1 Batesalonika 1:6 - BIBLIYA NTAGATIFU OMU MASHI

⁶ Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho n’enshagali ya Mûka Mutagatîfu, n’obwo mwâli omu malibuko manji,

1 Batesalonika 1:6 ပူးပေါင်းရင်းမြစ်များ

Hozeya 2:14

Nahererekeza enkoma zâge n’amalehe gâge akâgilimbira, mpu: «Balume bâni babimpâga.» Nâbijira bulambo ensimba zâkâyâbukiramwo.

Mateyo 16:24

Lêro Yezu anacibwîra abambali, erhi: «Owalonz’inshimba, acîlahire yênene, abarhule omusalaba gwâge, anshimbe.

Yowane 8:12

Yezu ashub’ibabwîra, erhi: «Nie kamole k’igulu; onkulikire arhankage­nda omu mwizimya, ci abà n’obumoleke bw’obuzîne».

Ebijiro 13:52

Abemêzi bôhe bayumva bayunjwîre omwîshingo na Mûka Mutagatîfu.

Ebijiro 5:41

Bôhe barhenga aha kagombe bajà bacîshinga, bulya bâli bagwêrhe iragi ly’okukozwa enshonyi izîno lya Yezu lirhumire.

Ebijiro 9:31

Obwo erhi Ekleziya eri n’omurhûla omu Yudeya yoshi, n’omu Galileya, n’omu Samâriya; yakâja yayushûka nka nyumpa yayûbakwa, yanazibuha omu kurhînya Nyakasane, na Mûka Mutagatîfu ayiyunjuza oburhûlirizi bwâge.

Barom 15:13

Nyamuzinda w’okulangalirwa ammuhè amasîma n’omurhûla omu buyêmêre bwinyu, lyo muyunjula bulangâlire oku buzibu bwa Mûka Mutagatîfu.

1 Bakorinti 11:1

Munyige nk’okûla nâni nyiga Kristu.

1 Bakorinti 11:2

Mmusîmire bulya omu ngasi kantu munankegêre, na bulyâla munakâshimba emigenzo nammusigiraga.

1 Bakorinti 4:16

Mmuhûnyire, mâshi mwe mukonkwa, mushimbe olwiganyo lwâni.

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

2 Bakorinti 8:5

Balushîriza ciru aha rhwàli rhulangâlire là! Barhag’ijà aho, bacîhâna bône emwa Nyakasane, okubundi bacîhâna emwîrhu oku bulonza bwa Nnâmahanga.

Bagalasiya 5:22

Ebijiro bya Mûka Mutagatîfu byôhe buli buzigire, bushagaluke, murhûla, kulemberana, lukogo, bwinjà, kurhatwa omu kanwa kîrhu,

Befezi 5:1

Nêci, mucîsêze okushusha Nnâmahanga nka bâna bâge bazigirwa.

Bafilipi 3:17

Mweshi muntolerekwo olwiganyo, bene wîrhu, munakalolakwo balya bashimba olwiganyo lwîrhu.

2 Tesalonika 1:4

ciru nîrhu rhwêne rhukola rhucîkunga omu Ekleziya za Nnâmahanga erhi mwe murhuma, kulya kubà mwazibuhire mwanalanga obuyêmêre omu mababale n’omu malibuko mubona.

2 Tesalonika 3:7

Ninyu mwêne murhahabiri oku kukwânîne murhulolerekwo olwiganyo. Erhi rhuli emwinyu, rhurhabêraga buzira mukolo,

2 Tesalonika 3:9

Kurhali kuderha oku ntà buhashe rhwàli rhugwêrhe, ci nti rhummubêre lwîganyo lw’okukulikira.

2 Timoteyo 4:2

oyigîrize oluderho lwa Nnâmahanga, basîme erhi babè barhasîmiri, obabwîre, obayâgirize, okalihe, ohanûle, omu butûdu n’omu bushiru bw’okuyigîriza.

Bahabraniya 10:34

Nêci, mwashangîre amalibuko g’abàli omu mpamikwa, mwanayêmêra n’obushagaluke mwanyagwa ebintu binyu, bulya mwâli mumanyire oku mugwêrhe obuhirhi bwinjà kulusha n’oburhakayûrha,

1 Petro 1:6

Co cirhumire mudwîrhe mwacîshinga, ciru mukabà muciri omu marhangulo ga ngasi lubero kasanzi kasungunu;

1 Petro 1:8

Mumuzigira murhanasâg’imulolakwo; mumuyêmêra n’obwo murhasâg’imubona, n’omwîshingo gwinyu gurhankaderhwa gunayunjwîre irenge,

1 Petro 3:13

Ndi wankammujirira kubî mukabà mucîhanganyire okujira aminjà?

3 Yowane 1:11

Mwîra wâni, orhashimbaga olwiganyo lubî, ci oshimbe o­lwîganyo lwinjà. Ojira aminjà ali wa Nyamuzinda; naye ojira amabî erhi a­rhabonaga Nyamuzinda.