1 Bâm 6:29 - BIBLIYA NTAGATIFU OMU MASHI

²⁹ Ajirisa ebitâke bitâke byakazâg’ibonekana oku ngasi côgo càli omu nyumpa oku mihiro yoshi, omu ndalâlà n’emugongo banajà batâka kwo aha bamalahika, aha amabo nîsi erhi bwâso bushanjusire.

1 Bâm 6:29 ပူးပေါင်းရင်းမြစ်များ

1 Bâm 6:18

Empaho z’e mirhi y’enduluma zàli omu ndalâlà, zàli zijîre zabinjûlwakwo ebizingebizinge n’ebiri nka bwâso bushanjusire, omwôla ndalâlà zàli mpaho za «sedre» zonène murhankabonesire ibuye.

1 Bâm 6:28

Abôla ba malahika nabo Salomoni abashîga amasholo.

1 Bâm 6:30

Omu bululi bw’eyôla nyumpa ashîgamwo amasholo omu ndalâlà n’emugongo.

1 Bâm 6:32

Kuli ezôla nyumvi ibirhi z’ogwôla muhango, atâkakwo bamalahika, emibo n’amâso gashanjusire. Kandi ashîgakwo amasholo gàhululira kuli balya bamalahika na kuli erya mibo.

2 Nganîro 3:14

Salomoni ajira omwenda gwa akaduku ka omukara, akaduku kône n’akaduku k’omukara n’ecitâni ciniole, ahirakwo na bakerubi.

2 Nganîro 3:7

Enyumpa ayishîga masholo, kuguma n’emirhamba n’eby’olusò, enkûta n’emihango, atulîsa na bakerubini, bajà oku nkuta.

Ennanga 103:20

Mukuze Nyakasane mwe bamalahika bâge mweshi, mwe ntwâli zâge, mwe mujir’akanwa kâge, mwe muyumva izù lyâge mumukuze.

Ennanga 148:2

Mweshi Bamalahika bâge mumukuze, ninyu mweshi mirhwe yâge mumukuze.

Ennanga 74:6

Enyumvi z’olurhambâ lwâwe, bàziyûsize bazivunanga n’embasha n’enyundo.

Lubungo 26:1

«Endâro oyijire ya birhebo ikumi, obijire bya citâni ciniole n’emyenda y’akaduku k’omukara, ey’akaduku k’akalinga, ey’akalinga kêru ohirekwo ba-kerubimi bakozirwe n’obulenga.

Lubungo 36:8

Abalenga kulusha omu bakozi bajira Endâro: birhebo ikumi bya citâni ciniole, bya kaduku k’omukara, bya kaduku k’akalinga n’akaduku kêru, bajira na ba-kerubimi bàkolagwa n’obulenga.

Ezekiyeli 40:16

Kwàli orhubonezo rhw’akayungiro oku byûmpa n’oku nkingi, omu kabadu n’omu mbaraza; orhwo rhubonezo rhwàli rhuzonzire enyumpa yoshi, n’ezo nkingi z’amabuye zàli­mwo emirhanda.

Ezekiyeli 41:18

hwo bakazâgitâka ba kerûbini n’emirhanda: murhanda muguma ekarhî ka bakerûbini babirhi; ngasi kerûbini ali agwêrhe malanga abirhi:

Befezi 3:10

Obwo bushinganyanya bwa Nyamuzinda burhajira oku bwankagerwa, ciru n’Amâmi n’Amahashe g’omu mpingu, erhi gabona Ekleziya lyo gabumanyire.

Mafulûlo 7:9

Enyuma ly’okwo, nabona ehitù hy’abantu barhankaganjwa: bâli ba ngasi cihugo, ba ngasi bûko, na ngasi ishanja, na ba ngasi lulimi luderhwa. Erhi bayimanzire embere ly’entebe y’Omwâna-buzi, banayambîrhe emyambalo myêru, banafumbasire amashami g’emishugushugu omu nfune.