1 Petro 1:18 - BIBLIYA NTAGATIFU OMU MASHI

¹⁸ Mumanye oku murhakûlagwa omu bwôrhere bw’obujà basho bàmmuyahukizagya n’ebirugu byankasherêra, nk’amasholo erhi ensaranga,

1 Petro 1:18 ပူးပေါင်းရင်းမြစ်များ

Ennanga 39:6

Ensiku zâni wazijizire za makoro abirhi, n’okulama kwâni kuli nka ntâkwo omu masù gâwe, ngasi muntu kwo anali nka mûka kwône.

Ennanga 62:10

Bene-Adamu gunabà mufula bufula, babà banywesi ababurhwa n’abantu. Erhi bankashonera oku munzâni, boshi haguma banayanguha kulusha omufula.

Izaya 44:22

Nazazize amabî gâwe nka lwikungu, n’ebyâha byâwe nka citù. Shubira emunda ndi, bulya nie nakuyôkolaga.

Izaya 52:3

Nêci, kwo adesire ntyâla Nyakasane: «Busha mwaguzibagwa na kandi buzira kulyûla nsaranga mwagulûlwa!»

Yeremiya 16:19

Nyamuzinda, we buzibu we n’ibuye ncîfulikaho, nyâkiraho amango mpanyagîre! Amashanja gayîsha emunda oli kurhenga ebwa kafende k’igulu gaderhe mpu: balarha bya bunywesi bayîmiremwo, bya busha birhajira mukolo muci.

Yeremiya 4:11

Mw’ago mango bâbwîra olu lubaga na Yeruzalemu erhi: Empûsi ndûrhu-ndûrhu y’oku ntondo, edwîrhe yahûsa kurhenga omu irungu, kujà emunda oli, mwâli w’olubaga lwâni. Erhali ya kuyêrûla erhanali ya kucêsa.

Yeremiya 44:17

“cikwône rhwashubikajira oku rhwanalaganyagya: okurherekêra omwâmikazi w’e Malunga n’enshangi n’okumudubulira ebinyôbwa nk’oku rhwanayôrhaga rhujira, rhwe na balarha, abâmi bîrhu n’a­bakulu bîrhu omu mirhundu ya Yûda n’omu mihanda ya Yeruzalemu: ago mango lyo rhwàli rhugazire oku migati, rhwàli rhusîmire rhurhanajagakwo buhanya buci”.

Yeremiya 9:14

Co cirhumirage aderha ntya, Nnâmahanga w’Emirhwe Nyamuzinda w’Israheli: mpu: Lâba oku olu lubaga mutuzo nalulîsa. Ndunywese n’amîshi galimwo obwôge.

Ezekiyeli 20:18

Nanacibwîra abâna bâbo omwôla irungu, nti: Murhahîra mukashimba enjira za basho, murhashimbaga engeso zâbo, murhacîhemulaga n’abazimu bâbo.

Amosi 2:4

Ntya kwo Nyakasane adesire: «Oku mabî àsharhu ga Yûda n’oku anni, nahizire burhashubira nyuma. Kulya kubà bàkabulîre amarhegeko gâni barhanashimbaga ebinwa byâni, - kulya kubà bahabusire erhi bazimu bâbo bàrhuma, kulya bîshe bâbo nabo bàjiraga.

Mibalè 7:15

Ahirakwo empanzi y’omucûkà, engandabuzi n’omwâna-buzi wa mwa­ka muguma oku nterekêro y’ensirîra.

Marko 8:37

Nîsi erhi bici omuntu ankahâna ngulo y’omûka gwâge?

Barom 1:21

kulya kubà bàmanyire Nnâmahanga barhanamukuzagya nka Nnâmahanga, barhanamuvugaga omunkwa; ci bôhe bàhabukira omu nkengêro za busha, n’omurhima gwâbo guhûsire gwayunjula mwizimya.

1 Bakorinti 3:20

na kandi, mpu: «Nyakasane ayishi enkengêro z’abashinganyanya»; arhahabiri oku ziri za busha.

1 Bakorinti 6:20

Bulya kugulwa mwaguzirwe! Kuziga muhè Nyamuzinda irenge omu mibiri yinyu.

1 Bakorinti 7:23

Kugulwa mwaguzirwe! Mumanye mwakacîjira bajà ba bantu.

Bagalasiya 1:4

wacîhânaga nterekêro oku byâha bîrhu, mpu lyo arhurhenza omu bubî bw’er’igulu, nka kulya Larha Nyamuzinda alonza,

Befezi 4:17

Lêro mâshi, mmubwîzire nnammugashire muli Nyakasane, nti murhacikâg’iyôrha nka bapagani bakashimba enkengêro zâbo za busha.

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Bahabraniya 9:12

Ajà bwa lwoshi oku caligumiza omu ka-Nyamuzinda. Arhajâgamwo n’omukò gw’ebihebe erhi gw’ebimasha, ci n’omukò gwâge yêne, erhi amâyûs’irhushobôza obucunguke bw’ensiku n’amango.

1 Petro 1:7

na ntyo buyêmêre bwinyu - bugwêrhe ecitwîro kulusha amasholo barhangula obwinjà bwâgo omu muliro, n’obwo kusherêra gasherêra - buyish’ibà bukuze n’irenge linyu, bunarhume mwakengwa olusiku Yezu Kristu acîyêrekana.

1 Petro 4:3

Ka ziri nyi ensiku mwalamire nka bapagani, omu kuhusha, omu kushimba iralà ly’omubiri, omu ndalwè n’okulya obudâmbye, omu kunywa buzira lugero n’okugashâniza ebiremwa?

1 Yowane 3:5

Murhanahabiri oku kurhenza ebyâha kwamudwîrhe, n’oku ntà câha cimubâmwo.