1 Nganîro 19:7 - BIBLIYA NTAGATIFU OMU MASHI

⁷ Bayandika n’omwâmi w’e Maaka haguma n’emirhwe yâge na ngâlè bihumbi makumi asharhu na bibirhi, bayisha batwa icumbi lyâbo omu muhanda gw’ecishagala ca Medeba, nabo Abanya-Amoni bashûbûzanya omu bishagala byâbo byoshi mpu bajè oku matabâro.

1 Nganîro 19:7 ပူးပေါင်းရင်းမြစ်များ

2 Samweli 10:6

Abamoniti babona oku bônene bacîshombanyisize emunda Daudi ali, banacigend’iyinjibana abasirika babarhabala okulwa emwa Abaramiya b’e Bet-Rehobu n’emwa Abaramiya b’e Soba boshi bahika omu bantu bihumbi makumi abirhi bya basirika bajà balambagira n’amagulu. Omwâmi w’e Maaka abahà basirika cihumbi nayo engabo y’e Tobi yajira basirika bihumbi ikumi na bibirhi.

1 Nganîro 18:4

Daudi anyagayo ngâlè cihumbi, ànashwêka basirika b’oku biterusi bihumbi nda, n’abasirika kwône bihumbi makumi abirhi by’omu ngabo za Hadadezeri; ebyo biterusi acîshogamwo igana lyône ayôrhana, ebindi byoshi ajà abitwa emisî y’entege.

1 Nganîro 19:8

Daudi amanya ogwo mwanzi, arhuma Yowabu haguma n’emirhwe y’entwâli.

2 Nganîro 14:9

Asa akanya ajimuhagalika. Bacîrheganya mpu balwîre omu lubanda lw'e Sefata hôfi n'e Maresha.

Lubungo 14:9

Abanya-Mîsiri bàbakulikira buhena, bashanga bacûmbisire eburhambi bw’enyanja: ebiterusi bya Faraoni mwâmi w’e Mîsiri byoshi n’abasirika bâbyo, engabo zâge zoshi, babahikakwo hôfi ha Pi-Habiroti, ishiriza lya Bal-Sefoni.

Izaya 15:2

Bakola basôkera ebwa mahêro e Diboni mpu bagend’ilakirayo. E Nebo n’e Madaba, Mowabu ali omu mulenge: amarhwe goshi gali makungûle, n’amânwa goshi gali mamôme.

Mibalè 21:30

Iburha lyâbo lyashandâla kurhenga Heseboni kuhika aha Diboni. Rhwadulika omuliro kurhenga Nofahi kuhika Mediba.»

Yozwe 13:16

Ecihugo câbo càli kurhenga aha Aroeri oku burhambi bw’omugezi gw’Arnoni, n’olugo luli omu karhî k’olubanda koshi luli hôfi na Medeba,

Yozwe 13:9

Kurhenga e Aroeri, oku burhambi bw’o­ mugezi gw’Arnoni, ecihugo ciri omu karhî k’akabanda k’ogwo mugezi, akabà­ nda koshi ka Medeba kuhika aha Diboni;

Bacîranuzi 4:3

Bene Israheli banacilakira Nyakasane, ebwa kubà oyo Yabini àli agwêrhe ngâlè magana gali mwenda ga cûma; ali amageza myâka makumi abirhi adwîrhe alibuza bwenêne bene Israheli. Debora

1 Samweli 13:5

Abafilistini banacishûbûzanya mpu bagendilwîsa bene Israheli; bali badwîrhe ngâlè bihumbi makumi asharhu, na bihumbi ndarhu bya basirika balwîra oku nfarasi n’eyindi ngabo y’abantu bali banji nka mushenyi gw’oku nyanja. Banaciyisha batwa olugerêro aha Mikimasi olunda lwa Beti-Aweni.