1 Nganîro 15:12 - BIBLIYA NTAGATIFU OMU MASHI

¹² Ababwîra, erhi: «Mwe muli bakulu b’emilala y’Abaleviti, mucîshukûle, mucè, mwe n’abantu b’emilala yinyu, okubundi mugendilonza omucîmba gwa Nyakasane, Nyamuzinda w’Israheli, muguhêke aha nagurheganyîze.

1 Nganîro 15:12 ပူးပေါင်းရင်းမြစ်များ

1 Nganîro 15:1

Daudi anaciyûbakisa enyumpa zâge omu Murhundu gwa Daudi. arheganya hantu haguma ayîmanzaho ihêma lyayîshijamwo omucîmba gw’Amalaganyo gwa Nyamuzinda.

1 Nganîro 15:14

Abadâhwa n’abaleviti bacîshukûlaga obwo omu kucîrheganya okuyîshibarhula omucîmba gwa Nyakasane Nyamuzinda w’Israheli.

1 Nganîro 15:3

Daudi ashûbûliza bene-Israheli boshi e Yeruzalemu mpu bagendilêrha Omucîmba gwa Nyamuzinda, lyo guhirwa ahantu àgurheganyîze.

1 Nganîro 16:1

Banaciyîshidêkereza omucîmba omu ihêma Daudi àli agurheganyize. Okubundi barherekêra Nyamuzinda enterekêro z’okusingônolwa n’enterekêro z’omurhûla.

1 Nganîro 24:31

Nabo bayesha ecigole oku burhumisi bw’emikolo yâbo aka bene wâbo bene Aroni, embere za mwâmi Daudi, e mbêre za Zadoki na Ahimeleki, n’embere z’abarhambo bakulu b’emilala y’abadâhwa n’ey’abaleviti. Ntyo omulala gw’omwâna w’enfula gwajirirwa kuguma n’ogwa mulumuna wâge.

1 Nganîro 9:34

Ntyo kwo abagula b’emilala y’abaleviti bàliyôsire omu kukulikirana omu maburhwa gâbo. Bàyûbakaga e Yeruzalemu.

2 Nganîro 1:2

Salomoni akazirhegeka Israheli yêshi, abarhambo b’e bihumbi, ab’amagana, arhegeka abacîranuzi, abarhambo b’amashanja ga bene-Israheli goshi, abarhambo b’emilala.

2 Nganîro 1:4

Oku biyêrekîre Omucîmba gw’Amalaganyo, Daudi ali erhi agurhenzize e Kiriyati-Yearimu, aguhêka erya munda agurheganyizagya, bulya ali erhi aguyûbakire ihêma aha Yeruzalemu.

2 Nganîro 30:15

Barherekêra olusiku lukulu lwa Basâka omu nsiku ikumi n’ini z’omwêzi gwa kabirhi. Abadâhwa n’abaleviti bayumva enshonyi zabagwârha erhi kukêreza kwâbo kurhuma, nabo bacicêsa, barherekêra enterekêro z’ensirîra omu ka-Nyamubâho.

2 Nganîro 35:6

Murherekêre Basâka, mucîcêse, munamurheganyize bene winyu, lyo bashimba akanwa Nyamubâho aderhaga na Mûsa».

2 Nganîro 5:11

Byanacibà ntya, erhi abadâhwa boshi babà bamârhenga omu hantu hatagatîfu, balya boshi bali ahôla, erhi banacîcêsize buzira kuderha mpu balola murhwe mulebe,

2 Nganîro 5:2

Okubundi Salomoni ashûbûliza aha Yeruzalemu abagula boshi b’Israheli, abarhambo b’amashanja, abarhambo b’emilala ya bene Israheli, mpu bajè oku bwâmi bwa Daudi yo erigi e Siyoni, bagendirhôlayo Omucîmba gw’Amalaganyo ga Nyamubâho.

Nehemiya 13:22

Narhegeka abaleviti nti bacîyôbôle, banayîsh’ilanga enyumvi lyo olwa Sabato lujirwa lutagatîfu. Oshub’iyûbaka mâshi Nyamuzinda wâni onambabalire erhi okwo kwo kurhumire, nk’oku obwonjo bwâwe bunali!

Izaya 52:11

Gendi, gendi, rhengi hano, ntà higalugalu muhumagekwo. Huluki omwôla, mucîyôbôle, mwe muhêka ebirugu bya Nyakasane!

Ezekiyeli 48:11

Câbà cigabi c’abadâhwa barherekîrwe, bagala ba Sadoki bo bâkaz’ikola omu ka-Nyamuzinda bo banali balya barhahabukaga erhi bene Israheli bahabuka n’erhi Abaleviti bahabuka.

Yowane 17:17

Obajire batagatîfu omu okuli: akanwa kâwe kwo okuli.