1 Bâm 18:42 - BIBLIYA NTAGATIFU OMU MASHI

⁴² Oku Ahabu aciri omu njira arheremera emwâge mpu alyè ananywe, Eliya asôkera oku ntondo ya Karmeli, ayûnamira oku idaho, ahira amalanga omu madwî.

1 Bâm 18:42 ပူးပေါင်းရင်းမြစ်များ

Murhondêro 24:52

Erhi mwambali w’Abrahamu ayumva ebyo binwa, aharâmya embere za Nyamubâho.

2 Samweli 12:16

Daudi ashenga, alakira omwâna embere za Nyamuzinda: akalâla ntyo n’okulegerera arhaliri bici, aj’omu mwâge, alâle agwîshîre oku idaho bûmu.

1 Bâm 18:41

Eliya abwîra Ahabu erhi: «Yînamuka, olye onanywe, bulya namâyumva enkuba yakungula.»

1 Bâm 18:43

Abwîra hyambali hyâge erhi: «Oyînamuke, olole olunda lw’enyanja.» Ayînamuka, alola anaciderha erhi: «Ntâco ciyiri ciru.» Eliya ashubirira erhi: «Oshubîrire kali nda.»

1 Bâm 19:13

Erhi Eliya ahiyumva, acîfunikira obusù n’ecishûli câge, ahuluka, ayimanga aha lusò lwa lulya lwâla. Okubundi, izù lyanaciyumvikana, lyamubwîra mpu: «Eliya, bici wajira kuno?»

Ezra 9:6

nanaciderha, nti: Yâgirwa Nyamubâho, niono nyunjwîre mungo na mutula birhankarhuma nacîshomya nti ngalamire emunda oli, bulya amabî gîrhu gayûshûsire, garhaluka olugero, na ntyo obubî bwîrhu bwarhaluka amalunga.

Ayubu 37:11

Anahire omûka omu bitù, n’ebitù bihire emilazô eyi n’eyi.

Ennanga 89:7

K’omu bitù muli owakagererwakwo Nyakasane? Ndi oli aka Nyakasane omu karhî ka Bene-Nyamuzinda?

Izaya 38:2

Hizkiyahu ahindamukira ebwa nyasi, ashenga Nyakasane.

Izaya 6:2

Baserafi bali bayimanzire aha nyanya zâge, na ngasi muguma ali agwêrhe byûbi ndarhu: bibirhi bya kucîbwîka obusù, bibirhi bya kucîbwîka amagulu na bibirhi bya kubalala.

Yeremiya 46:18

Ndahîre oku ncihaba kanwa ka Mwâmi, olya oderhwa lya Nyakasane, Nayamuzinda w’Emirhwe; ayishiyisha, nka kula Tabora anabà omu ntondo, kula Karmeli alengerera oku nyanja.

Daniyeli 9:3

Nanaciyêrekeza obusù bwâni emunda Nyamuzinda ali, nahûna amango g’okushenga n’ag’okuyinginga omu kucîshalisa, omu kucîbabaza n’omukuyambala sunzu, nti ndôse kuli okwo.

Daniyeli 9:7

Yâgirwa Nyakasane kuli we obushinganyanya, na kuli rhwe, obusù buyunjwîre nshonyi nk’oku onabwîne kuli rhwe ene. kwo binali oku bantu b’e Yûda, oku bantu b’e Yeruzalemu n’abà omu Israheli boshi, oku bantu bali hôfi n’abâli kuli muli birya bihugo wabakungushiraga erhi bugoma n’amabî bakujiriraga garhuma.

Mateyo 14:23

Erhi acibà amâlîka abantu, ayinamukira oku ntondo yênene, aj’ishenga. Lêro byâbà bijingo, erhi alikwo yênene.

Marko 14:35

Erhi ashegûka hitya, acîrhimba oku idaho, ahûna mpu kukahashikana, ako kasanzi kamugere kulî.

Luka 6:12

Mw’ezo nsiku, arheremera oku ntondo, aj’ishenga; alâla ashenga Nyamuzinda obudufu bwoshi.

Ebijiro 10:9

Erhi kuca, na balya bantu nabo erhi bakola bali omu njira hôfi n’olugo. Petro arheremera oku nyanya ly’enyumpa mpu aj’iharâmya; yali nka nsâ ya kali ndarhu.

Yozwe 7:6

Yozwè anacisharhangula emyambalo yâge, afukamiriza, akamalanga kahuma oku idaho embere ly’omucîmba gw’amalaganyo, kuhika bijingo, ajira ntyo ye n’abagula ba bene Israheli, banacicihira oluvù oku irhwe lyâbo.

1 Samweli 12:18

Samweli ashenga Nyamubâho, na Nyamubâho alîka olwôla lusiku emilazô n’enkuba, ntyo olubaga lwayôboha bwenêne Nyamubâho na Samweli.