1 Bâm 7:36 - BIBLIYA NTAGATIFU OMU MASHI

³⁶ Oku malanga g’agôla magonyero n’oku bitugikizo kwàli ensalamu za bamalahika, ez’entale, emibo ngasi ciguma n’o­lugero lwâco, n’obushengerere omu marhambi goshi.

1 Bâm 7:36 ပူးပေါင်းရင်းမြစ်များ

1 Bâm 6:29

Ajirisa ebitâke bitâke byakazâg’ibonekana oku ngasi côgo càli omu nyumpa oku mihiro yoshi, omu ndalâlà n’emugongo banajà batâka kwo aha bamalahika, aha amabo nîsi erhi bwâso bushanjusire.

1 Bâm 6:32

Kuli ezôla nyumvi ibirhi z’ogwôla muhango, atâkakwo bamalahika, emibo n’amâso gashanjusire. Kandi ashîgakwo amasholo gàhululira kuli balya bamalahika na kuli erya mibo.

1 Bâm 6:35

bajà batâkakwo bamalahika, emibo n’amâso gashanjusire anayishîga masholo nk’oku ebitâke byanali.

1 Bâm 7:29

Kuli ezôla nambi zalingwîke muli eyôla mirhamba bali bajire batâkakwo aha ntale aha mpanzi na bamalahika; oku mirhamba nako kwo na kuguma; enyanya kuguma n’idako ly’ezôla ntale na bamalahika, yakazâg’inagana obushengerere.

1 Bâm 7:35

Oku nyanya ly’enteberhebe kwàli emburungusè ya buhamu bw’ecihimbi c’ikoro n’oku nyanya ly’enteberhebe kwàli amagonyero n’ebitugikizo byoshi byanacijira kantu kaguma n’enteberhebe.

1 Bâm 7:37

Ntyo kwo ali atuzire ezôla nteberhebe oku zinali; zatulwa kuguma zayumânana zoshi zanashushana zoshi.

Ezekiyeli 10:14

Na ngasi muguma àli agwêrhe malanga anni: amalanga g’omurhanzi gàli malanga ga kerûbi, amalanga gw’owa kabirhi gàli malanga ga muntu, owa kasharhu àli agwêrhe amalanga g’entale n’owa kani àli agwêrhe amalanga g’enyunda.

Ezekiyeli 40:31

Akabadu kâge kali kayêrekîre obululi bw’embuga, banabwigorhe bâge bali batâkekwo emirhanda n’okujà yo kwàli kugera kuli mashonezo munâni.

Ezekiyeli 40:37

Akabadu kâge kàli kayêrekîre obululi gw’embuga, n’emitungo yako yali mitâkekwo emirhanda, hali na mashonezo munâni g’okusôkera yo.