1 Batesalonika 4:9 - BIBLIYA NTAGATIFU OMU MASHI

⁹ Oku biyêrekîre okuzigirana, ntà bulagîrire mugwêrhe bw’okuyandikirwa, kulya kubà Nyamuzinda yêne wammuyigîrizagya okuzigirana mwêne na nnene,

1 Batesalonika 4:9 ပူးပေါင်းရင်းမြစ်များ

Ennanga 133:1

Lwimbo lwa kusôka. Lwa Daudi. Alà nka kwayinjiha, alà nka kwanuna, okubêra haguma cinyabuguma kw’abalondana.

Izaya 51:13

Wayibagîre Nyakasane wakulemaga, owabungulaga amalunga anasimika igulu; wakayôrha wa juguma omulegerege gwoshi erhi bukali bw’okakurhindibuza burhuma, bulya ko ali nk’odwîrhe wacirheganya okukuherêrekeza. Ci ngahigi buli obukunizi bw’olya odwîrhe akulibuza?

Yeremiya 31:33

Lôlagi amalaganyo nâyishifundika na bene Israheli muli ago mango -Kwo Nyakasane adesire- Nâbahebamwo amarhegeko gâni, ngayandike omu mirhima yâbo. Nâbà Nyamuzinda wâbo, nabo lubaga lwâni.

Yeremiya 31:34

Ciru n’omuguma mulibo, ntâye wânacidôse owâbo erhi mulungu mpu amumanyîse izîno lyâni, bulya boshi bayîshiba balimanyire; kwo Nyakasane adesire, boshi kurhenga akabonjo kuhika omushosi. Bulya nâbabalira amabî bajirîre, ntakacikengêra ebyâha byâbo.

Ben Levi 19:8

Owankalyakwo yêne ocîhesize obuhanya bwâge, ebwa kubà anahemwire ebyarherekîrwe Nyakasane. Oyôla muntu anakagwe omu lubaga lwâbo.

Mateyo 22:39

“Erya kabiri nalyo lishushîne n’eryo: Okâzigira owinyu nk’oku ocîzigira wênene.

Yowane 14:26

“Ci Omurhulirizi, Mûka Mutagatîfu, Larha ârhuma oku izîno lyâni, ye wayish’immuyigîriza byoshi anammukengêze ebinammubwîzire byoshi.

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Barom 12:10

Muzigirane nk’abalondana; ngasi muguma akakenga abâbo nk’abamukulîre.

2 Bakorinti 9:1

Nago ogôla mukolo w’okurhabâla abatagatîfu, ntacirhamya nti na­mmuyandikira kuli go.

Bafilipi 3:15

Rhweshi rhweshi rhwe rhukola rhuli bimâna, kwo rhukwânîne rhugerêreze ntyo; n’erhi ankabà haligi kundi mugerêrize, muli okwo nakwo Nyamuzinda a­mmumulekera obukengêre.

1 Batesalonika 5:1

Oku nsiku n’amango, bene wîrhu, ntà bulagîrire mugwêrhe bw’okubiyandikirwa.

Bahabraniya 10:16

Eyi yo ndagâno nalagânana rhweshi nabo enyuma ly’ezo nsiku, Nyakasane ayûshûla, erhi: Nahira amarhegeko gâni omu mirhima yâbo, nabayandikago omu nkengêro.

Bahabraniya 13:1

Musêre omu buzigire bw’ecinyabuguma.

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.

1 Petro 4:8

Ci bwenêne muzigirane mwêne na nnene, bulya obuzigire buzâza omwandu gw’ebyâha.

2 Petro 1:7

ecinyabuguma oku bukombêdu, n’obuzigire oku cinyabuguma.

1 Yowane 2:10

Ozigira mwene wâbo, erhi ali omu bulagashane, na ntâco cankamuhirimya.

1 Yowane 3:11

Bulya bw’obo bugo mwayumvîrhe kurhenga aha murhondêro: ku­kwânîne rhuzigirane.

1 Yowane 3:23

N’irhegeko lyâge ly’eri: mpu rhuyêmêre izîno ly’Omugala Yezu Kristu, rhunazigirane nka kulya arhurhegekaga.

1 Yowane 4:21

Kwo biri, irhegeko arhuhîre ly’eri: ozigira Nyamuzinda azigîre na muci wâge.