1 Bâm 6:16 - BIBLIYA NTAGATIFU OMU MASHI

¹⁶ Kuli makoro makumi abirhi g’eyôla nyumpa omu ndalâlà, Salomoni ahirakwo empaho z’eyo mirhi y’enduluma kurhenga okw’idaho kujà enyanya oku mirhamba, habà ho hantu h’okurhînywa bwenêne, ho hatagatîfu ha ahatagatîfu.

1 Bâm 6:16 ပူးပေါင်းရင်းမြစ်များ

1 Bâm 6:17

Enyumpa kwo kuderha akaligi ka-Nyamuzinda konênè, kali ka makoro makumi anni omu ndalâlà.

1 Bâm 6:5

Omu marhambi g’aka-Nyamuzinda ayûbakamwo entalarhala ziri nka nyumpa oku côgo c’enyumpa, omu marhambi g’aka-Nyamuzinda kwônene n’omu marhambi g’ahatagatîfu bwenêne, ayûshûla n’ezindi nyumpa omwôla marhambi mwoshi.

1 Bâm 7:7

Ayûbaka olulenga aha ntebe yâge y’obwâmi emunda bakazâg’itwîra emmanja, mwo muderhwa «omu k’emmanja», koshi akayûbaka n’esedre zonène kurhenga oku idaho kuj’enyanya.

1 Bâm 8:6

Abadâhwa banacihêka gulya mucîmba gw’amalaganyo omu cirhînyiro c’aka-Nyamuzinda halya gwanali gukwânîne okubêra omu hatagatîfu hakulu bwenêne, idako ly’ebyûbi bya bamalahika.

2 Nganîro 3:8

Ayûbaka enyumpa y’Ahatagatîfu h’ahatagatîfu, obulî bwâyo kwo bwàli nka obugali bw’enyumpa, bwàli bwa makano makumi abirhi n’obugali bwàli bwa makano makumi abirhi; ayishîga amasholo gacesibwe bwinjinjà, obuzirho bwâgo bwàli bwa talenta magana gali ndarhu,

Lubungo 26:23

“ojire mitûngo ibirhi ebuzinda bw’Endâro, oku kafende-fende”.

Ezekiyeli 41:4

Anacigera obulî bw’ecumpa, bwàli bwa makano makumi abirhi, n’obugali bwâco bwàli bwa makano makumi abirhi omwôla ndalâlà y’aka-Nyamuzinda, anacimbwîra, erhi: Ahôla ho Hatagatîfu ha Ahatagatîfu.

Ezekiyeli 45:3

Kuli ahôla hantu wamâpîma, wanashubipîmakwo bulî bwa makano bihumbi makumi abirhi na bugali bwa bihumbi ikumi, ahôla hwo habêra ecirhînyiro, ha­ntu hatagatîfu bwenêne.

Ben Levi 16:2

Nyakasane abwîra Mûsa, erhi: Oj’ibwîra mwene winyu Aroni amanye arhakazâg’ijà ngasi mango omu hantu himâna, omu ndalâlà y’ecisîka, embere ly’entebe y’amonjo eri enyanya ly’ecirhimbiri c’amalaganyo, alek’ifà bulya mbonekana omu citù kuli eyo ntebe y’amonjo.

Bahabraniya 9:3

N’e­nyuma ly’olusîka lwa kabiri hàli ecihando càderhagwa Hatagatîfu h’Ebitagatîfu.