1 Nganîro 10:14 - BIBLIYA NTAGATIFU OMU MASHI

¹⁴ àhâli h’okuhûna ihano emwa Nyakasane. Nyamuzinda amuyîrha obwo; n’obwâmi bwâge abuhà Daudi, mugala wa Yese.

1 Nganîro 10:14 ပူးပေါင်းရင်းမြစ်များ

2 Samweli 5:3

Ntyo abagula b’Israheli boshi bashimânana na mwâmi Daudi aha Hebroni; banacinywâna naye embere za Nyamubâho aha Hebroni, Daudi bamushîga amavurha g’okubà mwâmi w’Israheli.

1 Nganîro 12:23

Ngasi lusiku abantu bayîshikâcîlunga oku murhwe gwa Daudi, kuhika omurhwe gwâge gwalinda guluga bwenêne.

1 Nganîro 17:13

“Nâbà îshe, naye abè mwâna wâni. Ntakamutûhya kwoki nka kulya natûhagya omwâmi wakushokoleraga”.

1 Nganîro 2:12

Boozi anaciburha Obedi, naye Obedi aburha Yese.

2 Nganîro 16:12

Omu mwâka gwa kali makumi asharhu na mwenda kurhenga ali mwâmi, Asa alwâlira omu magulu endwâla ndârhi; n’agôla mango alwâlaga arhajag’idôsa Nyamubâho, ci abà emwa abafumu yo akazija.

Migani 17:13

Ogalula obubî oku bwinjà, obuhanya burhankarhenga aha mwâge.

Izaya 10:15

Ka embasha enalimbire oyifumbasire? Ka olukero lwankaderha mpu lulushire odwîrhe walukolêsa? Ka akarhi kankahash’ihugunya owakalengeza, nîsi erhi obuhiri buhash’ihinya olurhali lushâli?

Izaya 10:7

Ci yêhe arhayumvagya ntyo arhanarhimanyagya ntyo omu murhima gwâge, bulya omu murhima gwâge ali alonzize okumalîra n’okurherekeza omwandu gw’amashanja.

Yozwe 9:14

Bene Israheli banaciyanka oku biryo byâbo buzira kurhangidôsa Nyakasane.

1 Samweli 13:14

“Ci kwônene obwâmi bwâwe ntà misî bwacijira. Nyamubâho analongize owundi olya oli n’omurhima gwâge, olya wankahasha okukacîkubagira ye, oyo ye anajizire mwâmi w’olubaga lwâge, bulya orhashimbire oku Nyamubâho anali akurhegesire”».

1 Samweli 15:28

Samweli anacimushuza, erhi: «Kwo na Nyamubâho akuhahanyulirekwo ntyo obwâmi bw’Israheli; amanabûha owinyu oli mwinjà kukulusha».

1 Samweli 16:1

Ago mango Samweli ali agwêrhe n’omungo munene erhi Saulu orhuma na kandi kulya kubà Nyamubâho anagayire bulya ajizire Saulu mwâmi omu Israheli, Nyamubâho anacibwîra Samweli, erhi: Mangaci omungo gwâwe Saulu orhumire gwahwa n’obwo mîra namuyîmwire nti arhacibà mwâmi omu Israheli. Yunjuzagya ihembe lyâwe mavurha onagende; Nkurhumire emwa Yese w’e Betelehemu, bulya mbwîne oku omu bâna bâge nakûla omwâmi.

1 Samweli 28:17

“Nyamubâho anajizire nk’oku anakubwîraga n’akanwa kâni. Nyamubâho akunyazire obwâmi abuhà owinyu Daudi”.

1 Samweli 28:6

Saulu akanya ajidôsa Nyamubâho, ci ntà kuguma Nyamubâho amushuzize oli omu bilôrho oli omu lujimbi, oli omu bugeremwa.