1 Bâm 7:39 - BIBLIYA NTAGATIFU OMU MASHI

³⁹ Oku ali azisimisire kw’oku: irhanu olunda lw’ekulyo kw’enyumpa, zindi irhanu olunda lw’ekumosho kw’enyumpa, nalwo olwôgero lwajà ekarhî k’ekulyo n’ebushoshôkero bw’izûba.

1 Bâm 7:39 ပူးပေါင်းရင်းမြစ်များ

1 Bâm 7:38

Atula n’enyongero ikumi za marhale, ngasi lwôgero lwakazâg’ijamwo litri makumi anni, ngasi lwôgero lwàli lugwêrhe buhamu bwa makoro anni, ngasi lwôgero lwakasimikira oku nteberhebe nguma mwa zirya nteberhebe ikumi.

1 Bâm 7:40

Hiramu atula n’enyungu, atula ebyankizo, emidugo n’orhubêhè. Ntyôla kwo Hiramu ayunjuzize obushanja Salomoni ali amuhûnyire boshi omu ka- Nyamuzinda.

2 Nganîro 4:10

Ahira olwôgero ebwa kulyo olunda lw’ebuzûka-zûba olunda lw’emukondwè.

2 Nganîro 4:6

Ajira nnambi ikumi, ahira irhanu ebwa kulyo na zindi irhanu ebwa kumosho, zàli za kukalabira, banakazâg’ishukiramwo n’ebya enterekêro y’ensirîra. Olwôgero lwakazâg’ikolesibwa oku kucîjabika kwa abadâhwa.

2 Nganîro 4:7

Ajira rhumole ikumi rhwa masholo, nk’oku byanali birhegesirwe kuli rhwo, anarhuhira omu ka-Nyamuzinda, rhurhanu arhuhira ekulyo na rhurhanu arhuhira ebwa kumosho.

2 Nganîro 5:1

Gwayunjula ntyôla omukolo Salomoni akazâg’ijira omu nyumpa ya Nyamubâho. Salomoni ayisha adwîrhe ebirugu îshe Daudi arherekêraga Nyamubâho, kuguma n’amarhale, amasholo n’ebirugu byoshi, anacibihira omu nyumpa y’embîko y’aka-Nyamuzinda.