1 Petro 3:18 - BIBLIYA NTAGATIFU OMU MASHI

¹⁸ Ntyo kwo Kristu naye afîre liguma kwa lwoshi oku byâha by’abantu; ye mwêru-kwêru afîra abanya-byâha, mpu arhuhise kuli Nnâmahanga; bulya anizirwe omu mubiri, ci agalulirwa obuzîne bw’Omûka.

1 Petro 3:18 ပူးပေါင်းရင်းမြစ်များ

Daniyeli 9:26

Hano kugera migobe makumi gali ndarhu n’ibirhi, Omucunguzi ayis’iyîrhwa na ntâye wayîma ahâli hâge. Olugo n’aka-Nyamuzinda byanashabûlwa n’omwâmi obarhezire, owayish’ihwera omu kavulindi na kuhika entambala ehwe erhi banashimbire ely’irhegeko ly’okushabûla.

Zakariya 9:9

We munyere w’e Siyoni, ocîshinge n’emisî yâwe yoshi: nâwe we munyere w’e Yeruzalemu, obande empûndu y’omwîshingo. Lolà oku mwâmi wâwe ayishire emunda oli, mutûdu na muhimanyi, ashonyire oku ndogomi, oku mucûkà gwa ndogomi, mucûkà gwa ndogomi-kazi.

Mibalè 7:15

Ahirakwo empanzi y’omucûkà, engandabuzi n’omwâna-buzi wa mwa­ka muguma oku nterekêro y’ensirîra.

Mateyo 27:19

Erhi acibà akola abwârhîre ekagombe, mukâge arhuma emunda ali, mpu bamubwîre, erhi: «Omanye orhacîhiraga omu lubanja lw’oyo mushinganyanya, bulya ene budufu nababîre bwenêne omu bilôrho erhi ye orhuma».

Mateyo 27:24

Erhi Bilato abona oku ntà luderho lwaciyumvibwa n’oku ehidugundu hyayisha hyayûshûka, kwo kuyanka amîshi, acîkalaba enfune e­mbêre z’olubaga, anaderha, erhi: «Ndi mwêru-kwêru oku mukò g’oyu muntu; oku bwinyu!»

Yowane 16:10

“Oku bushinganyanya, bulya nkola nâja emwa Larha, murhakanacimbona”.

Ebijiro 22:14

“Ashubirira, erhi”: “Nyamuzinda wa balarha acikwishozire mpu omanye obulonza bwâge, obone Omushinganyanya, onayumve oluderho lw’ekanwa kâge”;

Ebijiro 3:14

Ci mw’oyo mwalenganyize O­mwimêna n’Omwêru-kwêru; mwahûna mpu balîke ecishumûsi,

Barom 1:4

erhi afûka omu bafîre ayêrekana oku anali Mugala wa Nyamuzinda ogwêrhe obuhashe bunene bwa kuli Mûka Mutagatîfu, ye Nnawîrhu Yezu Kristu,

Barom 4:25

oyo Yezu wahânagwa byâha bîrhu birhuma, anafûka mpu lyo muyêra.

Barom 5:2

warhuhisize omu njira y’obuyêmêre, lyo rhushikira eyo ngalo rhwashobwîre, rhunacîshingire obulangâlire bw’okuyish’ihika omu irenge lya Nnâmahanga.

Barom 8:11

N’akabà Omûka gw’Olya wafûsagya Yezu omu bafù gubà muli mwe, olya wafûsagya Yezu Kristu omu bafù ayahe emibiri yinyu y’okufà akalamo oku buhashe bwa Mûka ommubâmwo.

Barom 8:3

Bulya ebi amarhegeko garhahashaga erhi buzamba bwa mubiri burhuma, Nyamuzinda yêne abijizire erhi arhuma Omugala omu mubiri gushushire ogwîrhu gw’ebyâha, mpu lyo ahima ecâha, n’omu mubiri gwâge, ayagîriza ecâha,

2 Bakorinti 1:24

Arhali kuderha nti rhurhegeke obuyêmêre bwinyu, ci nti rhuyûshûle obusîme bwinyu; bulya omu buyêmêre muli bazibu.

2 Bakorinti 13:4

Abambiragwa oku musalaba erhi kugonyâla kurhuma, ci azîne oku buhashe bwa Nyamuzinda. Na nîrhu, rhuli ngonyi muli ye, nêci, ci rhwayish’iyôrha rhuzîne haguma naye oku buhashe bwa Nyamuzinda muli mwe.

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Bagalasiya 1:4

wacîhânaga nterekêro oku byâha bîrhu, mpu lyo arhurhenza omu bubî bw’er’igulu, nka kulya Larha Nyamuzinda alonza,

Bagalasiya 3:13

Kristu arhufumize okuhehêrerwa kw’amarhegeko, erhi yêne ayêmêra okuhehêrerhwa rhwe rhurhumire, bulya kuyandisirwe, mpu: Ahehêrerwe ngasi yêshi oli munanike oku murhi!

Befezi 3:12

Ye rhuhà, akabà rhuyêmîre, oburhwâli bw’okuyegera Nyamuzinda buzira bwôba.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Bahabraniya 10:10

Bunali buhashe bw’obwo bulonza burhujira bimâna erhi burherekêre bw’omubiri gwa Yezu Kristu gwarherekêragwa liguma kwa lwoshi burhuma.

Bahabraniya 9:14

kanga kulusha, omukò gwa Kristu wacîhânaga yêne nterekêro erhalikwo izâbyo emwa Nyamuzinda oku buzibu bwa Mûka gw’ensiku n’amango gurhàcêsa omurhima gwîrhu, guzâzemwo ebijiro by’olufù, lyo rhubona oku rhwakolera Nyamuzinda ozîne?

Bahabraniya 9:26

Bicibâga ntyo, ànkababazîbwe kanji kurhenga okulemwa kw’igulu. Ci mwo zino nsiku nzinda lyo àcîyêrekîne liguma kwa lwoshi, mpu aherêrekeze ecâha n’enterekêro yâge.

Bahabraniya 9:28

ntyo Kristu naye àcîhânyire nterekêro liguma lyône, mpu azâze ebyâha bya bantu banji; âyaciboneke lindi liguma buzira câha, mpu alêrhere abamulinda obucire.

Yakôbo 5:6

Mwayâgîriza omushinganyanya mwanamuyîrha; arhaderhaga mpu acîfûngira.

1 Petro 3:19

Na ntyo agend’iyigîriza emyûka yali omu mpamikwa,

1 Petro 4:1

Nêci, bulya Kristu, ababazîbwe omu mubiri gwâge, ninyu ezi nkengêro zibè yo mirasano yinyu: owababîre omu mubiri ahakanyire ecâha,

1 Petro 4:6

Kali ciru kwo kwarhumaga okwo abafîre nabo bayigîrizibwa Emyanzi y’Akalembe, mpu lyo bo bayâzire omu lubanja lw’omubiri omu masù g’abantu, babona obuzîne bw’omûka embere za Nyamuzinda.

1 Yowane 1:9

Erhi rhwankayêmêra ebyâha bîrhu, yêne arhatwa omu kanwa kâge, anali mushinganyanya, anarhurhengeza ebyâha bîrhu, arhuyêze, ashuke obubî bwîrhu bwoshi.