1 Bâm 2:19 - BIBLIYA NTAGATIFU OMU MASHI

¹⁹ Betisabeya anacikanya ajà emunda mwâmi ali agend’imushambâlira ogwa Adoniyasi. Mwâmi anaciyimuka akola agend’iyankirira nnina, anaciyunamiriza embere zâge agal’itamala oku ntebe yâge y’obwâmi. Balêrha eyindi ntebe ya nnina wa mwâmi, naye amutamala ekulyo.

1 Bâm 2:19 ပူးပေါင်းရင်းမြစ်များ

Murhondêro 48:12

Yozefu abayegûla abarhenza aha madwî g’îshe, anafukama ayunama, amalanga gahuma oku idaho.

1 Bâm 15:13

Ciru anyaga nakulu Maaka ecikono c’okuderhwa mwâmikazi, bulya amâjira enshanga Ashera. Asa ahongola eyôla nshanga agend’iyiyôkera oku mugezi gwa Kedroni.

1 Bâm 2:18

Betisabeya anacishuza, erhi: «Kwinjà, nayîsh’ibwîra mwâmi kuli okwo kwâwe.»

Ennanga 110:1

Lulanga. Lwa Daudi. Nyakasane àjire aho abwîra Nnawîrhu akanwa, erhi: «Bwârhala ekulyo kwâni, ntangiyandaza abashombanyi bâwe aha magulu gâwe».

Ennanga 45:9

Emyambalo yâwe edwîrhe yabaya bwinjinjà nka nshangi, obukù na nka bubâni n’omu burhwâli bwâwe buyûbake n’ihembe, ennanga zidumûsire zinakushagalusize.

Lubungo 20:12

Okazikenga sho na nyoko, ly’olama myâka minji omu cihugo ohîrwe na Nyakasane, Nyamuzinda wâwe.

Ben Levi 19:3

Ngasi muguma muli mwe agwâsirwe okukenga îshe na nnina, n’ensiku zâni za Sabato mukaz’izikenga. Nie Nyakasane Nyamuzinda winyu.

Ben Levi 19:32

Okâyimukira abantu bakulu oku ntebe, n’omushosi okaz’imukenga. Orhînye Nyamuzinda wâwe. Nie Nyakasane okurhegesire.

Mateyo 25:33

Emisâhene anayihugire ebwa kulyo, n’ebihebe ebwa kumosho.