1 Bâm 22:27 - BIBLIYA NTAGATIFU OMU MASHI

²⁷ “Ogend’iderha erhi: Mwâmi adesire ntyâla: Muhire oyûla muntu omu mpamikwa, munakaz’imulîsa n’omugati gw’amalibûko, munakaz’imunywesa n’amîshi g’amalibûko kuhika amango nâshubûka n’omurhûla.”»

1 Bâm 22:27 ပူးပေါင်းရင်းမြစ်များ

1 Bâm 13:4

Erhi mwâmi ayumva akôla kanwa omuntu wa Nyakasane akazâg’ihamagaliza oluhêro lw’e Beteli, alambûla okuboko al’idekerize oku luhêro, anaciderha erhi: «Gwârhi ye!» Kulya kuboko amulambuliraga kwanaciyuma, ciru arhacihashaga okukushubiza emunda ali.

1 Bâm 22:26

Omwâmi w’Israheli anaciderha erhi: «Mugwârhe Mikeyo mumuhêkere Amoni, ye murhambo w’olugo, n’emwa Yoash mugala wa mwâmi.

2 Nganîro 16:10

Asa akunirira olya mulêbi, amuhira omu mpamikwa ebwa kubà ali agwêrhe oburhè bunene kuli ye erhi ebyôla binwa byâge birhuma. Na muli agôla mango Asa arhindibuza bantu baguma omu lubaga.

Ennanga 102:9

Abashombanyi bâni badwîrhe balegerera banjâcira, nie basirahiragekwo n’izîno lyâni lyo badwîrhe bashârhamwo

Ennanga 127:2

Busha mwarhamira mpu mwazûka sêzisêzi burhacica, mpu murhajigwîshira duba, mpu murhalya ehi murharhamiri, kàli anashobôze abarhonyi bâge banali îrò!

Ennanga 80:5

Nnâmahanga w’emirhwe mangaci waleka okubêyûla, n’olubaga lwâwe ludwîrhe lwakushenga?

Izaya 30:20

Omu ntanya, Nyakasane ammuha omugati, n’omu malibuko, ammuha amîshi. Omuyigîriza wâwe arhakacicîfulika bundi, n’amasù gâwe gakola gakabona Omuyigîriza wâwe.

Yeremiya 20:2

Pashehuru ashûrha omulêbi Yeremiyahu, okubundi amuhira omu mpamikwa aha muhango mulî gwa Benyamini, gulya guyirukîre omu ka-Nyamuzinda.

Yeremiya 29:26

“Mpu Nyamubâho akuyimanzize mpu obè mudâhwa ahâli h’omudâhwa Yehoyada, mpu olange omurhûla omu ka-Nyamuzinda, olole ngasi musirhe wakaderha mpu acîhira omu by’obulêbi; onamuhire omu mugozi n’omu mpamikwa”.

Yeremiya 36:23

Erhi Yehudi ayûsagya asoma nka milongo isharhu erhi ini, mwâmi anayitwe n’akêre k’omwandisi, ayikwêbe omu muliro oku cîko, akazijira ntyo kuhika cirya citabu coshi casingônoka.

Yeremiya 37:15

Nabo bakalihira Yeremiyahu bwenêne bamushûrha banamuhira omu mpamikwa omu mw’omwandisi Yehonatani, banamuyîgaliramwo.

Yeremiya 38:6

Bagwârha Yeremiyahu obwo, bamukwêba omu cîna ca Malkiyahu, cabâga omu ngo y’abalâlîzi. Bamuyandagaza n’emigozi. Eco cîna cirhalimwo mîshi ci bijondo byône. Yeremiyahu abishâyamwo.

Luka 3:20

ayûshûla obundi bubî oku gandi goshi: anaciheba Yowane omu mpamikwa.

Ebijiro 26:10

Nnanakujira ciru e Yeruzalemu, niene nakwêba bemêzi banji omu mpamikwa, erhi ngwêrhe obuyêmêre bw’abajinji b’abadâhwa, n’erhi bandôsagya mpu ka babayîrhe, nakâyêmêra.

Ebijiro 5:18

Banacigwârha Entumwa, bazihira omu mpamikwa y’abantu boshi.

Befezi 3:1

Co irhumire, nie ono Paolo, ndi mushwêke wa Kristu Yezu mwe bapagani murhumire.

Lushika 16:3

Eyo mbâgwa orhayirire mugati gulimwo engezo. Nsiku nda zoshi erhi eyo mbâgwa wayirîra omugati gurhalimwo ngezo, mugati gwa buligo, bulyâlya bwake-bwake warhengaga e Mîsiri.

Bahabraniya 11:36

abandi bàlembîre amasheka n’eminyuli, ciru n’omugozi n’empamikwa.

Mafulûlo 2:10

Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne».