1 Nganîro 16:1 - BIBLIYA NTAGATIFU OMU MASHI

¹ Banaciyîshidêkereza omucîmba omu ihêma Daudi àli agurheganyize. Okubundi barherekêra Nyamuzinda enterekêro z’okusingônolwa n’enterekêro z’omurhûla.

1 Nganîro 16:1 ပူးပေါင်းရင်းမြစ်များ

1 Bâm 3:15

Salomoni asinsimuka ayumva oku bilôrho; ashubira e Yeruzalemu, agend’iyimanga embere ly’omucîmba gw’Amalaganyo, arhûla enterekêro y’omurhûla kandi abâgira ananywêsa abambali boshi.

1 Bâm 8:62

Mwâmi na bene Israheli boshi banacihêra ntyôla Nyakasane.

1 Nganîro 15:1

Daudi anaciyûbakisa enyumpa zâge omu Murhundu gwa Daudi. arheganya hantu haguma ayîmanzaho ihêma lyayîshijamwo omucîmba gw’Amalaganyo gwa Nyamuzinda.

1 Nganîro 15:12

Ababwîra, erhi: «Mwe muli bakulu b’emilala y’Abaleviti, mucîshukûle, mucè, mwe n’abantu b’emilala yinyu, okubundi mugendilonza omucîmba gwa Nyakasane, Nyamuzinda w’Israheli, muguhêke aha nagurheganyîze.

1 Nganîro 15:3

Daudi ashûbûliza bene-Israheli boshi e Yeruzalemu mpu bagendilêrha Omucîmba gwa Nyamuzinda, lyo guhirwa ahantu àgurheganyîze.

1 Nganîro 16:2

Erhi Daudi àyûsihâna ezo nterekêro, agisha olubaga oku izîno lya Nyakasane.

1 Nganîro 6:16

Bene Levi, mwâmi Daudi abahà omukolo gw’okuyimbiza omu ndâro ya Nyakasane, oku omucîmba gw’amalaganyo gwanahirwamwo ho na halya.

2 Nganîro 1:4

Oku biyêrekîre Omucîmba gw’Amalaganyo, Daudi ali erhi agurhenzize e Kiriyati-Yearimu, aguhêka erya munda agurheganyizagya, bulya ali erhi aguyûbakire ihêma aha Yeruzalemu.

Ennanga 132:8

Yimuka, Nyamwagirwa, ojè aha warhamûkira, mwe n’omucîmba gw’obwâmi bwâwe.

Ben Levi 3:9

Kuli eyo nterekêro y’okushenga omurhûla, banasingônolera Nyakasane: omucira gwoshi muberûle oku marhungu, olujimbi, amashushi goshi gabwîkira eby’omu nda,