1 Bâm 8:1 - BIBLIYA NTAGATIFU OMU MASHI

¹ Okubundi obwôla mwâmi Salomoni anacishubûliza aha mwâge aha Yeruzalemu abagula ba bene Israheli boshi, abakulu b’amashanja n’abakulu ba ngasi mulala gwa bene Israheli kurhenga halya basôsagya omucîmba gw’amalaganyo oku lwa mwâmi Daudi kuhika ahôla aka-Nyamuzinda kanayûbakagwa.

1 Bâm 8:1 ပူးပေါင်းရင်းမြစ်များ

2 Samweli 6:6

Erhi bahika aha câno ca Nakoni, Uza alambûla okuboko mpu agwârhirizemwo omucîmba gw’amalangayo bulya enkafu zàli zigudwîrhe luhengu.

1 Bâm 2:10

Buzinda Daudi arhamuka haguma na bashakulûza, abishwa omu cishagala ca Daudi.

1 Bâm 3:15

Salomoni asinsimuka ayumva oku bilôrho; ashubira e Yeruzalemu, agend’iyimanga embere ly’omucîmba gw’Amalaganyo, arhûla enterekêro y’omurhûla kandi abâgira ananywêsa abambali boshi.

1 Nganîro 11:7

Daudi ahanda mw’olwo lugerêro luzibuzibu, kwarhuma baluyîrika «Murhundu gwa Daudi».

1 Nganîro 15:25

Daudi, bo n’abagula b’Israheli n’abakulu b’abasirika bâli bajirilonza omucîmba gw’Amalaganyo ga Nyakasane emwa Obedi-Edomu, bâli omu bushagaluke bunene.

1 Nganîro 15:29

Erhi omucîmba guhika omu Murhundu gwa Daudi, Mikala, mwâli wa Saulu, alolera aha kabonezo abona mwâmi Daudi oku ayisha asâma n’omwîshingo. Lêro anacimugayaguza bwenêne omu murhima gwâge.

1 Nganîro 15:3

Daudi ashûbûliza bene-Israheli boshi e Yeruzalemu mpu bagendilêrha Omucîmba gwa Nyamuzinda, lyo guhirwa ahantu àgurheganyîze.

1 Nganîro 28:1

Mwâmi Daudi ashûbûliza abarhambo b’Israheli boshi aha Yeruzalemu: abarhambo bakulu b’emilala, abarhambo b’emirhwe y’abasirika bakolera oku bwâmi, abarhambo b’emirhwe y’engabo z’abasirika b’ecihugo coshi, abimangizi b’ebirugu n’ab’amasò ga mwâmi n’aga bagala ba mwâmi, n’abantu barhonyi b’oku bwâmi, abasirika b’entwâli kulusha na ngasi bantu b’entwâli boshi.

2 Nganîro 30:1

Yezekiyahu anacirhuma entumwa omu Israheli n’omu Yûda mwoshi; arhuma n’amaruba emwa Efrayimu n’emwa Menashè g’okubalâlika mpu bayîshe ebwa ka-Nyamuzinda omu kukuza olusiku lukulu lwa Basâka oku irenge lya Nyamubâho, Nyamuzinda w’Israheli.

Ezra 3:1

Erhi omwêzi gwa kali nda gubà gwamayîsha, n’erhi bene Israheli babà bakola bali omu lugo, olubaga loshi nka muntu muguma lwanacishûbûzanya aha Yeruzalemu.

Ennanga 102:21

Mpu ayumve omulenge gw’abashwêke bujà, analîkûze abatwirirwe okufà.

Ennanga 9:11

We bacîkubagira abayîshi izîno lyâwe, bulya orhalikirira abakulonza, Yâgirwa Nyakasane.

Izaya 28:16

Co cirhumire, ntyâla kwo adesire Nyakasane Nyamuzinda: «Alà oku mpizire omu Siyoni enshangabuye, ibuye-kaboko-ka-nyumpa, lya citwîro cidârhi, ibuye-ciriba; ngasi ocîlikubagire arhankahuligana.

Izaya 46:13

Nâshegeza obushinganyanya bwâni hôfi, burhali kulî, n’obucire bwâni burhalegame. Nâhira obucire bwâni omu Siyoni n’irenge lyâni omu Israheli.

Mibalè 1:4

“Warhabâlwa na mushamuka muguma w’omu ngasi mulala, Olya onali mukulu na cisiki ca bashakulûza wâbo”».

Yozwe 23:2

Yozwè anacihamagala bene Israheli boshi, n’abagula bâbo n’abarhambo bâbo n’abacîranuzi bâbo na ngasi bandi bâli bagwêrhe ecikono anababwîra, erhi: «Niono nkola nshosihîre, nankola nzidohirwe n’e­myâka;

Yozwe 24:1

Yozwè anacihamagala emilala yoshi ya bene Israheli aha Sikemi, ahamagala n’abagula n’abarhambo bâbo n’abacîranuzi bâbo na ngasi ba­ndi banali bagwêrhe ecikono muli bo. Boshi hanaciyisha embere za Nyakasane,

1 Petro 2:6

Bulya kuyandisirwe, mpu: Ka murhabwîni oku mpizire omu Siyoni ibuye-kaboko ka nyumpa, liri lirhôle na lya citwîro cidârhi; na ngasi yêshi wacîlikubagîre arhakabona nshonyi.