1 Petro 3:1 - BIBLIYA NTAGATIFU OMU MASHI

¹ Ntyôla, ninyu mwe bakazi, mukâyumva babalo, lyo ciru hankajira abarhalonza okuyêmêra Oluderho, balêrhwa n’olwiganyo lwa bakâbo buzira binwa,

1 Petro 3:1 ပူးပေါင်းရင်းမြစ်များ

Murhondêro 3:16

Abwîra nyamukazi, erhi: «Nkolanayûshûla amalumwa gâwe, n’amazîmi gâwe omu malumwa okola wakaburha abâna. Kulalikira okolaga wakalalikira balo, ci naye akola ayish’ikâkuzidohera.»

Migani 11:30

Emburho y’obushinganyanya yo emerakwo omurhi gw’akalamo enkola-maligo zàhêkwa n’amango garhajihika.

Migani 18:19

Omuntu orhabirwe na mwene wâbo, kw’ali nka lugo luyûbake buzibu, n’abîra kwo bali nka kahamikizo kazibu-zibu.

Mateyo 18:15

Erhi mwene winyu ankajira kubî, ogende, omujeho, omukalihire wêne naye. Akakuyumva, erhi wagalwîre mwene winyu.

Barom 10:16

Ci kwône arhali boshi bayankirîre Emyanzi y’Akalembe. Izaya akudesire, erhi: Yâgirwa, ndi wayêmîre obugo bwîrhu?

Barom 6:17

Ci Nyamuzinda akonkwa! Erhi mubà mwamârhenga omu bujà bw’ecâha, mwashimbire n’omurhima gwinyu gwoshi enjira y’enyigîrizo mwayigîrizîbwe;

Barom 7:2

Ntyo omukazi ashwêsirwe n’irhegeko kuli ibà amango ibà acizîne; ci erhi ibà ankafà, nyamukazi anashwêkûlwa n’irhegeko ly’ibà.

1 Bakorinti 11:3

Cikwônene nnonzize mumanye oku ngasi mulume Kristu ye Nnawâbo; n’omukazi nnawâbo ye mulume; naye Kristu nnawâbo ye Nyamuzinda.

1 Bakorinti 14:34

abakazi bakaz’ihulika omu ndêko; bulya ntà bwêmêre bagwêrhe bwa kuderha; ci kukwânîne bayôrhe bali n’obukenge, nk’oku Irhegeko lyône lidesire.

1 Bakorinti 7:16

K’omanyire, we mukazi, erhi wâciza balo? K’omanyire, we mulume, erhi wâciza mukâwe?

Befezi 5:33

Ntyo ngasi muguma muli mwe azigîre mukâge nk’oku acîzigira yêne, n’omukazi akenge îba.

Bakolosi 3:18

Bakazi, mukâyumva babalo, nka kulya bikwânîne muli Nyakasane.

Bakolosi 4:5

Mubè bashinganya­nya omu lugendo lwinyu haguma n’ab’embuga; mukolêse bwinjà amango muhîrwe.

2 Tesalonika 1:8

omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

Bahabraniya 11:8

Buyêmêre bwarhumaga Abrahamu ayumva izù lya Nnâmahanga lyàmubwîraga mpu agende, ajè omu cihugo ali ayish’iyîmamwo. Agenda arhanamanyiri aha ajà.

Bahabraniya 5:9

N’erhi àyûs’ibà mwimâna, àhinduka imerero ly’obucire bw’ensiku n’amango kuli balya boshi bamuyumva,

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,

1 Petro 3:2

basinza obucêse n’obukenge bw’olugendo lwinyu.

1 Petro 3:7

Ninyu mwe balume, kwo na kuguma, omu kubêra na bakînywe mumanye oku omukazi cibà ciremwa cizamba kummulusha; mubakenge, bulya bayish’iyîma akinyu omu nshôkano y’obuzîne. Ntyo ntâco cankahanza ensengero zinyu.

1 Petro 4:17

Bulya amango gahisire, n’olubanja lwârhangirira oku nyumpa ya Nyamuzinda. N’akabà rhwe lwârhangirirekwo, balya barhayêmêra Emyanzi y’Akale­mbè kurhi obuzinda bwâbo bwâbe wâni!