1 Bâm 19:8 - BIBLIYA NTAGATIFU OMU MASHI

⁸ Azûka, alya ananywa; ebyo biryo byamuzibuhya, alambagira omu irungu lugendo lwa miregerege makumi anni na madufu makumi anni kuhika oku Horebu ntondo ya Nyamuzinda.

1 Bâm 19:8 ပူးပေါင်းရင်းမြစ်များ

1 Bâm 17:6

Ebihungu byakaz’imulêrhera emigati sêzi n’enyama bijingo, naye akanywa kuli ago mîshi.

1 Bâm 19:7

Ci kandi, malahika wa Nyakasane ashub’imuhumakwo amubwîra, erhi: «Zûk’olye, bulya enjira eri ndi kuli we.»

Lubungo 19:18

Entondo ya Sînayi yakaz’itumbûka mugî, bulya Nyakasane ali ayandagalirekwo omu ngulumira y’omuliro; omugî gw’ogwo muliro gwakâtumbûka nka mugî gw’itanuru, n’entondo yoshi yadirhimana bwenêne bwenêne.

Lubungo 24:18

Mûsa ayongobera mulya citù, asôkera oku ntondo miregerege makumi anni na madufu makumi anni.

Lubungo 3:1

Mûsa ali ayâbwîre obusò bw’ebibuzi by’ishazâla Yetro, mudâhwa w’e Mediyani. Alongôlana ebibuzi kulî-kulî omu irungu, àlinda ahika oku ntondo ya Nyamuzinda e Horebu.

Lubungo 34:28

Mûsa abêra okwo ntondo bo na Nyakasane, miregerege makumi anni na madufu makumi anni. Arhalyaga mugati, arhananywaga mîshi. Ayandika ebinwa by’endagâno kuli zirya nnambi ibirhi z’amabuye, birya binwa ikumi.

Lubungo 4:27

Nyakasane anacibwîra Aroni, erhi: «Kanya, obugane Mûsa omu irungu.» Agenda, amubugana oku ntondo ya Nyamuzinda, amuhôbera.

Daniyeli 1:15

Erhi ezôla nsiku ikumi zigera, lolà oku bo bâli bayinjihire, bo bànali batwezire kulusha eyindi misole yakazâgilya eby’omu bwâmi.

Mateyo 4:2

Erhi abà amâjira miregerege makumi anni na madufu makumi anni arhalya, anacishalika.

Marko 1:13

Abêra omu irungu miregerege makumi anni na madufu makumi anni, ashumikwa na shetani. Alimwo haguma n’ensimba; bamalahika bakazâg’imurhumikira.

Luka 4:2

ajiramwo nsiku makumi anni ashumikwa na shetani. Ezo nsiku arhakozagya kalyo ekanwa, n’erhi ziyunjula, ashalika.

2 Bakorinti 12:9

Naye ambwîra, erhi: «Enshôkano yâni erhakunyihiri; bulya obuhashe bwâni omu buzamba mwo bucîyerekana». Nkolaga nsîmire okulimbira obuzamba bwâni, lyo obuhashe bwa Kristu bumbêramwo.

Lushika 9:18

Oku bundi nacîha oku idaho, embere za Nyamubâho, nk’oku nanajiraga burhanzi, nashinga miregerege makumi anni na madufu makumi anni ntakoza omugati erhi mîshi ekanwa, najira ntyo erhi amaligo mwakolaga garhuma, aga mwagayisagyamwo Nyamubâho n’okumujira burhè.