1 Nganîro 11:6 - BIBLIYA NTAGATIFU OMU MASHI

⁶ Daudi àlidesire, erhi: «Omurhangiriza wankayîrha Muyebusi muguma ye wabà murhambo mukulu w’abalwî.» Yowabu, mugala wa Seruya, abà ye rhangikoza, ye wanabirage murhambo mukulu w’engabo y’abasirika.

1 Nganîro 11:6 ပူးပေါင်းရင်းမြစ်များ

2 Samweli 2:13

Yowabu mugala wa Seruya, boshi n’abambali ba Daudi, nabo barhabâla. Babugânana hôfi n’eciyanja ca Gabaoni, baguma batwa olugerêro ishiriza ly’ecôla ciyanja n’abâbo nabo erindi ishiriza.

2 Samweli 2:18

Mw’eyo ntumba mwâli bene Seruya oku banali basharhu, Yowabu, Abishayi, n’Asaheli. Asaheli ali mubidu bwenêne bulya agwêrhe orhugulu rhuli nka rhwa kashafu kw’omu mpinga.

2 Samweli 20:23

Yowabu ye wali murhambo w’engabo y’abalwî omu bene Israheli boshi, Benaya mugala wa Yehoyada ali murhambo w’Abakereti n’Abapeleti.

2 Samweli 3:27

Oku Abneri anahika aha Hebroni ntyâla, Yowabu amukulukuliza eburhambi omu konga k’ecôgo nka owamuheka mahwe, n’erhi banahika ahôla, Yowabu amutumirhira oku nda. Ho na halya Abneri arhengamwo omûka, amuyîrha ntyo lwàli lwîhôlo lwa Asaheli mulumuna wa Yowabu.

2 Samweli 8:16

Yowabu mugala wa Seruya, ye wali murhambo kashala w’abalwî ba Daudi, naye Yehoshafati mugala wa Ahiludi ye wali murhindisi w’emyandiko.

1 Bâm 1:7

Banaciganîra boshi na Yowabu mugala wa Seruya n’omudâhwa Abiyatari, banacirhabâla engabo ya Adoniyasi.

1 Nganîro 11:5

Abayebusi babwîra Daudi, mpu: «Orhaje omu cishagala cîrhu.» Kurharhumaga Daudi arhagwârha olugo luzibuzibu lwa Siyoni, buzinda lwo lwayîshirikâderhwa mpu Murhundu gwa Daudi.

1 Nganîro 11:7

Daudi ahanda mw’olwo lugerêro luzibuzibu, kwarhuma baluyîrika «Murhundu gwa Daudi».

1 Nganîro 18:15

Yowabu, mugala wa Seruya, ye wali murhambo mukulu w’omurhwe gw’abalwî; Yehoshafati, mugala wa Ahiludi, ali mujabugo wa mwâmi;

1 Nganîro 27:34

Yehoyada, mugala wa Benaya, na Abiyatari, bo bàjîre ahâli ha Ahitofeli okubà bahanûzi ba mwâmi. Naye Yowabu ye wali murhambo mukulu w’emirhwe yoshi y’abasirika ba mwâmi.

Ennanga 60:9

Erhi: «Ishwa lya Galadi libà lyâni n’erya Menashè kwo na kwo, Efrayimu yêhe yo mpenzi y’irhwe lyâni na Yûda bwo bwâmi bwâni.

1 Samweli 17:25

Munya-Israheli muguma amubwîra, erhi: «K’orhabwîni ola muntu watakâza. Kujacira okwôla adwîrhe ajâcira bene Israheli. Owankamuyîrha, mwâmi anamuhà oluhembo lunênênè, anamuhà omwâli n’enyumpa yâbo enabè ya kurhinywa omu Israheli.»