1 Bâm 22:39 - BIBLIYA NTAGATIFU OMU MASHI

³⁹ Ngasi bindi biyêrekîre ebijiro by’Ahabu, ebi akozire, enyumpa y’ihembe ayûbakaga, emirundu ayûbasire k’ebyôla byoshi birhali biyandike omu citabu c’Empiriri z’abâmi b’Israheli.

1 Bâm 22:39 ပူးပေါင်းရင်းမြစ်များ

1 Bâm 10:18

Mwâmi anacibinja entebe nnene y’obwâmi y’ihembe, anayishîga amasholo gône gône.

1 Bâm 10:22

Nêci mwâmi ali agwêrhe amârho e Tarsisi haguma n’amârho ga Hiramu na ngasi myâka isharhu agôla mârho g’e Tarsisi gakazâg’iyisha gadwîrhe amasholo, amarhale, amahembe, encima n’enduku.

1 Bâm 14:19

Ngasi kundi kusigîre oku myanzi ya Yerobwâmi, oku alwaga amatumu, oku ayîmaga, kwoshi okwôla ka kurhali kuyandike omu citabu c’Empiriri z’abâmi b’Israheli.

1 Bâm 15:23

Ebisigîre by’ebijiro bya Asa oku ajaga ahimana koshi, oku ajizire koshi, n’ebishagala ayûbasire, k’ebyôla byoshi birhali biyandike omu citabu c’E mpiriri z’abâmi b’e Yûda? Ci konene, omu bushosi bwâge, endwâla yamugwârhira omu magulu.

1 Bâm 15:31

Ebisigîre by’ebijiro bya Nadabu n’oku ajizire kwoshi, okwôla ka kurhali kuyandike omu citabu c’Empiriri z’abâmi b’Israheli?

1 Bâm 16:20

Ebindi byoshi biyêrekîre akalamo ka Zimuri n’obugoma bwâge biri byandike omu citabu c’Empiriri z’abâmi b’Israheli.

1 Bâm 16:27

Ebindi byoshi biyêrekîre akalamo ka Omuri, ebijiro byâge n’entambala alwîre, biri byandike omu citabu c’Empiriri z’abâmi b’Israheli.

1 Bâm 16:5

Ebindi byoshi biyêrekîre Basha n’ebijiro byâge, entambala alwîre, ka birhali biyandike omu citabu c’Empiriri z’abâmi b’Israheli?

1 Bâm 22:40

Ahabu acîhengeka aha burhambi bwa b’îshe n’omugala Akhaziyasi ayîma ahâli hâge.

2 Bâm 1:18

Ebisigîre oku bijiro bya Akhaziyasi, oku ajiraga, okwôla ka kurhali kuyandike omu citabu c’Empiriri z’abâmi b’omu Israheli?

2 Bâm 15:15

Ebisigîre oku bijiro bya Shalumu, na okwôla agomaga, lâba oku okwôla kuli kuyandike omu citabu c’Empiriri z’Abâmi b’e Israheli.

Ennanga 45:8

Orhahimwa kurhonya obushinganyanya, orhanakwîrirwa bulyâlya, Nyamuzinda wâwe akushîga amavurha g’enshagali wêne omu binyu.

Ezekiyeli 27:15

Bene Dedani bakazâgiyishirhimbulira emwâwe; bantu banji b’oku burhambi bw’enyanja bakazâgiyishigulira e­mwâwe; bakazikujuha amahembe g’enjavu n’embaho nyirubala.

Ezekiyeli 27:6

Bakujirira engasi n’emirhi minênênè y’e Bashani. Bakuyûbakira irheme ly’ihembe ly’enjavu lishomeke ekarhî k’emiyerezi y’omu bizimba bw’e Kitimi.

Amosi 3:15

“Nâshâba enyumpa z’empondo n’ez’ecanda; enyumpa z’amahembe g’e­njavu zahôngoka, na nyumpa nyinji ziherêrekere, kwo Nyakasane adesire”».

Amosi 6:4

Muvâmire bwinjinjà, mudwîrhe mwalya abâna-buzi b’obusò, amanina mwayankaga omu maruli.