1 Bâm 8:42 - BIBLIYA NTAGATIFU OMU MASHI

⁴² bulya bamâmanya izîno lyâwe likulu, bamarhînya obuhashe bw’okuboko kwâwe kugala byoshi, bakayisha balikushengera munôla nyumpa yâwe, Yâgirwa onabayumvirhize kurhenga omu mpingu omu bwâmi bwâwe.

1 Bâm 8:42 ပူးပေါင်းရင်းမြစ်များ

1 Bâm 8:41

Oku muntu w’embuga orhali mwene Israheli, cikwônene arhenge omu cihugo c’ihanga erhi izîno lyâwe lirhuma,

2 Bâm 17:36

Erhi cikonene, Nyamubâho, Nyamuzinda winyu, olya wabakulaga omu cihugo c’e Mîsiri na obuhashe bunene na okuboko kubangalîre, oyôla ye mwakaziharâmya, oyôla ye mwakazifukamira n’oyôla ye mwakazijirira enterekêro.

2 Bâm 19:19

“Ci kônene waliha, Nyamubâho, Nyamuzinda wîrhu, nkusengîre orhuyôkole, orhukûle omu maboko gâge, na ntyo agandi mashanja gamanyire ho oku wêne we na Nyamubâho, oku wêne we onabà Nyamuzinda”».

2 Nganîro 32:31

Na Nyamuzinda arhaderhaga mpu amulikirira emw’abantu bakazâgirhumwa n’abanya buhashe b’e Babiloni mpu bayishimudôsa emyanzi ya cirya cisômerîne càbâga omu cihugo n’okumurhangula, lyo bamanya ebimubà omu murhima byoshi.

Ennanga 136:12

N’obuzibu bw’okuboko kwâge n’obuhashe bunji, bulya obuzigire bwâge buli bw’ensiku n’amango.

Ennanga 89:13

We walemaga eby’ekulembe walema n’eby’ekulyo, entondo ya Tabora n’eya Hermoni kucîtakîra zacîtakîrira izîno lyâwe.

Lubungo 13:14

“N’irhondo mugala wâwe akakudôsa, erhi: Kwo kurhi okwo?, onamubwîre, erhi: kuboko kuzibu Nyakasane àrhurhenzagyamwo e Mîsiri, omu nyumpa y’obujà”.

Lubungo 13:3

Mûsa anacibwîra olubaga, erhi: «Mukâkengêra lulya lusiku mwarhengaga e Mîsiri, omu nyumpa y’obujà, bulya kuboko kuzibuzibu Nyakasane àmmukûlagamwo eyo munda. Murhakâg’irya omugati gulimwo olwango.

Lubungo 15:14

Amashanja gàyumva, gàgeramwo ogwa nyegenye; omusisi gwadirhimanya abayûbaka omu Filistiya.

Lubungo 3:19

“Ci manyire oku mwâmi w’e Mîsiri arhamuyemerere mwagenda, akabà arhasezîbwi n’okuboko kuzibuzibu”.

Lubungo 6:6

Co cirhumire, obwîre bene-Israheli oku nie Nyamubâho. Nammukûla omu mikolo midârhi y’e Mîsiri, nammulikûza omu bujà bwâbo, nammulikûza n’obuhashe bw’okuboko kwâni n’omu buhane bunene.

Lubungo 9:15

Ncilekêrerage okuboko kwâni, singa nakuyisire n’ecâhirà we n’olubaga lwâwe, wali wahirigirha omu igulu.

Izaya 51:9

Zûka, zûka, cihundikire emisî yâwe, wâni kuboko kwa Nyakasane! Zûka nka omu nsiku za mîra, nka omu myâka yageraga!

Izaya 63:12

Ye olya wajag’alusa okulyo kwa Mûsa n’okuboko kwâge kw’irenge, olya wagabanyagya amîshi embere zâbo, mpu lyo izîno lyâge likuzibwa ensiku n’amango.

Yeremiya 27:5

“Niene nie najiraga n’obuhashe bwâni bunji n’okuboko kwâni kulambûle, igulu, omuntu n’ebintu bibà en’igulu; nna­mbigabire oyu nsîmire okubigabira”.

Yeremiya 3:19

Niehe kwo nakazagiderha omu murhima: nti owabonaga nkuhisa omu bâna bâni, nkamuhà ecihugo c’amasîma kashambala kakungwa omu mashanja. Namanya nti wakazimbwîra mpu «larha» nti orhakacintengaho.

Yeremiya 31:11

“Bulya Nyakasane ayôkwîre Yakôbo, àmufumya kw’abamulushire miîsi”.

Yeremiya 32:17

Nêci Nyakasane Nyamuzinda, wayêrekîne obu­rhwàli bwâwe n’obulenga erhi olambula okuboko kwâwe walema empingu n’igulu. We ogala byoshi!

Ezekiyeli 20:33

Ndahîre oku buzîne bwâni. kwo adesire Nyakasane Nyamubâho, ndahîre oku niene nie nanayîma kuli mwe, n’enfune ndârhi, n’okuboko kubangalîre, namuyemêza n’obukunizi bwâni.

Ezekiyeli 20:9

Ci nashubikengêra izîno lyâni, najira kulya kwankarhuma lirhankahemuka omu masù g’agôla mashanja bâli bayûbasire ekarhî kâbo, bulya nali mbabwizire oku nahêka olubaga lwâni erhi banadwîrhe babona, ndurhenze omu cihugo c’e Mîsiri.

Daniyeli 2:47

Kandi mwâmi ashubishambâza Daniyeli amubwîra, erhi: «Okunali, Nyamuzinda wâwe ye Nyamuzinda wa banyamuzinda, ye mukulu w’abâmi, ye nyamuvulûla amahwe, ebwa kubà wavulwîre elyo ihwe.»

Zakariya 14:16

Ngasi bâfulumuke ba ngasi ishanja lyàlwisagya Yeruzalemu, bâyish’ikârherekêra ngasi mwâka, bâyish’ikomera Nyakasane kagasha, bânajire olusiku lukulu lw’Ebihando.

Mibalè 15:14

“Erhi akabà hali ecigolo mwayêmêrîre okuyûbaka haguma ninyu, kandi erhi abè mubunga mukola mubà naye hamagera emyâka n’emyâka, erhi oyôla akâlonza okuhâna enterekêro, kulya mujira kwo naye agwâsirwe okujira”.

Ebijiro 8:27

Anaciyimuka, agenda. Obwo hanacigera mulume muguma w’Etiyopiya. Ali mulamba murhonyi wa Kandasi, mwâmi-kazi w’Etiyopiya, na murhegesi w’ebirugu byâge byoshi. Al’iharâmya e Yeruzalemu,

Lushika 3:24

«Nti Yâgirwa Nyamubâho, warhondîre okuyêreka mwambali wâwe obukulu bwâwe n’obuhashe bw’okuboko kwâwe; woyo, ntà w’emalunga erhi w’enigulu wakakuhikakwo oku ikola n’oku bijiro bilushîne,

Lushika 4:34

Ka hali owundi nyamuzinda okola ôyishire alilonza ishanja omu karhî k’erindi ajira eby’okurhangula, ebimanyîso, ebisômerîne anatula entambala n’enfune nzihun’okuboko kula­mbûle ajira eby’okuyôbohya nka kulya Nyamubâho Nyamuzinda winyu àmujiriraga e Mîsiri, erhi mwanasinza?

Lushika 4:6

Mugalange munagashimbe: bwo burhimanya bwinyu go na makengu ginyu omu masù g’amashanja. Amango bayumva aga marhegeko goshi kwo banaderha, mpu: «Olubaga lw’oburhimanya n’amakengu lunali luguma lwône: lwôlu lubaga lunji-lunji».

Yozwe 4:24

Na ntyo embaga zoshi za hano igulu zanakazimanya oku okuboko kwa Nyakasane kugala byoshi kuli nabo, lyo mukaziyôrha mwarhînya Nyakasane, Nyamuzinda winyu».

Yozwe 7:9

“Abanya-Kanâni bakolaga bakumanya, abandi bayûbaka omu cihugo coshi buzinda bakolaga bayishirhugorha, barhuyîrhe, izîno lîrhu lihirigirhe bano igulu. Na buzinda kurhi okolaga wayishijirira izîno lyâwe ly’ogala byoshi?”»