1 Bâm 21:2 - BIBLIYA NTAGATIFU OMU MASHI

² Ahabu anacibwîra Naboti erhi: «Ompè olukoma lwâwe, nahingamwo enshogo bulya luyêgire enyumpa yâni, naluhinganula n’olwinja kulusha, n’akabà olonzize, nakuhà, erhi kwo, ensaranga lunakwânîne.»

1 Bâm 21:2 ပူးပေါင်းရင်းမြစ်များ

Murhondêro 16:6

Abramu abwîra Sarayi, erhi: «Omujà-kazi wâwe omu maboko gâwe anali, wêne omujirire oku onasîmire». Obwo Sarayi akaz’ilibuza owâbo kuhika owâbo amuyâka.

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

1 Bâm 21:3

Naboti anacishuza mwâmi, erhi: «Nanga! Nyakasane ananyîrha erhi nakahâna akashambala k’ababusi bâni.»

1 Bâm 21:6

Anacimushuza, erhi: «Nashambalaga na Naboti w’e Yizreeli, namamubwîra nti: “Ompè olu lukoma lwâwe lw’emizâbîbu nkugulire lwo, n’akabà kwo osîmire, rhukâbanwe nkuhè olundi lukoma lw’emizâbîbu”. Ci yêhe amâderha, erhi: “Ntankakuha olukoma lwâni lw’emizâbîbu.”»

2 Bâm 9:27

Akhaziyasi erhi abona kulya ayâka, agerera omu njira ya Beti-Hagani. Yehu anacimushimba aderha erhi: «Naye kwo na kuguma»! Bamutumirhira omu ngâlè yâge oku murhezi gwa Guri hôfi na Yibleyamu. Ayâkira e Megido anafirayo.

Lubungo 20:17

Orhahîraga okacifìnja mukà mulungu wâwe, nîsi erhi mwambali wâge kandi erhi mwambalikazi wâge, erhi nkâfu yâge, erhi cihêsi câge, ngasi kalugu ka mulungu wâwe koshi orhacîfînjagako.

Muhanûzi 2:5

Njira amasâne n’emirhi y’amalehe, ntà mulehe ntahiragamwo.

Lwimbo 4:15

Oli nshôko edômera obusane, iriba ly’amîshi gahulula, lwîshi lwâhona e Libano.

Yeremiya 22:17

Wêhe amasù n’omurhima gwâwe gahenekîre obunguke bwâwe bwône, n’okubulaga omukò gw’omwêru-kwêru, okulibuza abanyinyi n’okutula entarnbala.

Luka 12:15

Okubundi anacibabwîra, erhi: «Mumanye murhabâga ba kajiji, bulya omuntu obuzîne bwâge burhaba omu bunji bw’ebirugu byâge».

Lushika 11:10

Kulya kubà eco cihugo wajamwo cirhali nk’ecihugo c’e Mîsiri mwarhengamwo, eyo munda mwakazagiba mwamarhwêra emburho munagaliyidômera n’okugulu nka kula badômera obusane.

Lushika 5:21

«Orhahîra okacifinja mukà mulungu wâwe. Orhahîra okacîfinja enyumpa ya mulungu wâwe, nîsi erhi ishwa lyâge, erhi mwambali wâge erhi omwambalikazi, nîsi erhi nkâfu yâge, erhi ndogomi yâge erhi kandi kantu ka mulungu wâwe».

1 Timoteyo 6:9

Nabo balya balonza okubona amahirhi, kuhirima bahirima omu mashumi, n’omu murhego, n’omu iralà lya ngasi lubero ly’obuhwinja n’obuhanya, n’eryo iralà lyo lirhuma abantu bashâya, bahere, banasherêre.

1 Samweli 29:6

Kuli okwôla Akishi ahamagala Daudi anacimubwîra, erhi: «Nyamubâho aganze! Nêci kwo kunali oli muntu mushinganyanya, nsîmire okubona rhwagenda rhwembi oku matabâro, bulya ntà hibî nakubwinekwo kurhenga amango wayishiginshiga kuhika ene. Ci abarhambo b'Abafilistini barhakusimiri.

1 Samweli 8:14

Akola akamurhôla amashwa, enkoma zinyu z’emizêti minjinjà byoshi akabinyaga n’okubihà abarhonyi bâge.

1 Samweli 8:6

Ako kanwa kagayisa Samweli bulya bamaderha mpu: «Orhuhè Omwâmi wakarhurhegeka.» Samweli ashenga Nyakasane.