1 Nganîro 3:15 - BIBLIYA NTAGATIFU OMU MASHI

¹⁵ Bagala ba Yoshiyahu: Yohanani lwo lubere, owa kabirhi, Yehoyakimu, owa kasharhu, Sidekiyahu, n’owa kani Shalumu.

1 Nganîro 3:15 ပူးပေါင်းရင်းမြစ်များ

2 Bâm 23:31

Yoyakazi ali agwêrhe myâka makumi abiri n’isharhu erhi abà mwâmi, anashinga myêzi isharhu ali mwâmi aha Yeruzalemu. Nina ye wali Hamutali mwâli wa Yirimiyahu w’e Libna.

2 Bâm 23:34

Faraoni mwâmi w’e Mîsiri Neko arhôla Eliyakimu mwene Yoshiyahu abà ye ajira mwâmi ahâli h’îshe Yoshiyahu, ahindula izîno lyâge amuhà erya Yehoyakimu. Olya Yehowakazi agwârhaga ajà e Mîsiri anajifira yo.

2 Bâm 24:17

Mwâmi w’e Babiloni ayanka Matanya, mwishè wa Yoyakini, abà ye ajira mwâmi ahâli ha Yoyakini, anamuhindula izîno amuhà erya Sedekiyasi.

1 Nganîro 3:14

Amoni na Yoshiyahu.

1 Nganîro 3:16

Bagala ba Yehoyakimu, bo: Yekoniya na Sidekiyahu.

2 Nganîro 36:1

Olubaga lw’omu cihugo lwayanka Yehowakazi, mugala wa Yoshiyahu, lwamujira mwâmi, ahâli h’îshe aha Yeruzalemu.

2 Nganîro 36:10

Erhi omwâka gushubirhondêra, Nabukondonozori amuhêka e Babiloni haguma n’ebirugu by’engulo ndârhi bya omu ka-Nyamubâho; ayîmika mwâmi omu Yûda n’omu Yeruzalemu, Sidekiyahu, mwene Yoyakini.

Yeremiya 1:3

kashubimurhindakwo oku ngoma ya Yehoyakimu, mwene Yoshiyahu, mwâmi w’e Yûda, kuhika omwâka gwa kali ikumi na liguma gwa Sedekyahu, mwene Yoshiyahu, mwâmi w’e Yûda, kuhika oku lubungo lwa Yeruzalemu, lwabâga mwêzi gwa karhanu.

Yeremiya 22:11

Bulyâla ntya Nyamubâho aderhîre Shalumu, mwene Yoshiyahu, mwâmi w’e Yûda. Yewayimaga omu by’îshe Yoshiyahu: «Owamarhenga ahâla, arhakacishubiraho,

Yeremiya 22:18

Ebyo birhumire, ntya kwo Nyakasane adesire. Yehoyakimu, mwene Yoshiyahu, mwâmi w’e Yûda. Arhalakirwe, mpu: «Alà mwâna wîrhu wee! mpu alà mwâli wîrhu wee! Nanga arhalakirwe mpu: Yajewe, Nnâhamwîrhu wee! Mpu yajewe, Nyamwagirwa wee!

Yeremiya 24:8

“Cikwône, kulya bajira amalehe mabî, galya gabozire garhankanacirîbwa, nêci kwo Nyakasane adesire, kwo najira Sedekyahu, mwâmi w’e Yûda, abarhambo bâge, n’abasigîre omu Yeruzalemu, abasigîre mw’eci cihugo kuguma n’abayûbasire omu cihugo ca Mîsiri”

Yeremiya 26:1

Emurhondêro gw’oburhegesi bwa Yehoyakimu, mwene Yoshiyahu, mwâmi w’e Yûda, aka kanwa karhindakwo Yeremiyahu, erhi karhenga kuli Nyakasane.

Yeremiya 37:1

Sedekyahu, mugala wa Yoshiyahu, anaciyîma omu bya Koniyasi, mugala wa Yehoyakimu, ye Nabukondonozori, mwâmi w’e Babiloni ali ajizire mwâmi omu cihugo ca Yûda.