1 Nganîro 14:9 - BIBLIYA NTAGATIFU OMU MASHI

⁹ Abafilistini banaciyisha mwandu, basherêza akabanda k'Abarefayiti.

1 Nganîro 14:9 ပူးပေါင်းရင်းမြစ်များ

2 Samweli 23:13

Kandi bantu basharhu omu ntwâli makumi gâge asharhu banacibunguluka, gali mango ga kusârûla, babunguluka mpu bajà emunda Daudi ali omu bulumba bwa Adulami, n’obwo erhi Abafilistini batwîre olugerêro omu kabanda ka bene Refayimi.

2 Samweli 5:18

Engabo y’Abafilistini yanacishagamuka, boshi bashandabana omu kabanda ka Refayimi.

1 Nganîro 11:15

Lusiku luguma, bantu basharhu b’omu murhwe gw’entwâli «Makumi a sharhu», bajà emunda Daudi àli aha lwâla luli hôfi n’olukunda lw’Adulamu, bulya Abafilistini bâli batwîre icumbi omu kabanda k’Abarefayimi.

1 Nganîro 14:10

Daudi agendidôsa Nyamubâho, erhi: «Ka ngendikoza Abafilistini? Ka wabahira omu maboko gâni?» Nyakasane amushuza, erhi: «Genda obakoze. Nabahira omu nfune zâwe.»

1 Nganîro 14:13

Abafilistini bashubiyîsha barhabîre omu kabanda k’Abarefayiti.

1 Nganîro 14:8

Abafilistini bamanya oku Daudi ayîmisirwe okubà mwâmi wa bene-Israheli boshi haguma; banacishûbûzanya mpu bajè balonza Daudi bamugwârhe. Daudi amanya ogwo mwanzi analonza okubabugâna.

Izaya 17:5

Kwo byâyîsh’ibà nka kula abasârûzi basârûla emburho, nka kula amaboko gâbo gasârûla emihuli. Kwo byâbe nka kula bahumbûza emihuli omu lubanda lwa Refayimi.