1 Bâm 7:29 - BIBLIYA NTAGATIFU OMU MASHI

²⁹ Kuli ezôla nambi zalingwîke muli eyôla mirhamba bali bajire batâkakwo aha ntale aha mpanzi na bamalahika; oku mirhamba nako kwo na kuguma; enyanya kuguma n’idako ly’ezôla ntale na bamalahika, yakazâg’inagana obushengerere.

1 Bâm 7:29 ပူးပေါင်းရင်းမြစ်များ

Murhondêro 3:24

Ahimva omuntu anahira bakerubini n’engulumira y’engôrho yalaza ebushoshôkero bw’ishwa ly’amasîma, lyo balanga enjira ejà ebwa murhi gw’obuzîne (lyo bahagalika omuntu arhahume oku murhi gw’obuzîne).

1 Bâm 6:27

Salomoni anacihira balya bamalahika oku bali babirhi omu nyumpa y’omu ndalâlà, cûbi ca muguma cahuma kuli cirhebo ciguma, ecûbi c’owundi malahika cahuma oku cindi n’ebindi byûbi byayerekerana omwôla ndalâlà y’enyumpa.

1 Bâm 7:25

Ecôla ciyanja càli cisimikire kuli mpanzi ikumi n’ibirhi, mulizo isharhu zayêrekera olunda lw’ebushoshôkero bw’izûba, zindi isharhu ebuzika-zûba, zindi isharhu ebwa kulyo n’isharhu ekumosho; ecôla ciyanja càli enyanya zâzo n’amahiji gâzo gayerekera omu ndalâlà.

1 Bâm 7:28

Alaga oku ezôla nteberhebe zàli zikozirwe: zàli za nambi n’ezôla nambi zàli zigwîsirwe omu mirhamba ibirhi.

1 Bâm 7:30

Ngasi nambi yali e gwêrhe mizizi ini ya marhale n’emirhamba y’amarhale kuguma n’oku magulu gâzo anni nako kwàli ebitugikizo, ebyo bitugikizo byàli idako ly’ecidêkêra n’olundi lunda lw’obushengerere.

Lubungo 25:18

“Ojire bakerubi babirhi ba masholo; obatulire oku marhambi gombi gw’ogwo mufuniko”.

Lubungo 37:7

Ajira ba-kerubi babirhi ba masholo, abatulira oku marhambi gombi g’omufûniko.

Ezekiyeli 1:10

Enshusho y’amalanga yazo yali nshusho y’amalanga ga muntu. Zoshi oku ziri ini zàli zigwêrhe amalanga gali nka ga ntale, ebwa kulyo; zoshi oku ziri ini zàli zigwêrhe amalanga gali nka ga mpanzi, ebwa kumosho; zoshi oku ziri ini zàli zigwêrhe amalanga gali nka ga nyunda.

Ezekiyeli 10:14

Na ngasi muguma àli agwêrhe malanga anni: amalanga g’omurhanzi gàli malanga ga kerûbi, amalanga gw’owa kabirhi gàli malanga ga muntu, owa kasharhu àli agwêrhe amalanga g’entale n’owa kani àli agwêrhe amalanga g’enyunda.

Hozeya 5:14

Bulya nâbà ntale kuli Efrayimu, mwâna wa ntale oku nyumpa ya Yûda, niono, kudârhula nadârhula, nnancîgendere, mpêke n’omunyama gwâni, na ntâye wagunyaga.

Bahabraniya 9:5

N’oku nyanya kwagwo kwàli Bakerubi b’irenge bàkâg’ijira entebe y’obwonjo empehema. Ci arhali buno lyo rhwankazâbanula ebyo byoshi.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

Mafulûlo 5:5

Okubundi muguma muli ba­lya Bagula anacimbwîra, erhi: «Orhalake: alà oku Entale y’omu mulala gwa Yûda, Mwene-Daudi, yahimire; ye wabungûla ecitabu, n’orhuhamikizo rhwâco oku rhunali nda arhuhamûle».