1 Bâm 8:7 - BIBLIYA NTAGATIFU OMU MASHI

⁷ Abôla bamalahika bali balambûlire ebyûbi byâbo enyanya ly’ahôla bali bagwâsirwe okuhira omucîmba gw’amalaganyo ntyo bamalahika babwikira omucîmba n’emishumi yago.

1 Bâm 8:7 ပူးပေါင်းရင်းမြစ်များ

1 Bâm 6:27

Salomoni anacihira balya bamalahika oku bali babirhi omu nyumpa y’omu ndalâlà, cûbi ca muguma cahuma kuli cirhebo ciguma, ecûbi c’owundi malahika cahuma oku cindi n’ebindi byûbi byayerekerana omwôla ndalâlà y’enyumpa.

1 Bâm 8:6

Abadâhwa banacihêka gulya mucîmba gw’amalaganyo omu cirhînyiro c’aka-Nyamuzinda halya gwanali gukwânîne okubêra omu hatagatîfu hakulu bwenêne, idako ly’ebyûbi bya bamalahika.

1 Bâm 8:8

Emirhamba obulî bwâyo bwakag’irhuma yaboneka ahôla hantu hatagatîfu honênè ci owali embuga arhankayibwîne. Kuhika bunôla ho enacibà ahôla.

Lubungo 25:20

“Ebyûbi by’abôla bakerubi bishanjûkire enyanya, bakaz’ibwîkira omufûniko n’ebyûbi byâbo bayerekerane bombi, bakazilola ebwa mufuniko”.

Izaya 6:2

Baserafi bali bayimanzire aha nyanya zâge, na ngasi muguma ali agwêrhe byûbi ndarhu: bibirhi bya kucîbwîka obusù, bibirhi bya kucîbwîka amagulu na bibirhi bya kubalala.

Mibalè 4:6

Oku nyanya, banabwikira kwo n’omufûniko gw’oluhù lw’ecigoho, kandi banalambûlirakwo omushangi mugumagumà gwa kaduku ka mukara, kandi banashesheza emirhamba y’Omucîmba.

Bahabraniya 9:5

N’oku nyanya kwagwo kwàli Bakerubi b’irenge bàkâg’ijira entebe y’obwonjo empehema. Ci arhali buno lyo rhwankazâbanula ebyo byoshi.