1 Bâm 5:7 - BIBLIYA NTAGATIFU OMU MASHI

⁷ Abarhonyi bakâg’ishîbirira mwâmi haguma n’abayôrhaga balalikwa okulya haguma na mwâmi. Abarhambo bakâg’ishêgula ebiryo, ngasi muguma agwêrhe ogwâge mwêzi, ntà mango akantu kabulikîne.

1 Bâm 5:7 ပူးပေါင်းရင်းမြစ်များ

Murhondêro 33:5

Erhi alîka amasù n’erhi abona abakazi n’abâna, adôsa, erhi: «Bantu baci ogwêrhe hala?» Yakôbo ashuza, erhi: «Bo bâna Nyamuzinda àshobôzize mwambali wâwe abo».

1 Bâm 1:48

“Ciru na mwâmi yêne anadesire erhi: Ayâgirwe Nyamubâho Nyamuzinda w’Israheli, ye wampaga ene omuntu w’omu iburha lyâni mpu ajè oku ntebe yâni, na nâni niene namanamubona n’amasù ganî”»

1 Bâm 10:9

“Ayâgirwe Nyamubâho Nyamuzinda wâwe, ye wasîmaga okukubwârhaza oku ntebe y’Israheli mpu ly’akuzibwa. Kurhonya ayôrhaga arhonya Israheli, kwo kwarhumire akuyîmika mwâmi mpu orhegeke omu bwîrhonzi n’omu bushinganyanya”».

1 Bâm 3:9

Oshobôze mwambali wâwe abè murhimanya, amanyirhegeka olubaga lwâwe luli ntya, amanyirire aminjà n’amabî.»

1 Bâm 4:7

Salomoni ali agwêrhe barhambo ikumi na babirhi omu cihugo coshi c’Israheli, bo bakâg’ilêrha ebiryo bilibwa aha bwâmi; ngasi muguma agwêrhe ogwâge mwêzi g’okurhûla.

1 Bâm 5:6

Salomoni ali agwêrhe masô bihumbi bini bya biterusi bya kukabulula engâlè zâge na biterusi bihumbi ikumi na bibirhi bya kuhêka abantu.

1 Bâm 5:8

Ebyâsi n’obukere bw’okulîsa ebiterusi na ngasi bishwêkwa, bo babilerhaga, ngasi muguma ahêke aha anabwizirwe. Oburhimanya bwa Salomoni.

Ennanga 137:6

Nêci olulimi lwâni, waliha Yeruzalemu, luyûmire ebiraka, aha nankakuyîbagira nîsi erhi aha nankabula kuderha oku we murhanzi omu bansimîsa.

Migani 10:1

Migani ya Salomoni. Omwâna murhimanya ye mushagalusa w’îshe. Omwâna musirhe burhè anajira nnina.

Migani 13:1

Omwâna mwenge asîma bamubwîrize, oshekasheka arhûmva amango bamâmukalihira.

Migani 15:20

Omwâna murhimanya ye mushagalusa w’îshe, muhwinja ogaya nnina.

Migani 23:24

Okubâ îshe w’omushinganyanya: kulya ntânda; okubâ îshe w’omurhimanya: busîme bunji.

Izaya 8:18

Niono n’abâna Nyakasane ampâga, rhuli bimanyîso na birhangâzo omu Israheli, byarhenga emwa Nyakasane Nyamuzinda w’Emirhwe ojira e­ndâro yâge oku ntondo ya Siyoni.

Izaya 9:6

Oburhegesi bwâge bwagandâza n’omurhûla gurhakaciyûrha oku ntebe y’obwâmi bwa Daudi n’omu bwâmi bwâge. Obwâmi bwâge bwayîmangira bunasimikire oku bushinganyanya n’obwimâna kurhenga bunôla kuhika ensiku n’amango. Buzigire bwa Nyakasane Nyamuzinda w’Emirhwe bwâkola ebyôla.