1 Nganîro 22:5 - BIBLIYA NTAGATIFU OMU MASHI

⁵ Bulya Daudi àkagicîdesa yêne, erhi: «Mugala wâni Salomoni aciri murhò na ntâco acimanya. N’obwo aka-Nyamuzinda k’okuyûbakirwa Nyakasane kawanine kajè irenge omu bihugo byoshi oku bunene n’obwinjà bwâko. Nkola ga nâbà narheganya eby’okuyishikayûbaka.» Daudi ajira ntyo marheganyo manji embere ly’okufà kwâge.

1 Nganîro 22:5 ပူးပေါင်းရင်းမြစ်များ

1 Bâm 3:7

Waliha Nyakasane Nyamuzinda wâni wêne wayîmikaga mwambali wâwe mwâmi aha larha Daudi n’obwo ndi mwâna murhò, ntamanyicirhegeke.

1 Bâm 9:8

Eyîra nyumpa ntagatîfu yanabà bigûkà na ngasi yêshi wankayigera hôfi anarhemuka ahebe olushungûrho; banakâderha mpu carhumaga Nyakasane ajira olu lugo n’eyîra nyumpa ntyâla?

1 Nganîro 29:1

Mwâmi Daudi anacibwîra eyo ndêko y’abantu boshi bàliho, erhi: «Mugala wâni Salomoni, oyu Nyakasane àcîshozire, aciri murhò, na ntà bwenge acîbona. N’obwo omukolo gwâjirwa gurhali munyi, bulya arhali nyumpa ya muntu yàyûbakwa, ci nyumpa ya Nyakasane, Nyamuzinda».

2 Nganîro 13:7

“Abantu ba busha busha, bagala ba Beliali, balundûkira emunda ali, bahima Roboami mugala wa Salomoni. Roboami àciri mwâna murhorhò, wa murhima muzamba, arhahashaga okubahagalika”.

2 Nganîro 2:4

Enyumpa nayûbaka kukwânîne ebè nyumpa nnene, bulya Nyamuzinda wîrhu ye mukulu kulusha abandi ba nyamuzinda.

2 Nganîro 2:5

Ci ntâye wankacîshomya mpu amuyûbakira enyumpa, oyu empingu n’empingu z’empingu zirhankahashilûmira? Nâni niene ndigi muntu muci wankahashimuyûbakira enyumpa, nka kurhali kuderha mpu rhubone aha rhwakazitumbûkiza enterekêro zîrhu emunda ali?

2 Nganîro 2:8

bagendinteganyiza mirhi mwandu bulya enyumpa nayûbaka yâbà nnene na nyinjà bwenêne.

2 Nganîro 7:21

“Eyîra nyumpa yalijire enyanya ntyâla, yânabà côbà ca ngasi yêshi wankanagera hôfi nayo, anakaziderha erhi carhumaga Nyamubâho ajira ecîra cihugo n’eyîra nyumpa ntyâla?”»

Ezra 3:12

Badâhwa banji, n’Abaleviti n’abashamuka b’emilala, abâli babwîne aka-Nyamuzinda karhanzi barhengamwo abakalaka n’izù linene ago mango banasimikaga eciriba c’enyumpa; na bandi banji bakabanda orhuhababo rhw’okushagaluka n’okusîma.

Migani 4:3

Nali muburhe: mugala wa lârhâ! nali mwinjà na murhonyi omu masù ga nyâmâ.

Muhanûzi 9:10

Ngasi bushanja onabwîne wankarhangira, onabukole amango onacizîne, bulyâla ekuzimu wayishijà, erhabà kukola, nîsi erhi kuganja, erhi kumanya erhi kurhimanya.

Izaya 64:11

Ka wabona okwôla kwoshi, onadekerere, Yâgirwa Nyakasane? Ka onakolaga wacîhulikira na ntyo orhubonêse enshonyi kurhalusire olugero?

Ezekiyeli 7:20

Bàkazâg’ilimbira ebisikiyo byâbo: babijira byàbà nsanamu zâbo ngalugalu, byàbà bazimu bâbo. Co carhuma nkola najira kabè kantu kakaz’ibagezamwo omusisi.

Haggeyo 2:3

“Indi muli mwe wacibwîne amango eyi nyumpa yalijire irenge? Na kurhi muyibwîne buno? Ka murhabwîni oku erhacigwêrhi nda na mugongo?”

Haggeyo 2:9

“Irenge ly’eyi nyumpa lyalushisa erya mîra, kwo Nyakasane Nyamuzinda w’Emirhwe adesire, na muli aha hantu, nahebaho omurhûla, Nyamuzinda w’Emirhwe okudesire”».

Luka 21:5

Erhi baguma babà badwîrhe baderha mpu aka-Nyamuzinda kayûbasirwe n’amabuye minjinjà kanabambirwe n’ebindi by’entûlo bya ngulo ndârhi, ababwîra, erhi:

Yowane 13:1

Embere z’olusiku lukulu lwa Basâka, Yezu erhi amanyire oku amango gâge gahisire g’okurhenga en’igulu n’okushubira emw’Îshe; n’erhi abà amâzigira abâge bàl’igulu, abazigira lwoshi.

Yowane 3:30

“Kukwânîne agandâze, nâni ncifunye”.

Yowane 9:4

Obûla bwacibona, kukwânîne njire emikolo y’owantumaga: obudufu buyiruka, n’obudufu burhakola.