1 Batesalonika 4:17 - BIBLIYA NTAGATIFU OMU MASHI

¹⁷ Okubundi nîrhu, rhwe nabo omu bitù, rhuj’ishimânana na Nyakasane omu malunga; na ntyo rhwâbêre na Nyakasane ensiku zoshi.

1 Batesalonika 4:17 ပူးပေါင်းရင်းမြစ်များ

1 Bâm 18:12

“Cikwône hano nankurhenga ho, Mûka wa Nyakasane akola akugendana ntishi ngahi; buzinda ngend’igibwîra nnâhamwîrhu; nkulonze nkuzuguluke; hoshi aha anajira antingamira nfè! N’obwo nie murhumisi wâwe ntahimwa kukenga Nyakasane kurhenga eburhò bwâni”.

2 Bâm 2:11

Banacijà balambagira banashambâla, caligumiza babona engâlè y’omuliro n’enfarasi z’omuliro: zababerûla ngasi muguma olwâge lunda, Eliya anacihêkwa emalunga omu karhî k’empûsi ya kalemêra.

2 Bâm 2:16

«Lolà oku omu barhumisi bâwe muli bantu makumi arhanu ba burhwâli, obarhume bagendilonza nawinyu. Ankabà ene omûka gwa Nyakasane gubà gwamamuyêhûkana, gwajirimukwêba kuli ntondo nguma, nîsi erhi omu kabanda». Anacibashuza erhi: «Murharhumaga yo ndi».

Ennanga 16:11

Wanyêreka enjira y’akalamo, obwimâna bw’amasîma omu kubona obusù bwâwe, ekulyo kwâwe, mwîshingo gw’ensiku n’amango.

Ennanga 17:15

Niehe omu bushinganyanya, nayishibona obusù bwâwe; aha kuzûka, nyishiyigurha nkusinzakwo.

Ennanga 49:15

Kwo bahêkwa ekuzimu ak’ezaj’ibâgwa, lufù lubayâbula na bashinganyanya babarhegeka.

Ennanga 73:24

Wêne walonzize okumpabûla, wêne wâyishir’inyakirira omw’irenge.

Izaya 35:10

Abà Nyakasane ayish’ibà alîkûzize bâgaluka, bahike omu Siyoni bayisha baband’empundu banabarhwîre amasîma g’ensiku n’amango oku irhwe. Bâyunjula mwishingo n’amasîma; emirhanyo n’endûlù byâhirigirha.

Daniyeli 7:13

Nanacikulikiza okulolêreza ebyôla byabonekaga budufu, nalola oku e­nyanya ly’ecitù c’emalunga yarhenga oli nka mwene omuntu ajà emunda olya mushosi ali, banacimuyêgeza embere zâge.

Mateyo 26:64

Yezu anacimushuza, erhi: «Wakudesire. Ciru mmubwîzire n’obwâlagale oku mwâcibona Mwene-omuntu abwârhîre ekulyo kw’Ogala-byoshi, anayishire omu bitù by’emalunga».

Marko 14:62

Yezu anacimushuza, erhi: «Nêci, ndi ye; mwânacibone Mwene-omuntu abwârhîre ekulyo kw’Ogala-byoshi anayishire omu bitù by’emalunga».

Yowane 12:26

Olonza okunshiga, anshimbe; n’aha ndi, ho n’omwambali wâni ayish’ibà. Omuntu o­nshizire, Larha ayish’imukuza.

Yowane 14:3

Na hano mbà najir’i­mmurheganyiza entebe, naciyish’immuyanka, mmuhêke aha ndi, lyo ninyu mubêra aha ndi.

Yowane 17:24

Larha, nnonzize abà wampîre nabo babè nâni aha ndi, lyo babona irenge wampîre, bulya wanzigîre embere z’okulemwa kw’igulu.

Ebijiro 1:9

Erhi ayûs’iderha ebyo binwa, banacimubona amanamana emalunga; ecitù camubwîka, barhacimubonaga.

Ebijiro 8:39

Erhi babà bamârhenga omu mîshi, Omûka gwa Nyakasane gwashamula Filipo, n’olya mulamba arhacimubonaga. Ahira njira, aj’acîshinga.

1 Bakorinti 15:52

oku irindo liguma, omu kugohya ntya, oku izù ly’omushekera muzinda; bulya bayish’ibûha omu mushekera, n’abafîre bayish’ifûka na emibiri erhankacifà, na nîrhu rhwayish’ihinduka kundi kundi.

2 Bakorinti 5:8

Rhurhwalihire obwo, rhurhankanabaga rhurhengemwo ogu mubiri, rhuj’ibêraho Nyakasane.

Bafilipi 1:23

Ntabwîni ciguma nalondôla muli ebyo bibiri: ncîfinjire okucîgendera nj’ibêra na Kristu, kwo kwankanabire kwinjà kulusha.

1 Batesalonika 3:13

Na ntyo akomeze emirhima yinyu; ayijire myêru-kwêru omu butagatîfu embere za Larha Nyamuzinda, amango nnawîrhu Yezu ayisha bo n’abatagatîfu bâge boshi.

1 Batesalonika 4:15

Okûla rhummubwîzirekwo n’obuhashe b’Oluderho lwa Nyakasane: rhwe rhucizîne, rhwe rhwâbè rhuciriho amango Nyakasane agaluka, rhurhakashokolera abafîre.

1 Batesalonika 4:18

Mukaz’irhûlirizanya n’ebyo binwa.

1 Batesalonika 5:10

Arhufîrire mpu rhukabà rhuzîne erhi rhukabà rhurhazîni, rhulame rhulungîne naye.

2 Petro 3:13

Ci erhi rhunadwîrhe rhwalinga, nka kulya arhulaganyagya, amalunga mahyâhya n’igulu lihyâhya mwayish’ibà obushinganyanya.

Mafulûlo 1:7

Lâba oku ayishire omu bitù, na nt’isù lirhâmubonè, ciru n’abamutumirhaga; n’amashanja g’en’igulu goshi gâmulakira. Nêci! Amen!

Mafulûlo 11:12

Bayumva izù linene lyarhenga emalunga, lyababwîra, erhi: «Yinamukiri eno nyanya!» Bâna­ cisôkera emalunga omu citù, n’abashombanyi bâbo bakâsinza.

Mafulûlo 12:5

Nyamukazi anaciburha omwâna w’oburhabana, ye wayish’iyâbula amashanja goshi n’ehirhi by’ecûma; nyamwâna banacimuka­nyanya, bamuhêka hali Nyamuzinda n’aha ntebe yâge.