1 Nganîro 28:4 - BIBLIYA NTAGATIFU OMU MASHI

⁴ “N’obwo nie Nyakasane Nyamuzinda w’Israheli acîshozire omu mulala gwa larha gwoshi, mpu lyo nie rhwe n’iburha lyâni rhukaziyôrha rhuyîma omu Israheli emyâka n’emyâka. Mîra mîra àcîshozire Yûda nka muluzi w’omulala, buzinda, omu mulala gwa Yûda, acîshogamwo omulala gwa larha, na kandi, muli bagala ba larha, asîma okujiramwo mwâmi wa bene-Israheli boshi”.

1 Nganîro 28:4 ပူးပေါင်းရင်းမြစ်များ

2 Samweli 5:3

Ntyo abagula b’Israheli boshi bashimânana na mwâmi Daudi aha Hebroni; banacinywâna naye embere za Nyamubâho aha Hebroni, Daudi bamushîga amavurha g’okubà mwâmi w’Israheli.

1 Nganîro 17:23

“Bunôla, Yâgirwa, ojirage nk’okwo wanaderhaga, n’endagâno wajizire kuli nie n’oku iburha lyâni, eyôrhe ebâho amango goshi”.

1 Nganîro 17:27

“Wahizire okugisha omulala gwâni, mpu lyo iburha lyâni likaziyôrha libàho embere zâwe ensiku zoshi. Yâgirwa Nyakasane, kulya kubà wênene ogishire ogwo mulala, gukolaga gwayôrha guli mugishe ensiku zoshi.”»

1 Nganîro 5:2

Yûda naye, alusha bene wâbo obuhashe, bulya mwinjikulu wayishiribâ mwâmi w’Israheli, ci eco cikono c’okubà nfula emwa Yozefu càjire.

2 Nganîro 6:6

Ci kwônene nacîshozire Yeruzalemu nti mwo mwabêra izîno lyâni, nanacîshoga Daudi nti arhegeke olubaga lwâni lw’Israheli».

Ennanga 108:8

Nyamuzinda erhi ali omu ngombe yâge, ayisha erhi nkola nayimuka njigaba Siyoni, n’olubanda lwa Sukoti ndugabire bandi.

Ennanga 18:19

Bantêra olusiku lw’obuhanya, ci Nyakasane ashuba lwegemero lwâni.

Ennanga 60:7

Orhurhabâlage wêne n’okuboko kwâwe, lyo abarhonyi bâwe balobôka, onarhuyumve.

Ennanga 89:4

Waderha, erhi: Nanywânîne n’omwîshogwa wâni, nalahirîre mwambali wâni Daudi, nti:

Bahabraniya 7:14

Na ntâye orhîshi oku Nnawîrhu akomôkakwo Yûda, na ntâco ciyêrekîne obudâhwa Mûsa adesire kuli obwo bûko.

1 Samweli 16:1

Ago mango Samweli ali agwêrhe n’omungo munene erhi Saulu orhuma na kandi kulya kubà Nyamubâho anagayire bulya ajizire Saulu mwâmi omu Israheli, Nyamubâho anacibwîra Samweli, erhi: Mangaci omungo gwâwe Saulu orhumire gwahwa n’obwo mîra namuyîmwire nti arhacibà mwâmi omu Israheli. Yunjuzagya ihembe lyâwe mavurha onagende; Nkurhumire emwa Yese w’e Betelehemu, bulya mbwîne oku omu bâna bâge nakûla omwâmi.

1 Samweli 26:1

Abantu b’e Zifa bajà emunda Saulu ali aha Gibeya banacimubwîra mpu: «Ka orhamanyiri erhi Daudi acîfulisire omu karhondo ka Hakila olunda lw’amashaka?»