1 Bâm 7:26 - BIBLIYA NTAGATIFU OMU MASHI

²⁶ Oburhunu bwâco bwàli nka mubo n’omuhiro nka muhiro gwa kabehe, kwàli na ensalamu eri nka bwâso bwa lisi. Lwankajiremwo litri bihumbi bibirhi.

1 Bâm 7:26 ပူးပေါင်းရင်းမြစ်များ

1 Bâm 6:18

Empaho z’e mirhi y’enduluma zàli omu ndalâlà, zàli zijîre zabinjûlwakwo ebizingebizinge n’ebiri nka bwâso bushanjusire, omwôla ndalâlà zàli mpaho za «sedre» zonène murhankabonesire ibuye.

1 Bâm 6:32

Kuli ezôla nyumvi ibirhi z’ogwôla muhango, atâkakwo bamalahika, emibo n’amâso gashanjusire. Kandi ashîgakwo amasholo gàhululira kuli balya bamalahika na kuli erya mibo.

1 Bâm 6:35

bajà batâkakwo bamalahika, emibo n’amâso gashanjusire anayishîga masholo nk’oku ebitâke byanali.

1 Bâm 7:19

Ensirha zàli oku nyanya ly’eminâra yali omu c’olusò, zalikwo ensalamu ziri nka lisi, zàli za makoro anni.

1 Bâm 7:25

Ecôla ciyanja càli cisimikire kuli mpanzi ikumi n’ibirhi, mulizo isharhu zayêrekera olunda lw’ebushoshôkero bw’izûba, zindi isharhu ebuzika-zûba, zindi isharhu ebwa kulyo n’isharhu ekumosho; ecôla ciyanja càli enyanya zâzo n’amahiji gâzo gayerekera omu ndalâlà.

1 Bâm 7:27

Ahirakwo enteberhebe ikumi z’amarhale. Ngasi nguma yali egwêrhe makoro anni ga bulîrî na makoro anni ga bugali kandi na makoro asharhu ga burherema.

1 Bâm 7:38

Atula n’enyongero ikumi za marhale, ngasi lwôgero lwakazâg’ijamwo litri makumi anni, ngasi lwôgero lwàli lugwêrhe buhamu bwa makoro anni, ngasi lwôgero lwakasimikira oku nteberhebe nguma mwa zirya nteberhebe ikumi.

2 Nganîro 4:5

Oburhunu bwâge bwàli nka mbale n’omuhiro gwâge gwàli gutâsirwe n’ebishanjûsire nka bwâso bwa lisi, lwakazâgija mwo bantu bihumbi bisharhu.

Lubungo 25:25

Okwo muhiro, obinjûlekwo emikororonzi ya bugali bwa cihimbi c’ikoro, onazunguluse emikororonzi y’amasholo.

Yeremiya 52:21

Olwiganyo: eyo mitungo ngasi muguma gwàli gwa bulî bwa makoro mwenda, kwankana­ kwânîne mugozi gwa bulî bwa makoro ndarhu oku kuguzunguluka, eyo mitu­ngo yali ya mûlulu, obunene bw’eciguno c’ecûma câyo bwàli bwa minwe munâni.

Ezekiyeli 45:11

Eefa n’ebati ebyakaz’ijamwo bibè bikwânîne, kulya kwanarhuma e efa ekaz’ijamwo ecihimbi ca kali ikumi ca ehomeri na ebati nayo ebè cihimbi ca kali ikumi c’ehomeri; ebyakaz’ijamwo bikaz’igererwa oku homeri.

Ezekiyeli 45:14

Irhegeko oku mavurha: Cihimbi ciguma ca kali ikumi c’ebati ihembe liguma, ciyumânane n’ehomeri y’ebati ikumi bulya ehomeri nguma zibà bati ikumi.