1 Batesalonika 2:3 - BIBLIYA NTAGATIFU OMU MASHI

³ Enyigîrizo zîrhu zirhali za bunywesi, nîsi erhi za bugalugalu erhi bulyâlya.

1 Batesalonika 2:3 ပူးပေါင်းရင်းမြစ်များ

Mibalè 16:15

Omu bukunizi bunene, Mûsa anacibwîra Nyamubâho, erhi: «Orhalolaga e­nterekêro yâbo y’enkalangè. Ntasagibanyaga ciru na oli endogomi yâbo, ciru na ntâye nkola njirire amabî muli bo.»

Ebijiro 13:15

Erhi bayûs’isoma Amarhegeko n’Abalêbi, abakulu b’esinagogi babarhumiza, mpu: «Bene wîrhu, akabà hali oku mwabwîra olubaga, mukuderhe».

Ebijiro 4:36

Ntyo kwo Yozefu, oyo Entumwa zayîrikaga izîno lya Barnaba, kwo kuderha mwâna w’oburhûlirizi, muleviti w’e Cipro,

2 Bakorinti 11:13

Bulya abantu ba bene bo liri irumbi mpu ntumwa, bakozi endyâlya bakâg’irhebana mpu ntumwa za Kristu.

2 Bakorinti 2:17

Bulyâla rhwêhe rhurhali aka banji, bakaz’irhimbûla oluderho lwa Nyamuzinda; ci nka bantu nkana, nka bajà-bugo ba Nyamuzinda, rhuyigîriza muli Kristu embere za Nnâmahanga.

2 Bakorinti 4:2

Ci okuhulika erhi nshonyi zirhuma, rhurhacikubâmwo. Obwenge bw’okurhebana rhurhabubâkwo, n’oluderho lwa Nyamuzinda rhurhaluhindula. Ci omu kuyêrekana okunali mwo rhucîmanyikiza oku mirhima y’abantu omu masù ga Nnâmahanga.

2 Bakorinti 4:5

Bulyâla arhali rhwêne rhuja rhwaciderha, ci Nyakasane Yezu Kristu rhuja rhwamanyîsa. Rhwêhe rhuli barhumisi binyu, erhi buzigire bwa Yezu Kristu burhuma.

2 Bakorinti 6:8

omu kukengwa n’omu kulolwa nka byâsi, omu kuderhwa kubî n’omu kuderhwa kwinjà; omu kujirwa ndyâlya, n’obwo rhurhaderha ebirhali by’okuli;

2 Bakorinti 7:2

Murhuyigulire emirhima yinyu! Ntâye rhwalenganyize, rhurhahombagya ndi, ntâye rhwalîre hyâge.

1 Batesalonika 2:11

Muyishi bwinjà oku rhwajirîre ngasi muguma muli mwe nka kula omubusi ajirira abâna bâge:

1 Batesalonika 4:7

Birhali bya nshonyi Nyamuzinda arhuhamagaliraga, ci butagatîfu.

2 Tesalonika 2:11

Okwo kwo kwarhumire Nyamuzinda abalikiramwo nyandumà wabahabula anabayêmêza obu­nywesi,

2 Petro 1:16

Bulya rhurhakolêsagya migani y’obwenge erhi rhummumanyisa obuhashe n’okuyisha kwa Nnawîrhu Yezu Kristu, ci kulya kubà rhwêne rhwabwîne n’amasù gîrhu obulangashane bw’irenge lyâge.

1 Samweli 12:3

Mumbwîne niono ndi hanôla, mumbwîre embere za Nnâmahanga n’embere z’oyu mwambali wâge, nkâfu erhi ndogomi ya ndi nkola nyanzire. Indi nababazize nîsi erhi kumurhindibuza? Indi nkola mpûnyire empongano, mpu lyo muh’olubanja. Mweshi mwananyêrera.»