1 Nganîro 10:9 - BIBLIYA NTAGATIFU OMU MASHI

⁹ Batungôla Saulu, bàmutwa irhwe balihêka, n’emirasano yâge, bazungulusa eyo minyago omu cihugo câbo, mpu lyo bamanyîsa ogwo mwanzi mwinjà omu bazimu bâbo n’omu lubaga lwâbo lwoshi.

1 Nganîro 10:9 ပူးပေါင်းရင်းမြစ်များ

2 Samweli 1:20

Okola orhakumanyîsagya omu Gati, orhakuyumvîsagya omu njira ya Askoloni, lyo abanyere b'Abafilistini balek’icîshinga, lyo balek’ihama n’omwîshingo, abanyere b’entakembûlwa!

1 Nganîro 10:10

Cazînda emirasano yâge bayihira omu mahêro ga muzimu wâbo muguma, n’irhwe lya Saulu balimanika omu luhêro lwa Dagoni.

1 Nganîro 10:4

Okubundi Saulu anacibwîra owalimubarhulîre emirasano, erhi: «Rhôla engôrho yâwe onyîrhemwo, bulya ntalonza ezo ntakembûlwa z’Abafilistini zibè zo zinyîrha zimpemukirekwo». Ci olya mwambali alahira bulya aliyôbohire bwenêne. Lêro Saulu arhôla engôrho yâge ayihamiramwo yênene.

1 Nganîro 10:8

Erhi buca Abafilistini bayisha balitungôla emirhumba, babugâna Saulu n’abagala balangamire oku ntondo ya Gilbowa.

Daniyeli 5:23

Ci kwônene walonzize okucîjira mukulu kulusha Nyamuzinda w’empingu, wahûna banakulêrhera orhubêhè rhw’omu ka-Nyamuzinda, nâwe n’abarhambo bâwe na bakâwe, n’ebiherula byâwe mwanyweriremwo idivayi, wanaharâmya banyamuzinda b’amarhale, ab’amasholo, ab’omulinga, ab’ecûma, ab’emirhi n’ab’amabuye, banyamuzinda barhabona, barhanayumva. Na Nyamuzinda ofumbasire omûka gwâwe, okulanga omu majira gâwe goshi orhamukuzagya.

Mateyo 14:11

Erhi irhwe lyâge licilerhwa oku nambi, balihà olya munyere, naye alihêkera nnina.