1 Bâm 7:15 - BIBLIYA NTAGATIFU OMU MASHI

¹⁵ Anacitula mirhamba ibirhi ya marhale; ngasi muguma gwàli gwa makoro ikumi na munâni, omu kuguzongoloka gwàli gwa makoro ikumi n’abirhi; gwàli gwa murhule n’amarhambi gâgwo ga minwe ini; kwo omunâra gwa kabirhi gwàli ntyôla.

1 Bâm 7:15 ပူးပေါင်းရင်းမြစ်များ

1 Bâm 7:16

Atula nsirha ibirhi za marhale, zàli za kujà oku irhwêrhwè ly’eminâra; oburherema bwa ngasi nsirha bwàli bwa makoro arhanu n’eyindi nayo yali ya makoro arhanu.

1 Bâm 7:21

Agwîka eminâra oku c’olusò lw’aka-Nyamuzinda. Agwîka omunâra gw’ekulyo aguyîrika izîno lya Yakini; agwîka omunâra gw’ekumosho aguyîrika Boazi.

1 Bâm 7:41

kwo kuderha erya minâra ibirhi; zirya nsirha ibirhi zakazâg’i bwikira amarhwerhwe g’eyôla minâra yombi, zirya nshangi ibirhi z’okubwîkira ezôla nsirha,

2 Bâm 25:13

Abôla banya-Kaldeya bavunanga eminâra y’omulinga yabaga omu ka­ Nyamuzinda, n’enyôgero n’eciyanja byàbâga omu ka-Nyamuzinda banacihêka ogôla mulinga goshi e Babiloni.

1 Nganîro 18:8

Omu bishagala by’e Tibati n’e Kuni byàli omu burhegesi bwa Hadadezeri, Daudi akulamwo ennundo y’omulinga nyinji bwenêne: buzinda ogwo mulinga gwo Salomoni ayishirikolêsa omu kutulisa omukenzi munene gw’okukalabiramwo, atulisamo n’erya mitungo n’ebindi birugu by’omulinga by’omu ka-Nyamuzinda.

Yeremiya 27:19

“Bulyâla kwo adesire ntya Nyakasane oku biyêrekîre (emitungo, enyanja, eciriba) n’ebindi birugu byasigîre mw’olu lugo”,

Yeremiya 52:13

Aka-Nyamuzinda akahà muliro, enyumpa z’oku bwâmi n’e­ nyumpa z’e Yeruzalemu zoshi àzidûlika muliro.

Yeremiya 52:17

Abakaldeya bàjonjaga emitungo y’omulinga yali aha lusò lw’aka-Nyamuzinda, haguma n’engâlè n’omukenzi munene byàli omu karhî k’engo. Bahêka ogwo mulinga goshi e Babiloni.

Yeremiya 52:21

Olwiganyo: eyo mitungo ngasi muguma gwàli gwa bulî bwa makoro mwenda, kwankana­ kwânîne mugozi gwa bulî bwa makoro ndarhu oku kuguzunguluka, eyo mitu­ngo yali ya mûlulu, obunene bw’eciguno c’ecûma câyo bwàli bwa minwe munâni.

Ezekiyeli 40:49

Obulî bw’akabadu bwàli bwa makano makumi abirhi n’obugali bwàli bwa makano ikumi na liguma; okusôkera yo kwàli kugera oku mashonezo; hali n’enkingi aha burhambi bw’emitungo, nkingi nguma lunda luguma n’eyindi olundi lunda.