1 Batesalonika 2:13 - BIBLIYA NTAGATIFU OMU MASHI

¹³ Co c’irhumire oku bwîrhu rhwêhe, rhurhahusa okuvuga Nyamuzinda omunkwa, bulya erhi mubà mwamayumva Oluderho lwâge rhwammumanyîsagya, murhaluyankiriraga nka kanwa ka muntu, ci, nk’oku lunali, mwaluyankirira nka Luderho lwa Nnâmahanga. Olwo Luderho kukola muli mwe, mwe bemêzi.

1 Batesalonika 2:13 ပူးပေါင်းရင်းမြစ်များ

Yeremiya 44:16

«Oku biyêrekîre akanwa warhubwîraga oku izîno lya Nyakasane, rhurhalonzizi rhukuyumve;

Haggeyo 1:12

Oku bundi obwo, Zorobabeli, mwene Shalatieli, na Yozwè, mwene Yehosadaka, mudâhwa mukulu, n’olubaga lwoshi, bayumvîrhiza akanwa ka Nyamuzinda n’akanwa k’omulêbi Hageyo, nk’oku Nyamubâho, Nyamuzinda wâbo àlirhumire oyo mulêbi. Aho, olubaga lwayôboha Nyamuzinda.

Mateyo 10:20

Arhali mwe mwâderhe, ci Omûka gwa Sho gwo gwâderhe muli mwe.

Mateyo 10:40

Owammuyigulire, erhi Nie ayigulîre, n’owanyigulire, erhi owantumaga ye ayigulîre.

Luka 11:28

Ci yêhe amushuza, erhi: «Iragi lyâbo erhi bo abayumva ecinwa ca Nnâmahanga n’okucilanga!»

Luka 5:1

Lêro lusiku luguma erhi olubaga lumulundûkîre mpu luyumve oluderho lwa Nnâmahanga, erhi naye ayîmanzire eburhambi bw’enyanja y’e Jenezareti,

Luka 8:11

«Ogwo mugani gw’ogu: “Emburho lwo Luderho lwa Nyamuzinda”.

Luka 8:21

Naye anacibashuza, erhi: «Nyâmà na bene wîrhu bo ngasi bayumva ecinwa ca Nyamuzinda n’okucîjira».

Yowane 15:3

“Okuca, mîra mwacâga, eci­nwa nammubwîzire cirhumire”.

Yowane 17:17

Obajire batagatîfu omu okuli: akanwa kâwe kwo okuli.

Yowane 17:19

Ncihânyire nterekêro bo barhumire, lyo nabo bahinduka nterekêro omu okuli.

Ebijiro 10:33

“Ho n’aho nakurhumiza; nâwe wajizire kwinjà ene oyisha. Rhw’ono rhuyishirage embere zâwe, nti rhuyumvîrhize ebi Nyakasane anakurhumire mpu orhubwîre”».

Ebijiro 13:48

Erhi abapagani bayumva ebyo binwa, basîma, barhondêra bakuza akanwa ka Nyakasane, na ngasi boshi bâli bacîshogîrwe obuzîne bw’ensiku n’amango bayêmêra.

Ebijiro 16:14

Muguma muli bo, izîno lyâge ye Lidiya, akâg’irhuyumvîrhiza. Ali murhimbûzi w’emyenda midukula, w’omu cishagala c’e Tiyatira, anakâg’iharâmya Nnâmahanga. Nyakasane amuyigula omurhima, na ntyo ayêmêra ebi Paolo akâg’iderha.

Ebijiro 17:11

Ci kwônene, abôla bôhe bâli ba murhima mwinjà kulusha ab’e Tesalonika. Bayankirira Oluderho lwa Nnâmahanga buzira kurhindira. Ngasi lusiku bakâg’ilongereza omu mandiko mpu babone erhi kwo binali ntyo.

Ebijiro 17:32

Erhi bayumva okufûka kw’abafîre, baguma bamushekera, n’abandi baderha erhi: «Rhwâcikuyumwa kw’eyo myanzi gandi mango».

Ebijiro 2:41

Abayankirire akanwa kâge banacibatizibwa. N’olwo lusiku bantu bihumbi nka bisharhu bajà omu bashimbûlizi ba Kristu.

Ebijiro 8:14

Erhi Entumwa zàli e Yeruzalemu ziyumva oku Abasamâriya bayankirîre akanwa ka Nnâmahanga, zabarhumira Petro na Yowane.

Barom 10:17

Ntyo obuyêmêre omu kuhanûla burhenga, n’o­kuhanûla kujirwa n’akanwa ka Kristu.

2 Bakorinti 3:18

Ci rhwêhe kuno rhunali, obusù burhali bubwîke, rhudwîrhe rhwabonekamwo irenge lya Nyakasane nk’omu ndolero, rhudwîrhe rhwahindulwa mpu rhushushe n’eyo nshusho, rhulangale kulusha rhunalangashane, nk’oku Nyakasane alonzize, bulya abà Mûka.

Bagalasiya 4:14

n’ago magala mabî, n’obwo gwàli muzigo kuli mwe, garharhumaga mwangayaguza erhi kumbôla; ci mwanyankirira nka malahika wa Nnâmahanga, nka kulya mwankayankirira Yezu Kristu yêne.

Bakolosi 1:6

eyo Myanzi y’Akalembe yahisire emwinyu nk’oku yalumîre omu igulu lyoshi: yayâna emburho yanagandâza. Emwinyu nayo kwo na kwo, kurhenga lulya lusiku mwayumvagya mwanamanya enshôkano ya Nyamuzinda nk’oku enali,

Bahabraniya 4:12

Nêci, oluderho lwa Nyamuzinda bubà buzîne, lurhagaluka, lunayojihire kulusha engôrho ya môji abiri. Lunywengerera kuhika aha ngabiro y’obuzîne n’omûka, y’enjingo n’omwonko, lunayishi entimanya n’enkengêro z’omurhima.

Bahabraniya 4:2

Bulya nîrhu rhwabwîzirwe o­mwanzi mwinjà akâbo. Ci oluderho bàyumvagya, lurhabakwânanaga, kulya kubà bàrhalunganaga omu buyêmêre n’abàli baluyêmîre.

Yakôbo 1:18

Yêne walonzagya okurhuburha omu luderho lwâge lw’okuli, mpu rhubè rhwe murhondêrero gw’ebiremwa byâge.

1 Petro 1:23

bulya mwabusirwe buhyâhya, arhali n’emburho esherêra, ci n’emburho erhankahash’isherêra, lwo Luderho lwa Nyamuzinda luzîne lw’ensiku n’amango.

1 Petro 1:25

Olwo Luderho lwa Nyakasane lw’ensiku n’amango lwo mwayigîrizîbwe omu Myanzi y’Akalembe.

1 Petro 2:2

Nka rhubonjo rhwaciburhwa, mushwîre amarhà minjà g’obunya-mûka, lyo mukula munahike omu bucire,

2 Petro 3:2

Nnonzize mukengêre ebinwa byalêbagwa n’abalêbi batagatîfu, n’irhegeko lya Nyakasane n’Omucunguzi mwabwîrizibagwa n’entumwa zinyu.

1 Yowane 3:3

Ngasi yêshi ogwêrhe obwo bulangâlire muli ye acîcêsa nka kulya naye ali mucêse.