1 Petro 2:5 - BIBLIYA NTAGATIFU OMU MASHI

⁵ Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

1 Petro 2:5 ပူးပေါင်းရင်းမြစ်များ

1 Bâm 7:11

Oku nyanya kwàli agandi mabuye g’engulo ndârhi, gali marhendêze ngasi liguma oku lugero lwâlyo, kwàli n’emirhi y’esedre.

Ennanga 141:2

Omusengero gwâni gusôker’emund’oli nka mugî gwa nshangi, n’aga maboko nalengeza gayêrekereyo nka burherekêre bwa bijingo.

Ennanga 50:14

Okaz’ibâgira Nnâmahanga enterekêro y’okumukuza, onakaz’ijuha Nnâmahanga endagâno omulaganya.

Ennanga 50:23

Ye nsîmîsa omuntu obâga enterekêro y’okunkuza, n’omuntu oshimba enjira nnungêdu ye nayêreka oku Nyamuzinda kuciza aciza.»

Lubungo 19:6

mwâbe bûko bw’abadâhwa b’obwâmi bwâni n’ishanja lyâni litagatîfu. Byo binwa wagend’ibwîra Bene-Israheli ebyo.»

Migani 9:1

Burhimanya àjire aho ayûbaka enyumpa yâge, àyigwikira mitûngo nda;

Izaya 61:6

Ci mwêhe mwaderhwa badâhwa ba Nyakasane, mwayîrikwa erya barhumisi ba Nyamuzinda wîrhu. Mwâkaz’ikalya oku buhirhi bw’amashanja, n’irenge lyâbo mwe mwâliyîmamwo.

Izaya 66:21

Ciru narhôla muli bo ababà badâhwa n’abaleviti, kwo adesire Nyakasane.

Hozeya 14:2

Galuka, Israheli, emwa Nyamubâho, Nyamuzinda wâwe, bulya bubî bwâwe bwakusârhazagya.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Barom 12:1

Bene wîrhu, mmuhîre ihano erhi bwonjo bwa Nyamuzinda burhuma, nti muhâne emibiri yinyu nka nterekêro y’obuzîne, ntagatîfu n’ey’okusîmîsa Nnâmahanga. Ntyôla kwo mukwânîne okukolera Nnâmahanga n’omurhima.

Barom 15:16

y’okubà mujà-bugo wa Yezu Kristu omu bapagani na mudâhwa w’Emyanzi y’Akalembe ya Nnâmahanga, nti lyo enterekêro y’abapagani ehinduka ntagatîfu muli Mûka Mwimâna, enasîmîse Nnâmahanga.

1 Bakorinti 3:16

Ka murhamanyiri oku muli nyumpa ya Nyamuzinda n’oku Omûka gwa Nyamuzinda gummulimwo?

1 Bakorinti 3:9

Bulya kugwâsa rhugwâsa Nyamuzinda; muli ishwa lya Nyamuzinda, muli bûbake bwa Nyamuzinda.

1 Bakorinti 6:19

Nkabaga murhishi oku omubiri gwinyu kali ka-Nyamuzinda ka Mûka Mutagatîfu ommubâmwo; oyu mwahâbagwa na Nyamuzinda, n’oku murhaciri binyu mwene?

2 Bakorinti 6:16

Aka-Nyamuzinda bici kankafundikira haguma n’enshusho z’abazimu? Rhw’ono, nêci, rhwe rhuli nyumpa ya Nyamuzinda bici kankafundikira haguma n’enshusho z’abazimu? Rhw’ono, nêci; rhwe rhuli nyumpa ya Nyamuzinda ozîne, nk’oku Nnâmahanga aderhaga, erhi: Nabêra omu karhî kâbo nnankabagerageramwo. Nâbà Nyamuzinda wâbo, nabo babè bantu bâni.

Bagalasiya 6:10

Ntyo, bunôla rhucigwêrhe amango, rhukajirira abantu boshi aminjà, bwenêne bene wîrhu omu buyêmêre.

Lushika 18:2

Ogo mulala gurhabè na kashambala omu karhî ka bene wâbo, Nyakasane yêne wâbà kashambala kâbo nk’oku abalaganyagya.

Bafilipi 1:11

munayunjule amakwânane g’obushinganyanya Yezu Kristu arhushobôzagya, oku irenge n’obukuze bwa Nyamuzinda.

Bafilipi 2:17

Mâshi ciru omukò gwâni gwankabulagwa oku nterekêro n’oku ntûlo y’obuyêmêre bwinyu, nsîmire nancîshinzire haguma ninyu mweshi.

Bafilipi 4:18

Bunôla ngwêrhe ebikwânîne byoshi, ciru na kulusha. Ndi muhirhi kurhenga erhi Epafroditi ampisakwo entûlo yinyu, ogwo mugavu gw’akasununu kinjinja, eyo nterekêro Nnâmahanga ayankirira anasîmîswa nayo.

Bakolosi 3:17

Na ngasi ci­nwa mwankaderha erhi cijiro mwankajira, byoshi mubijire oku izîno lya Nyakasane Yezu, bibè munkwa emwa Larha Nyamuzinda oku bulagizi bwâge.

1 Timoteyo 3:15

Ci nkayish’ilegama okuyisha, nnonzize omanye kurhi okwânîne okukâyôrha omu nyumpa ya Nyamuzinda, yo Ekleziya ya Nnâmahanga ozîne, gwo mutungo co na ciriba c’okuli.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

1 Petro 2:9

Ci mwêhe muli ishanja lîshogwa, muli badâhwa b’ebwâmi, muli mulala Mutagatîfu, muli lubaga lurhôle Nyamuzinda acungulaga mpu mukâyimba ebirhangâzo by’olya wammukûlaga omu mwizimya, ammuhama­gala mpu mujè omu bulangashane bwâge bw’okusômeza;

1 Petro 4:11

Owahîrwe omukolo gw’oburhumisi, agukole n’emisî ya Nnâmahanga, lyo muli byoshi Nyamuzinda akuzibwa erhi Yezu Kristu orhuma. Kuli ye irenge n’obuhashe emyâka n’emyâka. Amen!

1 Petro 4:17

Bulya amango gahisire, n’olubanja lwârhangirira oku nyumpa ya Nyamuzinda. N’akabà rhwe lwârhangirirekwo, balya barhayêmêra Emyanzi y’Akale­mbè kurhi obuzinda bwâbo bwâbe wâni!

Mafulûlo 1:6

arhuyîmika anarhujira badâhwa b’Îshe Nyamuzinda! Kuli ye irenge n’oburhegesi emyâka n’emyâka! Amen.

Mafulûlo 20:6

Owashangîra obwôla bufûke burhanzi erhi ali w’iragi erhi ali na mwimâna! Abôla olufù lwa kabiri lurhankabajira kurhi, ci bayish’ibà badâhwa ba Nyamuzinda na ba Kristu, banayish’iyîma bo naye myâka cihumbi.

Mafulûlo 3:12

Owânahime, nâmujira ashube mutungo omu luhêro lwa Nyamuzinda wâni, arhakanacihoza okugulu embuga bundi. Nâmuyandikakwo izîno lya Nyamuzinda wâni n’izîno ly’Olugo lwa Nyamuzinda wâni - Yeruzalemu muhyâhya wamanukaga emalunga emwa Nyamuzinda wâni - n’izîno lyâni lihyâhya».

Mafulûlo 5:10

wanarhujira bwâmi bwa Nyamuzinda wîrhu na badâhwa bâge, n’igulu rhwe rhwaliyîmemwo».