1 Petro 2:18 - BIBLIYA NTAGATIFU OMU MASHI

¹⁸ Mwe bashizi, mukâyumva bannâhamwinyu munabarhînye, arhali abinja n’abantu nkana bônene, ci n’abadârhi.

1 Petro 2:18 ပူးပေါင်းရင်းမြစ်များ

Ennanga 101:4

Omurhima mubî gurhagera aha ndi, ehiri hibî ntahikwîrirwa.

Migani 10:32

Akanwa k’omushinganyanya binjà karhengamwo; n’akanwa k’enkola-maligo, maligo kanarhengamwo.

Migani 11:20

Omu masù ga Nyakasane emirhima mibî bibà bikabulirwa, bo arhonya abw’olugêndo nkana

Migani 3:32

Bulyâla abahalanjisi Nyakasane arhababâkwo, abantu nkana bwo arhonya.

Migani 8:13

Okurhînya Nyakasane kwo kushomba obubî; oku nshômba okucîbona kwo nshômba n’okugayana, obwôrhere bubî n’akanwa kanywesi.

2 Bakorinti 10:1

Niehe Paolo mmuhûnyire, mwe mukasinga, obutûdu n’obwinjà bwa Kristu burhumire, nie erya ngonyi nka ndi embere zinyu, na nka ntammuliho nshube ntwâli.

Bagalasiya 5:22

Ebijiro bya Mûka Mutagatîfu byôhe buli buzigire, bushagaluke, murhûla, kulemberana, lukogo, bwinjà, kurhatwa omu kanwa kîrhu,

Tito 3:2

barhajâciraga ndi, bayâke ennongwè, ci babè batûdu banalembere abantu boshi.

Yakôbo 3:17

Obushinyanya bw’enyanya bwôhe, burhanzi bubà bucêse kandi bubà bwa murhûla, bubà bwa lukogo, butûla, buyunjwîre bwonjo n’emburho nyinjà, burhajira kabôlo, burhanalyâliha.