1 Bâm 3:9 - BIBLIYA NTAGATIFU OMU MASHI

⁹ Oshobôze mwambali wâwe abè murhimanya, amanyirhegeka olubaga lwâwe luli ntya, amanyirire aminjà n’amabî.»

1 Bâm 3:9 ပူးပေါင်းရင်းမြစ်များ

2 Samweli 14:17

“Mwambalikazi wâwe anaciderha, erhi: Akanwa ka nnakuno kandêrhere nâni mâshi omurhûla bulya Yâgirwa, mwâmi kw’ali nka malahika wa Lungwè: oyumva aminjà n’amabî. Nyamubâho Nyamuzinda wâwe abè haguma nâwe.”»

1 Bâm 10:24

Igulu lyoshi lyakag’ilonza okuyankirirwa na Salomoni n’okuyumva obwîrhonzi Nyakasane ahiraga omu murhima gwâge.

1 Bâm 3:10

Ebyo Salomoni ashengaga byasîmîsa Nyamubâho.

1 Bâm 3:28

Omw’Israheli, boshi bamanya oku mwâmi Salomoni atwaga olwo lubanja, bakenga mwâmi, bulya bamâbona oku obushinganyanya n’obucîranuzi bwâge emwa Nyamuzinda burhenga.

1 Nganîro 22:12

Akuhè obukengêre n’obumanye, hano akuhà okurhegeka Israheli lyo ohashishimba amarhegeko gâge.

1 Nganîro 29:19

Naye mugala wâni Salomoni, omushobòze omurhima mwîrhôhye oku kushimba amarhegeko gâwe, amalaganyo gâwe n’amahano gâwe, n’okubikirira bwinjà, anakuyûbakire eci rhînyiro càrhumaga narheganya ebi byoshi.»

2 Nganîro 1:10

Onshobôze yâgirwa oburhimanya n’obumanye, lyo mbona oku nayôrha embere z’olubaga lwâwe. Bulya ndigi obwîne wankahash’irhegeka yêne olubaga lunji ntyâla?»

Ennanga 119:144

Obushinganyanya bw’amarhegeko gâwe bubà bw’ensiku n’amango, onyigîrize mbone akalamo.

Ennanga 119:34

Onyigîrize nshimbe irhegeko lyâwe, ndilange n’omurhima gwoshi.

Ennanga 119:73

Maboko gâwe gàmbumbaga ganambinja, onyigîrizagye, mmanye amarhegeko gâwe.

Migani 14:8

Oku muntu mwenge, okucîlanga-langa buli burhimanya, ci isirhe ly’abahwinja kunali kurhebana kwône.

Migani 16:16

Aha omuntu ankarhôla amasholo ankarhôla oburhimanya, n’aha omuntu ankabona amarhale ankabona obwîrhonzi.

Migani 20:12

Okurhwiri kuyumva, n’isù libona, byombi Nyakasane wabijiraga.

Muhanûzi 7:11

Oburhimanya kwo buyinjiha nka kashambala, abâli hanôla igulu bwo bukwânana.

Muhanûzi 7:19

Oburhimanya bunahè omurhimanya emisî elushire eya barhambo ikumi omu lugo luguma.

Yeremiya 1:6

Naderha obwo, nti: «Aa, Yâgirwa Nyakasane, lolà, oku ntishiderha, ndi mwâna!»

Yeremiya 45:5

Nâwe odwîrhage wahûna mpu bakuhè byâwe-byâwe. Orhahûne, bulyâla, sinza: buhanya nalêrhera ngasi mubiri, Nyakasane okudesire. Na nâwe, omunyago nkuhîre, bunali obuzîne bwâwe, ngasi aha wakanaja».

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Mateyo 3:11

“Niehe ndwîrhe nammubatiza n’amîshi, nti lyo mucîyunjuza. Ci kwônene owâyisha enyuma zâni andushire, ntakwânîni okumushwêkûla enkwêrho: ye wâmmubatize muli Mûka Mutagatîfu n’omu Muliro”.

Mateyo 3:14

Obwo Yowane amuhanza, anamubwîra, erhi: «We wankambatizize, kurhi wayishirage emwâni!»

Yowane 5:30

“Oku bwâni, ntâco nankahash’ijira niene”. “Olunyumvîrhe lwo ntwa; n’akanwa kâni kashingânîne, bulya ntajira oku nnonzize, ci oku owa­ntumaga alonzize”.

2 Bakorinti 2:16

Kuli baguma rhuli kasûnunu ka lufù kahêka ebwa lufù, oku bandi rhuli kasûnunu ka buzîne kahisa oku buzîne. Omukolo mutyo ndi wankaguhasha?

2 Bakorinti 3:5

Arhali kuderha mpu oku bwîrhu rhugwêrhe buhashe bwa kuderha mpu kantu kalebe kali kuli rhwe. Nanga! obuhashe bwîrhu kuli Nyamuzinda burhenga.

Befezi 5:17

Kuziga murhabâga bahalanjisi, ci mucîsêze okumanya cici Nyakasane alonza.

Bafilipi 1:10

lyo mukaz’ibona ebiri binjà kulusha, na ntyo mubè bacêse na bêru-kwêru kuhika Olusiku lwa Kristu,

Bahabraniya 5:14

Abimâna bôhe, ebiryo byâbo bibà biryo bizibu, balya bàkomerîze obwenge bwâbo okumanyîrira ecinjà n’ecibî.

Yakôbo 1:5

Obuzire obushinganyanya muli mwe, abushenge Nnâmahanga, oshobôza boshi burhagera na buzira karhinda; abuhâbwa.

Yakôbo 3:17

Obushinyanya bw’enyanya bwôhe, burhanzi bubà bucêse kandi bubà bwa murhûla, bubà bwa lukogo, butûla, buyunjwîre bwonjo n’emburho nyinjà, burhajira kabôlo, burhanalyâliha.