1 Bâm 8:20 - BIBLIYA NTAGATIFU OMU MASHI

²⁰ “Nyamubâho amayunjuzagya akôla kanwa aderhaga: Nayimirage omu bya larha Daudi, nanajîrage oku ntebe yâge y’obwâmi omu bene Israheli nk’oku anaderhaga, nanayûbasirage enyumpa okw’izîno lya Nyamubâho Nyamuzinda w’Israheli”.

1 Bâm 8:20 ပူးပေါင်းရင်းမြစ်များ

2 Samweli 7:12

“Mango ensiku zâwe zaheka, na hano oshanga bashakulûza bâwe ekuzimu obûko bwâwe nabuhêka enyanya, n’obwâmi bwâwe nabuyîmika bwinjà, omwâna w’enda yâwe mutugike omu bwâmi bwâge”.

1 Bâm 1:48

“Ciru na mwâmi yêne anadesire erhi: Ayâgirwe Nyamubâho Nyamuzinda w’Israheli, ye wampaga ene omuntu w’omu iburha lyâni mpu ajè oku ntebe yâni, na nâni niene namanamubona n’amasù ganî”»

1 Bâm 8:15

Anaciderha erhi: «Ayâgirwe Nyakasane Nyamuzinda w’Israheli, owaderheraga omu kanwa ka larha Daudi anayunjuliza ngasi ebi anali amubwîzire byoshi erhi:

Nehemiya 9:8

Wabwîne oku omurhima gwâge gubà gwa bushinganyanya embere zâwe, wanacilagâna mweshi naye oku wahà iburha lyâge ecihugo c’Abanya-Kanâni, Abahititi, Abamoreni, Abaperiziti, Abayebuseni, Abagirigashiti, wanalanzire ako kanwa kâwe bulya ôbà mushinganyanya.

Ennanga 138:2

nkola nakuyimbira enyimbo z’obukuze, erhi nnankumbire bûbi omu ka-Nyamuzinda kâwe. Nakuza izîno lyâwe, erhi buzigire bwâwe n’okurhahemuka kwâwe kurhuma, bulya eciragâne câwe càbîre ca mwâmi w’izîno.

Izaya 9:7

Nyakasane arhumire Yakôbo akanwa, karhinda kuli Israheli.

Ezekiyeli 12:25

“ebwa kubà niene nie ­Nyamubâho nie nâkaz’iderha. Oku nadesire erhi nanakudesire, kunabè buzira kurhalusa amango; ebwa kubà gali omu mango gâwe, wâni iburha lya abagoma, mwo nanaderhera akanwa nankayunjulize, kwo adesire Nyakasane ­Nyamubâho”».

Ezekiyeli 37:14

Nâmuhiramwo omûka gwâni mushubilama, nanshubimushubiza omu cihugo cinyu, mwânamanya obwo oku nie Nyamubâho, nkudesire, kwo byânabà, kwo adesire Nyakasane Nyamubâho.

Mikeyo 7:20

Oyêreke Yakôbo obudahemuka bwâwe, n’Abrahamu omubêre lukogo lulya wacîgashiraga balarha kurhenga mîra.

Ebijiro 7:47

Salomoni ye wayishir’imuyûbakira enyumpa.

Barom 4:21

bulya àli amanyire buzira karhinda emurhima oku Nyamuzinda agwêrhe obuhashe bw’okuyunjuza eciragâne câge.

Bafilipi 1:6

Nnamanyire oku owarhondêraga ogu mukolo mwinjà muli mwe, aguyûkiriza lwoshi, kuhika Olusiku lwa Kristu Yezu.

Yozwe 21:45

Omu binwa by’obwangà Nyakasane asuhira­ga bene Israheli boshi ntâco cabulikîne: byoshi byanayunjula.