhamîrize bwa Yezu birhuma,

1 Petro 5:1

Abagula bali muli mwe, alagi ihano mbahire, nie mugula akabo, nie na câliho c’amababale ga Kristu, nie nanayish’ishangira irenge lyânabonekane.

Bakolosi 1:24

Bunôla nsîmire omu malumwa ndwîrhe nabona mwe murhumire, nnandwîrhe nayunjuza omu mubiri gwâni ebibuzire oku mababale ga Kristu, nti lyo nkwânana omubiri gwâge, yo Ekleziya.

Mateyo 16:27

Ci mumanye oku Mwene-omuntu ayish’iyisha bona bamalahika bâge omu bukuze bw’Îshe: lêro obwo ayish’ilyûla ngasi muguma oku bijiro byâge.

Mateyo 5:12

Musîme munacîshinge, bulya oluhembo lwinyu lwâyish’ibà lunene omu mpingu. Nabo abalêbi bali bammushokolîre, ntyo kwo balibusire.

Izaya 35:10

Abà Nyakasane ayish’ibà alîkûzize bâgaluka, bahike omu Siyoni bayisha baband’empundu banabarhwîre amasîma g’ensiku n’amango oku irhwe. Bâyunjula mwishingo n’amasîma; emirhanyo n’endûlù byâhirigirha.

1 Petro 1:13

Kuziga musêze omukaba omu bibunu by’enkengêro zinyu, mubè masù, munalangâlire bwenêne enshôkano mwayish’ishobôla olusiku Yezu Kristu acîyêrekana.

Ebijiro 16:25

Aha karhî k’obudufu, Paolo na Sila bâli badwîrhe bayimba irenge lya Nnâmahanga, n’ababohe bakâbayumvirhiza.

Mateyo 25:34

Obwo Mwâmi anâbwîre abâli ekulyo kwâge erhi: «Yishi, mwe mwagishirwe na Larha, mucigandalize omu Bwâmi mwarheganyizîbwe kurhenga okulemwa kw’igulu.

Mateyo 25:31

Amango Mwene-omuntu âyisha omu bukuze bwâge, na bamalahika boshi haguma naye, anatamala oku ntebe yâge y’irenge,

Mateyo 25:23

Nnâhamwâbo anacimubwîra, erhi: «Kwokwo, murhumisi mwinjà na mwîkubagirwa, ene ôbà mwîkubagirwa omu binyi, nakujira murhambo omu binji, cîjîre omu masîma g’enyumpa ya nnâhamwinyu».

Mateyo 25:21

Nnâha­mwâbo anacimubwîra, erhi: «Ntyo, murhumisi mwinjà na mwîkubagirwa, obu omu binyi wabîre mwîkubagirwa, nâkujira murhambo omu binji; cîjîre omu masîma g’enyumpa ya nnâhamwinyu».

Izaya 51:11

Abalîkûzibagwa na Nyakasane bâyish’igaluka, bâyish’ijà omu Siyoni erhi banayisha babanda orhuhababo rhw’obushagaluke, n’obusîme bw’ensiku n’amango bwamoleka amalanga gâbo; obushagaluke n’omwîshingo byâbayunjula, amalibuko n’endûlù byâhirigirha.

Izaya 25:9

Muli olwôla lusiku bânâderhe, mpu: «Ye oyo, ye Nyamuzinda wîrhu, ye rhwàli rhulangâlire oku arhuciza; ye Nyakasane rhwacîkubagiraga. Rhusîme rhunacîshingire obucunguzi bwâge».

Mafulûlo 1:7

Lâba oku ayishire omu bitù, na nt’isù lirhâmubonè, ciru n’abamutumirhaga; n’amashanja g’en’igulu goshi gâmulakira. Nêci! Amen!

Luka 17:30

“Ntyo kwo byayish’ibà Olusiku Mwene-omuntu anaciyêrekane”.

Marko 8:38

Ngasi yêshi wâbè nshonyi nie ntuma n’ebinwa byâni birhumire mw’eri iburha ly’obugonyi n’erya ebyâha, naye Mwene-omuntu ayish’imubêra nshonyi amango ayisha omu irenge ly’Îshe haguma na bamalahika batagatîfu».

Barom 8:18

Nêci, mbwîne niehe oku amababale g’en’igulu garhankagererwa oku bukuze rhwayish’ihâbwa.

2 Bakorinti 1:5

Nêci, kulyâla amababale ga Kristu garhulugîre kwo n’oburhûlirize burhulugîre erhi Kristu orhuma.

1 Petro 2:21

N’eco co mwahamagaliragwa, bulya Kristu alibuzîbwe erhi mwe murhuma, ammusigîre olwiganyo mpu mushimbe enshando zâge,

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!