1 Nganîro 16:2 - BIBLIYA NTAGATIFU OMU MASHI

² Erhi Daudi àyûsihâna ezo nterekêro, agisha olubaga oku izîno lya Nyakasane.

1 Nganîro 16:2 ပူးပေါင်းရင်းမြစ်များ

Murhondêro 14:19

Anacigisha Abramu ederha, erhi: «Abramu agishwe na Nyamuzinda w’enyanya bwenêne owalemaga amalunga n’igulu,

Murhondêro 20:7

Na bunôla, ogalulage mukà oyu mulume: abà mulêbi akânakusengerera mpu lyo olama. Ci akabà orhamugalwiri, onamanye oku kufà wanafa, we n’abà aha mwâwe boshi».

Murhondêro 47:10

Yakôbo ashub’ilamusa Faraoni mwâmi w’e Mîsiri, anamusengeruka.

Murhondêro 47:7

Yozefu ageza îshe Yakôbo, amulamukiza emwa Faraoni mwâmi w’e Mîsiri. Yakôbo ahâna omusingo emunda Faraoni mwâmi w’e Mîsiri ali.

2 Samweli 6:18

Erhi ayûsa okurherekêra ezôla nterekêro z’embâgwa n’ez’omurhûla, agisha olubaga oku izîno lya Nyamubâho, Nyamuzinda w’Emirhwe.

1 Nganîro 16:1

Banaciyîshidêkereza omucîmba omu ihêma Daudi àli agurheganyize. Okubundi barherekêra Nyamuzinda enterekêro z’okusingônolwa n’enterekêro z’omurhûla.

1 Nganîro 16:3

Cazînda agabira bene-Israheli ebiryo: ngasi mulume na ngasi mukazi bakazihâbwa omugati muburungusè, ecihimbi c’omugati gw’obununîrizi gwa mabo n’ecitumbura c’emizâbîbu myûmu.

2 Nganîro 29:29

Erhi bamala enterekêro y’ensirîra, mwâmi haguma n’abantu bali boshi naye, bafukama baharâmya.

2 Nganîro 30:27

Abadâhwa baleviti barhondêra okujà kwagisha olubaga, n’izù lyâbo lyayumvîkana, omusengero gwâbo gwahika omu hatagatîfu ha Nyamubâho, omu mpingu.

Ezekiyeli 45:17

Ci mwâmi ye âbà n’omukolo gw’enterekêro z’ensirîra, ez’enkalangè, ez’embulage oku nsiku nkulu, oku kubaluka kw’emyêzi n’oku nsiku za Sabato, n’oku nsiku nkulu zoshi za bene Israheli, ye wâkajira eby’enterekêro oku câha, eby’enterekêro y’enkalangè, eby’ensirîra n’ebya enterekêro z’okuvuga omunkwa, omu kuhûna okuyôbôlwa kwa bene Israheli.

Ben Levi 1:3

Enterekêro yâge ekaba ya kusingônolwa, ya cintu cinene, anarhûle empanzi erhalikwo ishembo lici. Anayirherekêre aha lusò lw’akagombe k’endêko, lyo esîmîsa Nyakasane.

Bahabraniya 7:7

Na ntâye ohabire oku omurhò ye ogishwa n’omukulu.

Yozwe 22:6

Yozwè anacibagisha, kandi abasengaruka; nabo bashubira emwâbo omu mahêma gâbo.